Tölvumál - 01.11.2015, Blaðsíða 27

27
ÞRÓUN Í
FORRITUNARKENNSLU
Hallgrímur Arnalds, lektor við Háskólann í Reykjavík og
umsjónarmaður BSc náms í tölvunarfræði
Viðtalið tók Dr. Ásrún Matthíasdóttir, lektor við Háskólann í Reykjavík
Hallgrímur er einn af þeim sem hefur kennt forritun lengi, bæði á
framhalds- og háskólastigi. Það er því áhugavert að heyra hvernig
honum finnst námið og námsefnið hafa breyst á undaförnum árum.
Hann telur að framboð á námsefni hafi breyst mikið þar sem áður var
ekki um margt að velja og oft var kennslubókin eina kennsluefnið sem
var notað ásamt verkefnum frá kennurum. „Nú fylgir yfirleitt heilmikið
ítarefni með kennslubókum svo sem glærur, forritunarverkefni og
lausnir, dæmi um próf, ítarefni á vef með krossaprófum og fleira. Fyrir
utan það geta bæði kennarar og nemendur fundið alls konar efni á
vefnum m.a. heilu námskeiðin um ákveðið efni, upptökur með
verkefnum og leiðbeiningum o.s.frv. En í grunninn finnst mér
kennslubækurnar vera svipaðar og áður, en það er ítarefnið sem fylgir
kennslubókum sem er sífellt að aukast“.
EN NEMENDUR, HAFA ÞEIR BREYST?
„Já áhugi á forritun hefur aukist mikið almennt í þjóðfélaginu sem
auðvitað hefur áhrif á áhuga nemenda á faginu. Hinn „venjulegi
nemandi“ hefur núna áhuga á forritun og vill kynna sér forritun en
áhuginn var áður bundinn við afmarkaðri hópa. Einnig hefur sjálfstæði
nemanda aukist með auðveldari aðgengi að leiðbeiningum og
kennsluefni.“ Hann telur að áður þegar nemendahópurinn var fámennari
þá hafi meirihluti nemenda þeirra verið tölvugrúskarar, „nördar“, en núna
er samsetningin fjölbreyttari og sumir nemendur hafa jafnvel litla sem
enga þekkingu á forritun þegar þeir mæta í háskólanám í tölvunarfræði.
Það er áhuginn á nýju og skapandi námi sem dregur þá að ásamt von
um góða atvinnumöguleika og framhaldsnám hérlendis og ekki síður
erlendis.
HVAÐ MEÐ KENNSLUAÐFERÐIRNAR, HAFA
ÞÆR BREYST?
Hallgrímur telur að þær hafi breyst með aukinni tækni í kennslu. „Notkun
á fyrirfram uppteknu efni verður sífellt vinsælla og próf sem nemendur
geta tekið á vefnum. Sjálfvirk yfirferð verkefna þannig að nemendur fá
endurgjöf á lausnir sínar strax eru dæmi um slíkar breytingar.“ Þetta
rafræna umhverfi er mikill stuðningur við nemendur, þeir geta sótt sér
aðstoð utan kennslutíma, æft sig á rafrænum prófum, leitað að
upptökum tengdum því verkefni sem unnið er með hverju sinni. Þetta er
allt annar veruleiki en fyrir ca. 20 árum.
AÐ LOKUM, HVERNIG SÉRÐU FYRIR ÞÉR
KENNSLU Í FORRITUN Í FRAMTÍÐINNI?
„Þar sem framboð á kennsluefni og fjölbreytni á kennsluefni eykst
stöðugt þá bjóðast nemendum sífellt fleiri leiðir til að tileinka sér efnið.
Þó að flestir læri forritun með því að forrita og leysa verkefni þá tel ég
það vera mjög mismunandi hvaða leiðir henta hverjum og einum
nemanda að ná því markmiði. Einum getur t.d. þótt best að læra forritun
með því að horfa á upptöku þar sem kennari fer yfir hvernig hann leysir
verkefni á meðan öðrum hentar betur að tileinka sér efnið með því að
lesa kennslubókina o.s.frv“. Hann telur það vera hlutverk menntakerfisins
að bjóða upp á mismunandi leiðir í námi en hver og einn nemandi velur
síðan þá leið sem honum hentar best. Lokaorð Hallgríms verða:
„Tölvunarfræði er bæði skemmtilegt og krefjandi nám og það er gaman
að upplifa sífellt aukin áhuga á greininni.“
NÝSKÖPUN ER LÆRDÓMSRÍK
Starfsfólk TripCreator fylgist grannt með í ferðaiðnaðinum – bæði með
samstarfsaðilum og keppinautunum. „Þetta er lifandi umhverfi og
breytingarnar eru örar. Við hjá TripCreator þurftum að byrja á byrjunarreit
því þetta er vara sem er ekki til annars staðar í heiminum.“ Nú starfa 10
manns hjá fyrirtækinu. „Að vinna í nýsköpunarfyrirtæki er lærdómsferli,
við leggjum kannski upp með eitthvað gera eitthvað ákveðið en svo
kemur í ljós að notandinn þarf eitthvað allt annað. Það er líka mikil
rannsóknarvinna á bak við verkefnin og maður verður að rökstyðja hver
markmiðin eru með hverri hugmynd. Á sama tíma er mikill fram-
kvæmda vilji í fyrirtækinu og starfsfólkið opið fyrir hugmyndum.“
TripCreator stefnir nú að því að bæta vefinn enn frekar með tilliti til
umsagna viðskiptavina ásamt því að fjölga áfangastöðum svo hægt sé
að nýta tólið til að skipuleggja ferðir til fleiri landa. „Það er þó algjört
leyndarmál,“ segir Lella að lokum.