Skólavarðan - 01.02.2007, Side 8

8
TVEIR PUNKTAR AF TÍU
SKÓLAVARÐAN 1.TBL. 7. ÁRG. 2007
Vinna við tíu skrefa samkomulag
menntamálaráðherra og KÍ fer fram
í mörgum nefndum sem starfað hafa
síðan í haust. Stjórn og skólamála-
nefnd Félags leikskólakennara sendi
trúnaðarmönnum félagsins bréf í
desember sl. þar sem athygli var beint
að tveimur atriðum sem fjallað er
um í samkomulaginu og þau tengd
stefnumálum FL/KÍ. Annars vegar er um
að ræða fljótandi skil skólastiga og hins
vegar breytingar á kennaramenntun.
Í bréfinu segir meðal annars: „ Þessi mál
eru í deiglunni í þeirri vinnu sem fram fer
um heildarendurskoðun á menntakerfinu,
allt frá leikskóla og upp úr. Kennarar og
skólastjórar á leikskólastiginu verða að
taka upp þessa umræðu og mynda sér
skoðanir. Mikilvægt er að leitast við að sjá
málin í víðu samhengi, þ.e. ekki eingöngu
með „leikskólagleraugunum“, heldur út
frá menntapólitísku sjónarmiði.
Skólastefna
Í skólastefnu KÍ stendur: Skólastigin myndi
samfellu og námstími á öllum skólastigum
sé sveigjanlegur þannig að nemendur geti
hafið nám á misjöfnum aldri og lokið því á
hraða sem hentar hverjum og einum.
Í þingsamþykkt KÍ segir ennfremur:
KÍ leggur áherslu á að kennaramenntun
fylgi þróun í skólakerfinu og kröfum
samfélagsins á hverjum tíma. Það er
löngu tímabært að lengja og styrkja
kennaramenntun á Íslandi svo hún verði
sambærileg við það sem best gerist í
nágrannalöndunum.
Fljótandi skil skólastiga
Umræða um skil skólastiga er eitt af þeim
málum sem mikið er rætt um í heildar-
endurskoðun á menntakerfinu. Mikilvægt
er að kennarar og skólastjórar í leikskólum
myndi sér skoðun á málinu og spyrji sig
spurninga eins og:
• Hvernig finnst mér að skilin milli
skólastiga eigi að vera?
• Hvað þýðir fljótandi skil, hvað vil ég að
það þýði?
• Hvaða augum lít ég það ef þeim
mörkum (6 ára) sem hingað til hafa gilt
verður breytt, börn fari í grunnskóla
fyrr eða síðar, t.d. á bilinu 5 – 7 ára, eða
jafnvel verði miðað við afmælisdag
barnsins sem meginreglu?
• Hverjir eru kostir þess og gallar fyrir
börnin að það verði valbundið hvenær
þau flytjast á milli skólastiga?
• Hvað má betur gera í leikskólum til að
efla einstaklingsmiðað nám þannig að
komið sé til móts við öll börn, hvar sem
þau eru stödd í þroska og aldri?
• Má gera skólanámskrá skýrari í leik-
skólum, t.d. með því að markmiðs-
tengja námskrá fyrir hvern árgang í
meira mæli en nú er gert?
• Er jákvætt og bætandi fyrir starf í
leikskólum og skil milli skólastiga að þar
starfi fólk með mismunandi menntun,
t.d. grunnskólakennaramenntun?
Breytt kennaramenntun
Nefnd um kennaramenntun hefur skilað
tillögum til menntamálaráðherra þar
sem lagt er til að allt kennaranám verði
lengt úr þrem til fjórum árum í fimm ár.
Kennaraháskóli Íslands hefur ákveðið
nýtt starfsskipulag sem tekur gildi næsta
haust. Þar er gert ráð fyrir að stúdentar
haldi áfram í meistaranámi beint eftir
grunnnám (B.Ed.), en ekki er gert ráð
fyrir að meistaranám verði strax gert
að skilyrði til að fá starf við kennslu.
Nýtt starfsskipulag KHÍ felur í sér að
kennaranám verður ekki bundið við
skólastig með sama hætti og verið hefur,
þ.e. tiltekin menntun fyrir þá sem ætla að
starfa í leikskólum, önnur menntun fyrir þá
sem ætla að starfa í grunnskólum o.s.frv.
Menntunin verður öðru vísi uppbyggð og
fjölbreyttari, fólk getur bæði dýpkað sig
og sérhæft og þannig haft möguleika á
að kenna á fleiri en einu skólastigi (eins
og þau eru skilgreind), t.d. menntun fyrir
þá sem ætla að kenna börnum 1- 8 ára
svo dæmi sé tekið (tilbúið dæmi). Þetta
þýðir að kennaraflóra leikskólans getur
orðið fjölbreyttari og sama má segja um
fagþekkingu innan hans.
Í tilefni af þessu kvikna margar spurn-
ingar sem nauðsynlegt er að velta vöngum
yfir. Þar má til dæmis nefna:
• Hvað finnst okkur um að hætt verði að
útskrifa kennara eingöngu til að kenna
á leikskólastigi/grunnskólastigi?
• Gæti það skapað betri skilyrði fyrir
samstarf og miðlun kennsluaðferða
milli skólastiga?
• Hvað finnst okkur um að aðrir en leik-
skólakennarar fái réttindi til að starfa
í leikskólum, t.d. grunnskólakennarar,
þroskaþjálfar, íþróttakennarar, list-
greina-kennarar o.s.frv.?
• Gæti slíkt hækkað hlutfall fagfólks
innan leikskólans?
• Er það jákvætt/nauðsynlegt fyrir „nám
án aðgreiningar“ í margmenningar-
samfélagi að í leikskólanum starfi
þverfaglegt teymi með margs konar
menntun?
• Skapar breytt fyrirkomulag aukna
möguleika fyrir leikskólastarfsemi eða
hindarnir, hvaða, hvernig?
• Eru auknir starfs- og menntunarmögu-
leikar jákvæðir fyrir leikskólakennara?
Björg Bjarnadóttir formaður FL, bjorg hjá
ki.is og Jónína Konráðsdóttir formaður skóla-
málanefndar FL, solborg hjá leikskolar.is
Kennarar og skólastjórar leikskóla hvattir
til að kynna sér tíu punkta samkomulagið
10