Skólavarðan - 01.03.2007, Blaðsíða 11

11
Lj
ó
sm
y
n
d
a
ri
:
In
g
ib
jö
rg
Ú
lf
a
rs
d
ó
tt
ir
fyrirspurn var m.a. beint til Aðalsteins
hvort reiknilíkanið væri notað til að skýla
pólitískum ákvörðunum og sagði hann
svo vera, líkanið skammtaði fjármagn
sem ríkisstjórn og Alþingi úthlutuðu til
skólanna.
Ingibjörg S. Guðmundsdóttir skóla-
meistari MÍ sagði frá reynslu sinni af
samningagerð í tveim skólum, frá grunni
í Kvennaskólanum og innkomu á síðari
stigum í Menntaskólanum á Ísafirði. Hún
sagði ferlið styrkja samstarf, samábyrgð og
skoðanaskipti innan skólanna og sagðist
jafnframt búast við að í framtíðinni ykist
vægi dreifstýrðra samninga og hlutfall
launa sem byggðist á frammistöðumati
myndi hækka. Ingibjörg lagði áherslu á að
endurskoða þyrfti stuðul fyrir launatengd
gjöld í reiknilíkaninu og eins þyrfti að
gera ráð fyrir viðbótarlífeyrissparnaði.
Loks væri nauðsynlegt að framhaldsskólar
byggju við meira öryggi í fjárveitingum en
verið hefur.
Einar Már Júlíusson fulltrúi kennara
í samstarfsnefnd MH fjallaði einnig um
samningsgerðina í sinni framsögu. Hann
sagði að hún hefði í heildina gengið mjög
vel og mikill metnaður meðal stjórnenda
að standa vel að verki. Einar Már telur
eins og Ingibjörg að svona samningar séu
komnir til að vera og sagðist sjá sóknarfæri
og svigrúm til hærri launa en ítrekaði að
skólar þyrftu að hafa peninga til að greiða
fyrir vinnuna.
Fjórir höfðu framsögu í síðari hluta
fundarins þar sem rætt var um sjálfsmat.
Fyrst tók til máls Bryndís Sigurjónsdóttir
skólameistari Borgarholtsskóla og fjallaði
um starfsmannasamtöl í framhaldsskólum.
Í meistaraprófsverkefni sínu rannsakaði
Bryndís gildi starfsmannasamtala í fram-
haldsskólum og meðal þess sem kom í ljós
var að samtímis því að fáir töldu sig hafa
fengið tækifæri til að ræða og skipuleggja
starfsþróun í samtalinu töldu margir
að traust hefði eflst og gagnkvæmur
skilningur aukist. Þá kom fram að víða er
erfitt að koma samtölunum í framkvæmd
vegna tímaskorts.
Unnar Örn Þorsteinsson kennari í Flens-
borgarskóla sagði frá sjálfsmati skólans en
Unnar hefur umsjón með því. Hann sagði
margvíslegan ávinning af sjálfsmati; betra
skipulag, lýðræðislegri stjórnun, bættar
samskipta- og boðleiðir og fleira. Þá væru
sjálfsmatsskýrslur góð auglýsing fyrir
skólann.
Hörður Ásgeirsson kennari í Fjölbrauta-
skóla Suðurlands sagði frá skosku sjálfs-
matskerfi sem skólinn hefur tekið upp,
innihaldi þess og aðferðafræði. Kerfið
heitir „How good is our school?“ og
byggist á þremur lykilspurningum: Hvernig
stöndum við okkur, hvernig vitum við það
og hvað gerum við næst? Hver þessara
þriggja þátta matsins er svo sundurliðaður
í innihald, aðferðir og aðgerðir og gefin
einkunn á bilinu 1-6 fyrir hvern undirþátt.
Skólinn er í samstarfi við þrjá aðra skóla
um matið og Hörður sagði þessa vinnu
hafa skapað mikla og góða umræðu um
innra starf.
Aðalheiður Steingrímsdóttir formaður
FF tengdi umfjöllun sína um sjálfs-
mat við kjarasamninga en úttektir á
sjálfsmatsaðferðum skóla hafa verið
gerðar frá skólaárinu 2002-2003 skv.
ákvæðum framhaldsskólalaga. Það ár voru
14 skólar komnir með kerfisbundið mat
og allir framhaldsskólar landsins farnir
að undirbúa sjálfsmat eða gera tilraunir
með slíkt. Aðalheiður sagði að til að sinna
sjálfsmati að einhverju gagni, þ.e. þannig
að það kæmi skólastarfi raunverulega að
gagni, þyrfti tíma, fjármagn, þekkingu
og fræðslu. Hvað þetta varðaði stæði
framkvæmd sjálfsmats enn höllum fæti. „Er
sjálfsmat hluti af fagmennsku kennara?“
spurði Aðalheiður meðal annars og sagði
að lítið væri vitað um viðhorf kennara til
sjálfsmats. Kennarar þyrftu að velta því fyrir
sér hvaða tækifæri fælust í sjálfsmatinu
fyrir þá sjálfa, starfsþróun þeirra og kjör.
Ef til vill væri þarna sóknarfæri í næstu
samningum.
Fundargerð kjaramálafundar FF 23. febrúar
2007 í heild er á www.ki.is
keg
Ingibjörg S. Guðmundsdóttir skólameistari MÍ sagði frá reynslu sinni
af samningagerð í tveim skólum, frá grunni í Kvennaskólanum og
innkomu á síðari stigum í Menntaskólanum á Ísafirði. Hún sagði ferlið
styrkja samstarf, samábyrgð og skoðanaskipti innan skólanna og sagðist
jafnframt búast við að í framtíðinni ykist vægi dreifstýrðra samninga og
hlutfall launa sem byggðist á frammistöðumati myndi hækka.
SKÓLAVARÐAN 2.TBL. 7. ÁRG. 2007
KJARAMÁL FRAMHALDSSKÓLAKENNARA