Ský - 01.07.1990, Blaðsíða 38

Ský - 01.07.1990, Blaðsíða 38
Óskar Árni Óskarsson gaf út í fyrra aðra ljóðabók sína, Einnar stjörnu nótt, og von er á nýrri bók frá honum meö haustinu. Bandaríkjamanninn Richard Brautigan (d. 1984) þekkja margir sem sagnaskáld en hann var ekki síöur athyglisvert ljóðskáld, ljóðið sem hér er birt er úr safninu Loading mercury with a pitchfork. Sigfús Bjartmarsson sendi frá sér þriðju ljóðabók sína, Án fjaöra, á seinasta ári. Julio Cortázar (d. 1984) var Argentínumaður en bjó lengst af í París, framúrskarandi smásagnahöfundur og lét einnig eftir sig nokkrar mjög afgerandi skáldsögur. Þeir skringilegu prósar sem hér birtast eru úr bókinni Historias de cronopios y famas (Sögur af tímagopum og orðsporum), sem ef til vill má kalla smásagnasafn. Gunnar Harðarson hefur gefið út tvær Ijóðabækur, sú seinni heitir Smárar og götusöngvar, og kom út í hittifyrra. Bárður R. Jónsson hefur verið að birta ljóð í tímaritum undanfarin misseri. Berglind Gunnarsdóttir er í þann veginn að gefa út þriðju ljóðabók sína, Ljósbrot í skuggann. Marína Tsvetaeva (d. 1941) var önnur af fremstu skáldkonum Rússa á þessari öld, hin var Anna Akhmatova. Jón Stefánsson hefur sent frá sér tvær bækur, sú seinni kom út í vetur og heitir Úr þotuhreyflum guða. Ljóð hans hér er ort viö ljósmynd sem Einar Falur Ingólfsson tók.

x

Ský

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Ský
https://timarit.is/publication/1193

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.