Ljóðormur - 01.05.1986, Side 23

SIGURÐUR JÓN ÓLAFSSON:
Vopnin bitlaus
Helst til lengi
höfum við verið friðmenn hér á götunum
og látið klæki andstæðingsins
villa okkur sýn
á meðan kröfur okkar hafa upplitast
í blámanum af sjónvarpinu
við erum heimaskítsmát
í refskák réttvísinnar
og vitund okkar er geymd á myndbandi
í næstu vidíóleigu
við göngum ekki lengur í þéttri fylkingu
við höfum týnt hvert öðru í öngstræti tímans
á eilífum flótta undan gjaldföllnum skuldum
á meðan reynsla fyrri ára
rykfellur í skápunum
hanga bitlaus vopnin
í óþekktu skúmaskoti
hver mun brýna egg í skörðin?
21