Morgunblaðið - 05.11.2015, Qupperneq 2

2 FRÉTTIRInnlent
MORGUNBLAÐIÐ FIMMTUDAGUR 5. NÓVEMBER 2015
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Helgi Bjarnason
helgi@mbl.is
Landhelgisgæslan hefur kært skip-
stjórnarmenn eða útgerðarmenn
skipa í íslenskri landhelgi alls 43 sinn-
um það sem af er þessu ári. Eru þetta
margfalt fleiri brot en á síðasta ári
þegar kært var 16 sinnum. Auðunn F.
Kristinsson, verkefnastjóri aðgerðar-
sviðs Landhelgisgæslunnar, tekur
fram að eftirlit hafi verið með svip-
uðum hætti bæði árin.
Auðunn segir um kæruskýrslur
Landhelgisgæslunnar í ár að þar sé
aðallega um að ræða brot á lögum um
lögskráningu og atvinnuréttindi, það
er að segja að skip séu ekki mönnuð í
samræmi við lög og reglur. Þá hafi af-
skiptum af skipum í farþegaflutning-
um fjölgað nokkuð, aðallega vegna of
margra farþega um borð, miðað við
leyfi. Þar komi hvalaskoðunarbátar
og aðrir farþegabátar við sögu.
Þrjú skip tekin í síðustu viku
Einnig hefur orðið fjölgun í meint-
um landhelgisbrotum. Sem dæmi má
nefna að í síðustu viku tók varðskipið
Þór þrjú skip við ólöglegar veiðar.
Togari var tekinn norður af Vest-
fjörðum að morgni laugardags. Fyrr í
vikunni voru tvö línuskip staðin að
veiðum í lokuðum hólfum fyrir Norð-
urlandi. Öllum skipunum var vísað til
hafnar þar sem lögregla tók við rann-
sókn málanna.
Auðunn þekkir ekki ástæður fjölg-
unar brota. Veltir fyrir sér hvort
kæruleysi skipstjórnarmanna hafi
aukist eða hvort menn séu værukær-
ari en áður og telji að eftirlit sé
minna. Hann segir að svo sé ekki.
Alltaf sé verið að betrumbæta eftirlit-
ið og gera það markvissara. Þá séu
allmörg dæmi um ítrekunarbrot og
einn bátur hafi verið kærður þrisvar
á árinu fyrir meint brot.
Fjareftirliti sinnt
Landhelgisgæslan notar skip sín
og loftför við eftirlitið en einnig er
talsvert fjareftirlit stundað á aðgerð-
arsviði Landhelgisgæslunnar. Í sum-
um tilvikum þurfa skip og flugvélar
Gæslunnar að fara á vettvang til að
sanna brotin en í öðrum tilvikum eru
fjarskiptatæki notuð til að vísa skip-
um til hafnar og lögregla beðin um að
taka á móti þeim.
 Landhelgisgæslan hefur kært 43 brot í ár á móti 16 á síðasta ári  Mest um að skip séu ekki mönnuð
rétt  Farþegar eru stundum of margir  Einn bátur hefur verið tekinn þrisvar fyrir landhelgisbrot
Margfalt fleiri brot kærð
Morgunblaðið/Ómar
Gæslan Í síðustu viku tók varðskipið Þór þrjú skip við ólöglegar veiðar.
Kristján H. Johannessen
khj@mbl.is
Hjónin Ragnar Ólafsson og Hólm-
fríður Jóna Guðmundsdóttir í Kópa-
vogi, tryggir áskrifendur Morgun-
blaðsins í yfir 20 ár og vinnings-
hafar í áskriftarhappdrætti blaðs-
ins, sóttu í gær vinning sinn, glæsi-
legan sportjeppa af gerðinni Suzuki
Vitara GLX, í bílaumboð Suzuki á
Íslandi í Skeifunni 17 í Reykjavík.
Verðmæti jeppabifreiðarinnar er
rúmar 5,4 milljónir króna.
„Það var árið 1982, þegar við vor-
um bæði ung og rík, sem við feng-
um okkur seinast nýjan bíl úr kass-
anum. Var það þá svartur Daihatsu
Charade með kýrauga á hliðunum,“
sagði Ragnar þegar þau hjónin tóku
við lyklunum að vinningsbílnum úr
hendi Úlfars Hinrikssonar, fram-
kvæmdastjóra Suzuki á Íslandi.
Fyrir eiga þau Ragnar og Hólm-
fríður Jóna tvo fólksbíla, 13 og 15
ára gamla, sem báðir eru eknir um
300.000 kílómetra. Það er því, að
sögn Ragnars, „alger draumur í
dós“ að fá nýjan sportjeppa, en í síð-
asta mánuði hringdi Haraldur Jo-
hannessen, ritstjóri Morgunblaðsins
og framkvæmdastjóri Árvakurs hf.,
í Ragnar og tilkynnti honum um
vinninginn. Var Ragnar þá staddur
í fríi á Ítalíu ásamt fjölskyldu og
vinum.
Á búgarði í Toscana-héraði
„Þetta var fyrsta kvöldið okkar
og vorum við þá stödd á lífrænum
búgarði í Toscana-héraði. Ég hafði
fengið skilboð frá vinnufélaga mín-
um þess efnis að Haraldur væri bú-
inn að reyna að ná í okkur, en ég
skildi ekki af hverju því ég vissi
ekki af þessari keppni – maður spá-
ir ekkert í svona enda vinnur maður
aldrei neitt. Haraldur sýndi hins
vegar mikla þrautseigju og náði í
okkur í gegnum símann hjá Fríðu,
konu minni,“ sagði Ragnar og bætti
við að símtalið hefði komið sér
verulega á óvart. „Maður fer nátt-
úrlega í hálfgert sjokk við svona
tíðindi.“
Fljótlega eftir að heim var komið
frá Ítalíu sóttu hjónin bílaumboð
Suzuki heim í þeim tilgangi að
kynna sér betur verðlaunabílinn og
velja á hann lit, en í boði eru alls
fjórtán litasamsetningar.
Sportjeppi í tveimur litum
Ákváðu þau Ragnar og Hólm-
fríður Jóna að hafa jeppabifreiðina
í mildum ljósbrúnum lit en með
svartmálað þak og útispegla.
„Framendi bílsins er mjög sportleg-
ur og því fannst mér það freistandi
að fara aðeins út fyrir rammann og
velja liti sem tekið er eftir. Bíllinn
verður, að mér finnst, rennilegri
svona tvílitur,“ sagði Ragnar. Þá er
jeppabifreiðin einnig á mjög sport-
legum felgum sem gera mikið fyrir
útlitið auk þess sem finna má króm-
lista á framenda og hliðum bifreið-
arinnar.
Spurður hvert ekið verður fyrsta
rúntinn á nýja jeppanum svaraði
Ragnar: „Ætli við tökum ekki sjáv-
arsíðuna við höfuðborgarsvæðið áð-
ur en við endum í miðbænum þar
sem ég býð Fríðu upp á pylsu.“
Er þetta í fjórða sinn sem Morg-
unblaðið afhendir nýja bifreið í
áskrifendaleik blaðsins.
Morgunblaðið/Eggert
Til hamingju Vinningshafarnir Hólmfríður Jóna Guðmundsdóttir og Ragnar Ólafsson taka á móti bíllyklunum úr
hendi Úlfars Hinrikssonar, framkvæmdastjóra Suzuki, en að baki honum stendur Haraldur Johannessen ritstjóri.
Fengu sér seinast bif-
reið úr kassanum 1982
 Tryggir áskrifendur fengu nýjan sportjeppa afhentan
Miklar annir voru í Karphúsinu hjá
embætti ríkissáttasemjara í gær.
„Það voru einir þrettán fundir í
dag og fullt hús af fólki,“ sagði El-
ísabet Ólafsdóttir, skrifstofustjóri
hjá ríkissáttasemjara, síðdegis í
gær. Þar ræddu samninganefndir
bæjarstarfsmanna í BSRB og ASÍ
við samninganefndir Sambands ís-
lenskra sveitarfélaga, Reykjavíkur-
borgar og ríkisins. Aðilar nýttu sér
aðstöðuna þótt viðræðunum hefði
ekki verið vísað til ríkissáttasemjara.
Í gær voru einnig haldnir fjórir
fundir í kjaradeilum sem vísað hafði
verið til ríkissáttasemjara.
Fundur Skólastjórafélags Íslands
og launanefndar Sambands ís-
lenskra sveitarfélaga hófst kl. 10.00 í
gærmorgun. Gert var hlé síðdegis til
klukkan 19.00 og þótti allt benda til
þess að kjarasamningur yrði undir-
ritaður, eins og raunin varð. Degin-
um lauk með undirritun kjarasamn-
ings Skólastjórafélagsins og
Sambands íslenskra sveitarfélaga.
Auk þess funduðu í gær Verka-
lýðsfélag Akraness og launanefnd
sveitarfélaga vegna starfsmanna hjá
Akranesbæ (sjá hér fyrir neðan) og
eins Flugvirkjafélag Íslands og ríkið
vegna flugvirkja hjá Flugmála-
stjórn. Einnig var haldinn fundur í
kjaradeilu 13 félaga bæjarstarfs-
manna innan BSRB, sem eru í sam-
floti, og ríkisins. Annar fundur í þeim
viðræðum er boðaður í dag.
Ekki hefur verið boðaður fundur í
Straumsvíkurdeilunni, þ.e. deilu sex
stéttarfélaga við SA vegna Rio Tinto
Alcan. Í fyrradag var fundur í deilu
Flugvirkjafélagsins og Bláfugls ehf.
og var ekki búið að boða annan fund
þeirra í gær. gudni@mbl.is
Margir fundir
í Karphúsinu
 Skólastjórar sömdu við sveitarfélögin
Ljósmynd/KÍ
Undirritun Skólastjórafélag Íslands og Samband íslenskra sveitarfélaga.
Verkalýðsfélag Akraness (VLFA)
sleit í gær viðræðum við launa-
nefnd sveitarfélaga vegna starfs-
manna hjá Akraneskaupstað.
Ástæðan er sú að launanefndin
vísaði í SALEK-samkomulagið.
Samkvæmt því á að taka tillit til
launabreytinga frá nóvember
2013. Kostnaðaráhrif kjarasamn-
ings frá þeim tíma til ársloka 2018
mega ekki vera hærri en 32%. Vil-
hjálmur Birgisson, formaður VLFA,
segir ljóst að kostnaðaraukinn sé
orðinn 11%. Starfsmönnum sveit-
arfélaga standi
því einungis til
boða rúmlega
20% hækkun
til ársloka
2018. Hann tel-
ur að sam-
komulagið
standist ekki
lög og hefur því
falið lögmönn-
um VLFA að fá
félagsdóm til að skera úr um lög-
mæti SALEK-samkomulagsins.
Stefnir SALEK fyrir félagsdóm
VLFA TELUR SALEK-SAMKOMULAGIÐ EKKI STANDAST LÖG
Vilhjálmur
Birgisson