Morgunblaðið - 30.11.2015, Síða 24

24 DÆGRADVÖL
MORGUNBLAÐIÐ MÁNUDAGUR 30. NÓVEMBER 2015
Stjörnuspá
21. mars - 19. apríl 
Hrútur Hættu að vorkenna sjálfri/sjálfum
þér og líttu frekar á hvað það er sem þú ger-
ir rangt. Mundu það þegar þú ert í sam-
skiptum við viðkvæma persónu sem þú
þekkir.
20. apríl - 20. maí 
Naut Hlustaðu á eðlisávísun þína, þegar
kemur að máli sem snertir þig og þína nán-
ustu. Stattu föst/fastur á þínu uns rykið eft-
ir hina hefur sest aftur.
21. maí - 20. júní 
Tvíburar Lífið hefur mikinn tilgang núna, þar
sem viss manneskja spilar stóra rullu. Vertu
þér meðvitandi um vald þitt og farðu vel
með það.
21. júní - 22. júlí 
Krabbi Það er eðlilegt að finna til af-
brýðisemi vegna yfirgengilegrar velgengni
annarra. En þú þarft bara að takast á við
vandann með hetjulund.
23. júlí - 22. ágúst 
Ljón Dagurinn markast af kraftmiklum og
skapandi törnum. Ef það er satt er þig oft að
dreyma þessa daga – í sturtunni, í umferð-
inni, í búðinni og svo auðvitað á nóttunni.
23. ágúst - 22. sept. 
Meyja Það er hollt að vera jafnan við öllu
búin/n og geta þá notið velgengni og tekist
hraustlega á við mótlætið. Ekki afskrifa
neina drauma án umhugsunar.
23. sept. - 22. okt. 
Vog Hættu að mikla fyrir þér eigin vanda.
Kannski lætur þú blekkjast af sorgarsögu
sem ekki er sannleikanum samkvæm.
23. okt. - 21. nóv.
Sporðdreki Fólk treystir því að þú munir
mæta, og þegar þú gerir það er augljóst að
allir eru að horfa á þig. Mundu að þetta er
leikur, þú ert enn frjáls.
22. nóv. - 21. des.

Bogmaður Þú getur leitað hátt og lágt, en
kemst að því að það er ekkert til að stressa
sig yfir. Hlustaðu og taktu þátt í samræðum
en ekki lofa neinu.
22. des. - 19. janúar 
Steingeit Þú sérð ekki út úr augum vegna
anna og þarft að komast frá í smátíma.
Sumir taka eftir breytingunum, aðrir ekki.
20. jan. - 18. febr. 
Vatnsberi Vinur gagnrýnir meðferð þína á
fjármunum hugsanlega. Sýndu aðgát við
akstur eða á gangi. Háttvíst fólk eins og vog-
in veit hvenær rétti tíminn er til þess að
byrsta sig.
19. feb. - 20. mars

Fiskar Þið ættuð ekki að hika við að beita
gömlum ráðum gegn nýjum vandamálum.
Slík framkoma kemur þér bara í koll fyrr eða
síðar.
Ármann Þorgrímsson var meðskemmtilegar hugleiðingar á
Leirnum á miðvikudag, – hann
minnti mig á kerlinguna og sálina
hans Jóns míns þegar hann sagði að
„ég er að komast á þann aldur að ég
þarf að fara að hugsa um vista-
skipti og skrapp þess vegna upp til
að huga að stöðu minni þar. Ég
mætti mörgum á leiðinni sem ég
kannaðist við en ég er bjartsýnn að
eðlisfari og hugsaði því:
Framundan er gatan greið
hinn gullna veg.
Nú er fólk á niðurleið
nema ég.
Ég kom að dyrum sem voru í
frekar lélegu viðhaldi og voru þær
opnar í hálfa gátt.
Fljótt ég sá að Framsókn ræður
flestu þar
Uppi í hillu eru skræður
ólesnar.
Engar tölvur eiga þarna
og ekkert fés
aðeins skruddu illa farna
sem enginn les.
Hvíthærður öldungur, eldri en
ég, var við afgreiðslu. Ekki hefur
hann verið látinn hætta 70 ára.
Fletti hann með fingrum sveittum
fornri bók,
sagðist ekki sjá þar neitt um
svartan hrók.
Þannig standa málin núna.
Er að hefjast önnur lota
eilífðar.
Eflaust þarf ég ekki að nota
úlpu þar.“
Sigmundur Benediktsson spáir í
veðrið:
Í veðurkortum vindur hrín,
vart ég skjólsæld hreppi.
Best að drekka brennivín
birgður undir teppi.
Frostið herðir freratök
fleira skreppur saman
og ef krapar vonavök
verður lítið gaman.
Kneyfa skal því koníak,
kvæða auka raupið.
Ferskeytlan er fyrirtak.
Fæ mér enn í staupið!
Vel lá á Pétri Stefánssyni í vik-
unni og átti von á góðum kvöld-
verði:
Nú er ég reifur og rogginn
og rölti frá allri neyð,
nú fæ ég gott í gogginn;
grillaða lambasneið.
Halldór Blöndal
halldorblondal@simnet.is
Vísnahorn
Hvernig verður það
eftir vistaskiptin?
Í klípu
„ÉG ER AÐ FARA AÐ LÝSA FISKI DAGSINS,
VEIDDUM Í DAG, EN LEYFIÐ MÉR FYRST
AÐ LÝSA ÞEIM SEM SLAPP Í BURTU.“
eftir Mike Baldwin eftir Jim Unger
„EF ÞÚ ERT SVONA MIKIÐ Á MÓTI
VEÐMÁLUM, HVERS VEGNA ERTU ENN Í
ÞESSUM HJÓNABANDSBRANSA?“
Hermann
Ferdinand
Hrólfur hræðilegi
Grettir
... þegar danstímarnir
ykkar fara að skila sér!
HANN LEÓ FRÆNDI MINN
VAR HEILSUHRAUSTUR
ALLA SÍNA TÍÐ…
SÍÐAN EINN
DAGINN… BAMM!
HANN FÓR BARA
SISVONA!
HJARTAÁFALL?
SÍMASKRÁIN Í
HONG KONG
ÞESSI BÆKLINGUR
SEGIR AÐ SMÁ-
DREKAR VERÐI…
…NÆSTA
GÆLUDÝRIÐ SEM
„ALLIR VERÐI
AÐ FÁ“!
ÉG VILDI AÐ ÉG
GÆTI STOFNAÐ
SMÁDREKABÝLI…
HVAÐ
STOPPAR
ÞIG?
BRUNATRYGGINGIN
ER SVO DÝR!
Hatursorðræða er hugtak sem hef-ur fest sig í sessi á málþingi
dagsins. Allt mögulegt sem ber á
góma og er á jaðri þess sem almennar
óskráðar leikreglur leyfa er flokkað
sem hatur, mannvonska, fordómar og
þaðan af verra. Skiptar skoðanir um
málefni innflytjenda og minnhluta-
mál eru kröftugt dínamít og hávaði
frá sprengingum bergmálar víða.
Áberandi er að fulltrúar þeirra sem
segjast vilja þeim sem höllum fæti
standa vel telja sig þess umkomna að
dæma þá sem hugsanlega eru á önd-
verðum meiði. Þá eru ekki spöruð
stóru orðin. Viðkomandi sagt að hafa
sig hægan, draga orð sín til baka og
sýna auðmýkt.
x x x
Samkvæmisleikurinn „að biðjastafsökunar“ er annars orðinn
frekar þreytandi, að mati Víkverja.
Fólk getur verið heiðarlega ósam-
mála, misskilið, haft rangt eftir eða
bara lagt ólíkan skilning í hlutina.
Það þarf enga afsökunarbeiðni þó að
menn sjái silfrið hver með sínum aug-
um. Sem betur fer eru ekki allir eins,
sagði amma um árið við Víkverja,
sem hefur sannfærst æ betur með ár-
unum um að gamla konan hafi haft
sitthvað til síns mál.
x x x
Kjarni þessa alls eru mannasiðir.Flestir læra sem börn að best er
að fara með löndum og stilla orðum í
hóf. En alltaf er til fólk sem fer fram
úr sjálfu sér með rugli og röfli og er
sér til skammar. Þegar þetta hendir
spyr Víkverji viðkomandi hvort hann
hafi farið öfugum megin fram úr þann
morguninn. Biður svo viðkomandi um
að telja upp að tíu, draga andann
djúpt og fara út og fá sér frískt loft. „Í
guðanna bænum“ er sagt ef viðkom-
andi minnkar ekki dampinn.
x x x
Um 90-95% af öllum sem Víkverjihittir eru ágætis fólk sem vill vel
og kann listina að vera manneskja.
Það kemst af við aðra. Inn á milli
leynist svo leiðindalið sem dæmir sig
sjálft úr leik með því sem Víkverji
kallar munnsöfnuð og bjánagang,
enda er óljóst hvað felst í hugtakinu
hatursorðræða. víkverji@mbl.is
Víkverji
Látið ekkert fúkyrði líða ykkur af
munni heldur það eitt sem er gott til
uppbyggingar, þar sem þörf gerist, til
þess að það verði til góðs þeim sem
heyra.
Smiðjuvegi 66 • Kópavogi • 580 5800 • www.landvelar.isFuruvöllum 3 • Akureyri • 461 2288
Kamasa verkfæri
– þessi sterku