Morgunblaðið - 22.12.2015, Blaðsíða 22

22 UMRÆÐAN
MORGUNBLAÐIÐ ÞRIÐJUDAGUR 22. DESEMBER 2015
Tíminn í kringum jólin
laðar oft fram það versta
í okkur: við borðum,
drekkum og eyðum
meiru en við gerum
venjulega og sjáum svo
eftir því á nýju ári þegar
við stígum á vigtina og
reikningarnir byrja að
berast. Við erum oft ekki
meðvituð um venjur okk-
ar heldur látum stjórn-
ast af ómeðvituðum viðbrögðum.
Hér fyrir neðan eru nokkur góð ráð
til að upplifa jól í lifandi vitund:
Lifandi vitund og matarvenjur
Dr. Brian Wansink, sérfræðingur í
matarsálfræði við Cornell-háskólann
og höfundur bókarinnar Mindless
Eating: Why We Eat More Than We
Think, hefur bent á að djúp gjá er á
milli matarlystar og matarvenja.
Hann heldur því fram að við tökum
um 200 ákvarðanir dag hvern sem
tengjast mat. Flestar þessara ákvarð-
ana eiga rætur að rekja til ýmissa
þátta sem fá okkur til að halda áfram
að borða, jafnvel þó að við séum búin
að mettast. Þetta eru atriði eins og
lykt og litur fæðunnar, fjöldi borð-
félaga, umbúðir, merkingar o.fl.
Wansink gerði tilraun þar sem til-
raunastofu var breytt í veitingastað og
settar upp faldar myndavélar. Hann
sýndi fram á það að þegar fólk er beðið
um að meta hversu mikið það borðar
treystir það augunum betur en mag-
anum. Í einni tilraun sem hann kallaði
„Botnlausu súputilraunina“ var leynt
og ljóst ítrekað fyllt á
súpuskálarnar, sem
hafði þau áhrif að fólk
borðaði miklu meira en
það hélt.
Wansink leggur til
að við borðum í vitund
og reynum að átta okk-
ur á muninum á því að
vera ekki lengur svöng
og því að vera södd.
Gott er t.d. að nota
smærri diska, sleppa
því að fá sér þrjá rétti á
veitingastað heldur
bara tvo og skipta stórum pakkning-
um í tvo eða þrjá hluta. Þetta snýst
svolítið um það að bera kennsl á þær
ómeðvituðu matarvenjur sem við höf-
um tamið okkur. Wansink segir að
það taki um mánuð að festa þessar
nýju venjur í sessi og mælir með að
fólk haldi matardagbók til að gera allt
sem það borðar sýnilegt í stað þess að
treysta á minnið eingöngu.
Lifandi vitund
og verslunarferðir
Dr. April Lane Benson, sálfræð-
ingur og höfundur bókarinnar To Buy
or Not to Buy: Why We Overshop and
How to Stop, segir að það að versla sé
fyrir marga hvatvís atburður og nokk-
urs konar dægrastytting, sérstaklega
í jólamánuðinum þegar verslunar-
miðstöðvar og búðir fyllast af fólki
sem er tilbúið að verða þessari ómeð-
vituðu venju að bráð. Í dag er auk
þess miklu meiri hætta á að kaupa of
mikið en áður fyrr þar sem við þurfum
ekki einu sinni að yfirgefa heimilið
heldur getum keypt allt sem okkur
langar í á netinu.
Benson segir að mikilvægt sé að
undirbúa verslunarferðir m.a. með því
að sundurliða fjárútgjöldin og gefa
hverju atriði einkunn eftir því hversu
mikilvægt eða nauðsynlegt það er.
Þetta hjálpar til við að halda utan um
útgjöldin þar sem fókusinn er ekki að-
eins á upphæðina heldur einnig á for-
gangsröðunina. Annað sem getur
gagnast er að lista upp allt sem stend-
ur til að kaupa áður en lagt er í versl-
unarleiðangur, gefa atriðunum ein-
kunn eftir mikilvægi, og endurskoða
síðan listann. Gott ráð er einnig að
ákveða fyrirfram hvar maður ætlar að
versla, hve lengi, með hverjum, hvað
maður ætlar að kaupa, og hvaða upp-
hæð maður ætlar að eyða.
Benson leggur til að við svörum eft-
irfarandi sex spurningum áður en við
setjum hlut í innkaupakerruna til að
við verðum meðvitaðri um það sem við
erum að gera:
1. Hvers vegna er ég hér?
2. Hvernig líður mér? (vel, illa, óör-
ugg/ur, með samviskubit, pirraður/
pirruð o.s.frv.)
3. Hef ég þörf fyrir þetta?
4. Hvað ef ég myndi bíða með að
kaupa þetta?
5. Hvernig ætla ég að greiða fyrir
þetta?
6. Hvar mun ég hafa það?
Vitund í daglegu lífi
Gott er að vera í vitund á sem flest-
um sviðum lífsins þótt það sé ekki
nema með því að staldra við annað
slagið og gefa sér nokkrar mínútur í
kyrrð: sestu niður, lokaðu augunum
hægt og rólega og opnaðu skilning-
arvitin. Hvað heyrirðu? Hvað sérðu?
Hvaða lykt finnurðu? Taktu einnig
eftir linnulausu innra tali hugans og
hugsunum þínum, án þess þó að
dæma þær. Vertu aðeins áhorfandi.
Gleðileg jól!
Að halda jól í vitund
Eftir Ingrid
Kuhlman » Jólatímabilið laðar
oft fram það versta í
okkur: við borðum,
drekkum og eyðum
meiru en við gerum
venjulega og sjáum svo
eftir því á nýju ári.
Ingrid Kuhlman
Höfundur er framkvæmdastjóri
Þekkingarmiðlunar.
Kristin trú varð til í
Mið-Austurlöndum,
en kristnir Palest-
ínumenn hafa undir
yfirráðum síonista
Ísraels aldrei átt auð-
velt líf, og eins og
Douglas Dicks hjá
kaþólsku hjálpar-
stofnuninni segir:
Kristnir Palestínu-
menn verða fyrir
sömu kúgunum og of-
sóknum og aðrir Palestínu-
múslimar. Síonistar gera nákvæm-
lega engan greinarmun á kristnum
Palestínumönnum og Palestínu-
múslimum. Í dag er talað um að af
12 milljónum Palestínumanna séu
um fjórar milljónir kristinnar trúar
(um 35%), en vegna her- og land-
náms síonista búa margir Palestínu-
menn víða um heim, svo og í flótta-
mannabúðum. Á Vesturbakkanum,
austurhluta Jerúsalem og Gaza er
talað um að fjöldi kristinna Palest-
ínumanna sé yfir 300 þúsund.
Stærstur hluti þeirra tilheyrir Rétt-
trúnaðarkirkjunni, rómversk-
kaþólsku og grísk-kaþólsku kirkj-
unni, og síðan tilheyra þeir öðrum
ekki eins fjölmennum söfnuðum,
lúterskum, sýrlenskum, armenskum
og koptískum. Stuðningsmenn Síon-
ista-Ísraels hafa í gegnum árin stutt
og réttlætt allt her- og landnám
síonista, en hernámið hefur gengið
út á það að taka meira og meira af
landsvæðum Palestínumanna – al-
gjörlega gegn alþjóðalögum – þar
sem ekki aðeins barnaleikvellir eru
eyðilagðir heldur heilu íbúðar-
hverfin skipulega rifin niður með
stórum vinnuvélum. Fyrir utan allt
þetta her- og landnám hafa allar
þessar 699 vegtálmanir og hindr-
anir er síonistar hafa komið upp á
landsvæðum Palestínumanna eyði-
lagt mikið fyrir allri kristinni trú,
og nú er svo komið að menn tala um
að öll kristin trú í Palestínu sé að
hverfa. Kristnir Palestínumenn
spyrja reyndar af hverju kristnir
síonistar og ýmsir hvítasunnusöfn-
uðir styðji hernám og að hús þeirra
og íbúðir séu rifin niður með jarð-
ýtum fyrir síonistalandnema.
Kristnir Palestínu-
menn mótmæla
Á Vesturbakkanum, Gaza og Ísr-
ael eru daglega friðsamleg mótmæli
kristinna Palestínumanna gegn
múrnum, her- og landnáminu á
Vesturbakkanum og gegn herkví
um Gaza. Allar þessar kirkjur
þarna hafa reynt að koma skila-
boðum til trúbræðra sinna á Vest-
urlöndum með því að gefa út yf-
irlýsingar gegn kristnum síonisma,
eins og t.d. Kairos Palestine og The
Jerusalem Declaration on Christian
Zionism eða þar sem þessir söfn-
uðir mótmæla síonisma. Þá hafa
kristnir Palestínumenn reynt að
koma skilaboðum áfram með því að
gefa út bækur, eins og t.d. Naim
Stifan Aleek með bók sinni A Pa-
lestinian Christian Cry for Recon-
ciliation og Mitri Raheb með bók
sinni I Am a Palestin-
ian Christian. Það má
segja að oft sé öllum
mótmælum kristinna
Palestínumanna svarað
með gyðingahatri. Þeg-
ar eigur og hús kaþ-
ólsku kirkjunnar í aust-
urhluta Jerúsalem voru
jöfnuð við jörðu voru
fjölmiðlar hræddir við
að segja frá öllum þeim
þúsundum annarra
húsa er síonistar hafa
einnig merkt til niður-
rifs, því allt slíkt tal, til viðbótar við
þau 28 þúsund hús er síonistar hafa
þegar jafnað við jörðu, kallar á að
menn verði úthrópaðir gyðingahat-
arar.
Blessanir og ekki
yfirráð síonista
Það fólst engin blessun í allri
þessari hryðjuverkstarfsemi síon-
ista fyrir stofnun 1948, eða þar sem
þetta nýja ríki síonista, Ísrael,
fæddist gegnum manndráp og
hryðjuverk Stern-, Irgun- og Hag-
ana-hryðjuverkahópanna er voru í
því að sprengja hús og fólk til að
komast yfir landsvæði. Ekki fólst
nein blessun í því þegar síonistar
hófu sex daga stríðið með djöful-
skap með að ráðast á egypska flug-
velli og með því að hertaka Gólan-
hæðirnar og Vesturbakkann 1967.
Það er ekki hægt að segja að síon-
istar hafi verið einhverjir friðar-
sinnar þar sem þeir hófu auk þess
stríðið gegn Líbanon 1982 og aftur
2006. Þegar Jesús Kristur sagði
„sælir eru hógværir því að þeir
munu jörðina erfa“ átti hann örugg-
lega ekki við þetta Síonista-Ísrael.
Ekki er heldur hægt að kalla þetta
fólk gyðinga, því að gyðingar Gamla
testamentisins eiga lítið sem ekkert
sameiginlegt með öllum þessum of-
beldis- og hryðjuverkum síonista.
Torah-gyðingar segja að síonistar
hafi stolið þeirra virðulega nafni,
„gyðingar“, og misnotað það, og
þeir eru á móti síonisma og öllum
þessum yfirráðum síonista (true-
torahjews.org). Kristnir Palestínu-
menn og þeirra múslimabræður
vilja alls ekki vera undir yfirráðum
síonista, hvað þá fleiri stríð, og hafa
kallað eftir tveggja ríkja lausn, svo
og að bræður þeirra fái að snúa aft-
ur til heimalandsins. Sagan segir
okkur að lönd undir yfirráðum, eins
og t.d. undir yfirráðum nasista í síð-
ari heimsstyrjöldinni, fá fólk til þess
að mynda uppreisnarhópa eins og í
Noregi og Danmörku, en ekki er ég
að mæla með ofbeldi. Menn geta
deilt um hvað margir Palestínu-
menn og síonistar hafi látist, en allt
þetta her- og landnám á Vestur-
bakkanum og í austurhluta Jerúsal-
em verður að hætta, svo og verður
þessi herkví um Gaza að hætta. Það
er sorglegt til þess að vita að öll
kristin trú í Palestínu sé að hverfa,
einnig er sorglegt til þess að vita að
kristnir síonistar og ýmsir hvíta-
sunnusöfnuðir skuli standa svona
algjörlega með Síonista-Ísrael og
gegn kristinni trú þarna og gegn
trúbræðrum sínum.
Kristnir Palest-
ínumenn undir
yfirráðum
síonista Ísraels
Eftir Þorsteinn
Sch. Thorsteinsson
Þorsteinn Sch.
Thorsteinsson
»Kristnir Palestínu-
menn og þeirra
múslimabræður vilja
alls ekki vera undir yfir-
ráðum síonista, hvað þá
fleiri stríð.
Höfundur er margmiðlunar-
fræðingur.
- með morgunkaffinuEyjasandi 2, 850 Hella - Víkurhvarfi 6, 203 Kópavogi, sími 488 9000 - samverk.is
GLERVEGGIR OG HURÐIR
Hleypa birtu í gegn, hafa létt yfirbragð
og taka lítið pláss á þykktina
ÞEKKING - GÆÐI - ÞJÓNUSTA
SÉRSMÍÐUM ÚR GLERI
Húsafell
- góður fjárfestingarkostur
2 heilsárshús til sölu, annað um 100m2 hitt um
107m2. Báðir í leigu með góðar leigutekjur.
Einnig til sölu 2 eignarlóðir á góðum stað í
Húsafelli. Örfáar lóðir eftir á svæðinu.
Upplýsingar í tölvupósti:
husafellbustadir@gmail.com.