Morgunblaðið - 05.02.2016, Síða 10

10 DAGLEGT LÍF
MORGUNBLAÐIÐ FÖSTUDAGUR 5. FEBRÚAR 2016
Árin segja sitt1979-2016
Hjónin Ragnar Guðmundsson, matreiðslu-meistari og kona hans
Bára Sigurðardóttir, stofnendur og eigendur Lauga-ás.
Laugarásvegi 1
104 Reykjavík • laugaas.is
)553 1620
Verið velkominn
Lauga-ás hefur frá 1979
boðið viðskiptavinum
sínum uppá úrval af
réttum þar sem hráefni,
þekking og íslenskar
hefðir hafa verið hafðar
að leiðarljósi.
Sigurður Bogi Sævarsson
sbs@mbl.is
Eftir öll þessi ár hafa þús-undir Íslendinga ferðastmeð mér og þau kynnihafa verið mjög dýrmæt
og hafa gefið mér mikið. Sumu af
þessu fólki kynnist maður vel en öðru
minna, rétt eins og gengur. Margir
eru reyndar orðnir góðir vinir, því
nokkuð margir hafa verið í ferðum
hjá mér nánast árlega í meira en
tuttugu ár. Ég get svo sannarlega
sagt að það sé fólkið mitt. Við höfum
átt margar yndislegar ferðir að baki
og skemmtilegar,“ segir Hólmfríður
Bjarnadóttir fararstjóri.
Meðal þeirra sem bregða undir
sig betri fætinum og fara í leiðangra
með Bændaferðum er Hófý, eins og
hún er jafnan kölluð, velþekkt. Hún
hóf ferilinn árið 1986 og var þá Agn-
ari Guðnasyni, þá tengdaföður sínum
og stofnanda Bændaferða, til halds
og trausts. „Tíminn með Agnari var
gefandi og skemmtilegur,“ segir
Hófý. Hún fann sig í starfinu svo
ekki varð aftur snúið. Og nú á 31.
árinu á hún óteljandi ferðir að baki,
sem flestar hafa verið í Evrópu.
Ítalía á ítök í mér
„Sérhver ferð er tilhlökkunar-
efni. Ég skipulegg þær og sníð til
eins og eigin reynsla og tilfinningin
segja mér að farþegarnir kjósi,“ seg-
ir Hófý. „Ítalía á ítök í mér og ferðir
þangað verða alltaf svolítið ævintýri,
kannski vegna þess að Íslendingum
og Ítölum svipar um margt saman.
Ítalirnir eru glaðsinna fólk eins og
við en eru líka skapstórir. Þráðurinn
í báðum getur verið stuttur.“
Í tímans rás hefur Hófý oft verið
með hópa sem dveljast við Garda-
vatnið á Norður-Ítalíu. Hefur þá
gjarnan verið dvalist í byggðunum
við norðanvert vatnið þar sem heitir
Riva Del Garda.
„Riva er fallegastur staða við
vatnið. Þar hefur verið byggð upp
frábær aðstaða fyrir ferðamenn,
enda snýst allt á þessum slóðum um
ferðaþjónustu. Stundum áður fór ég
fjórar til fimm ferðir á ári til Riva
þaðan sem er fljótfarið til Veróna,
Feneyja og fleiri staða,“ segir Hófý
Ferðalögin eiga að
vera ógleymanleg
Hólmfríðar Bjarnadóttur. Hófý, hefur verið fararstjóri hjá Bændaferðum í 31 ár
og farið með þúsundir Íslendinga á áhugaverða staði. Hófý segir það vera forrétt-
indi í starfi sínu að skapa skemmtilegar minningar með farþegunum.
Saman Hófý og Norbert Birnböck, sambýlismaður hennar. Þau eru jafnan
saman í ferðlögunum, hvort í sínu hlutverki. Myndin er tekin í Austurríki.
Paradís Nágrenni Gardavatnsins ítalska er vinsæll ferðamannastaður. Við
norðurenda vatnsins er bærinn Riva Del Garda, sem Hófý er heilluð af.
Raunir erlenda ferðamannsins sem
treysti á óskeikulleika GPS-tækis
síns og fór fyrir vikið villur vegar
vakti töluverða athygli í vikunni.
Hann keyrði í fimm tíma frá Kefla-
víkurflugvelli til Siglufjarðar þar
sem hann leitaði að Hótel Fróni á
Laug-ar-vegi en ætlaði að sam-
nefndu hóteli á Lauga-vegi í Reykja-
vík.
Á vef Stofnunar Árna Magnús-
sonar í íslenskum fræðum eru pistl-
ar um örnefni sem oft hafa verið
skrifaðir ef örnefnið hefur verið of-
arlega á baugi – líkt og í fyrrgreindu
tilviki. Laugavegur er því ekki að
ósekju örnefni mánaðarins á vef
stofnunarinnar þar sem m.a. segir:
Laugavegurinn liggur úr mið-
bænum inn í Laugardal. Hann tekur
við af Bankastræti (sem áður hét
Bakarastígur eða Bakarabrekka) og
stefnir austur á bóginn. Neðsti hluti
Laugavegar hét áður Vegamóta-
stígur en þá lá gatan ekki nema
skammt upp holtið. Bæjarstjórnin í
Reykjavík ákvað 1885 að hefja skyldi
vegarlagningu inn í Þvottalaugar.
Markmiðið var auðvitað að auðvelda
fólki þvottaleiðangrana. Með tím-
anum varð gatan mesta umferðar-
gatan í bænum og einnig mesta
verslunargatan. Um 1900 var Lauga-
vegur langfjölmennasta gatan í
bænum með yfir 700 íbúa.
Laugavegurinn í Reykjavík dregur
nafn sitt af Þvottalaugunum í Laug-
ardal. Venja er að skrifa götuheitið
Laugavegur, án -r-. Það er þó ekki
einleikið og oft verður vart ruglings.
Þannig er munur á nöfnunum
Laugavegur og Laugardalur þótt
heitin séu kennd við sama fyrir-
bærið.
Menn hafa einnig deilt um hvort
væri réttara eignarfall Laugavegar
eða Laugavegs. Hvorttveggja má til
sanns vegar færa. Það er löng hefð
fyrir því að segja og rita Laugavegs
og engin ástæða til að forðast slíkt.
[…]
Vegir kenndir við laug eða laugar
eru á fleiri stöðum á landinu. Á
Siglufirði er Laugarvegur. Hann
liggur suður úr bænum (tekur við af
Hverfisgötu) og nær langleiðina að
gamalli sundlaug sem er rétt sunn-
an við götuna Norðurtún, nálægt
sjónum innarlega í firðinum.
[…]Laugin er löngu komin úr notk-
un enda er nýrri laug inni í bænum.
Laugavegur er einnig til uppi til
fjalla á Íslandi. Gönguleiðin úr
Landmannalaugum suður í Þórs-
mörk hefur verið kölluð Lauga-
vegurinn nú um áratuga skeið og er
orðið fast í sessi. Önnur gönguleið
á þessum slóðum hefur stundum
verið kölluð Hverfisgatan og liggur
frá Hólaskjóli suðvestur í Hvanngil
eða Þórsmörk. […]
Vefsíðan www.arnastofnun.is
Morgunblaðið/Ómar
Um 1900 Laugavegur var langfjölmennasta gatan í bænum með yfir 700 íbúa.
Af Laugavegi og Laugarvegi
Ótrúlega margt spennandi er á dag-
skrá Safnanætur í kvöld milli kl. 19 og
23, enda um 100 viðburðir í boði. Má
þar nefna lifandi leikhúsdrauga og al-
vöru kóngastóla í Leikminjasafninu í
Iðnó, flakkara, farandverkamenn og
flóttafólk í Þjóðskjalasafninu, mósaík
og margfalda hamingju í Gerðarsafni,
ferðalag ímyndunaraflsins í trölla-
sögusmiðju í Hönnunarsafninu,
Stjörnustríð í Bókasafni Hafnar-
fjarðar, skrautlegt grímuball í Bóka-
safni Seltjarnarness og ótal margt
fleira.
Mikið verður um að vera í Listasafni
Reykjavíkur á Safnanótt. Meðal ann-
ars verður opnuð glæsileg Kjarvals-
sýning á Kjarvalsstöðum. Starfsfólk
safnsins fræðir gesti um sýninguna
Jóhannes S. Kjarval: Hugur og heimur.
Í Ásmundarsafni verða gestir
fræddir um sýninguna Geimþrá og
Stjörnuskoðunarfélag Seltjarnarness
stendur fyrir stjörnuskoðun í garð-
inum umhverfis safnið. Ennfremur
verður brugðið á leik í fjölskyldu-
vænni límbandssmiðju í Hafnarhúsi.
Nú er lag fyrir alla fjölskylduna að
fara á röltið milli safna og njóta sér að
kostnaðarlausu. Nánar um dagskrá
Safnanætur á vefslóðinni:
www.vetrarhatid.is.
Ótal viðburðir fyrir alla fjölskylduna á Safnanótt
Stjörnustríð, lifandi leikhús-
draugar og tröllasögusmiðja
Morgunblaðið/Ólafur K. Magnússon
Meistari Jóhannes S. Kjarval við málverk á vinnustofu sinni 1968. Gestir verða
fræddir um sýninguna Jóhannes S. Kjarval: Hugur og heimur á Safnanótt.
Skannaðu kóðann
til að fara inn á
vefsíðuna.