Víkurfréttir - 02.04.1996, Blaðsíða 11

Móttaka slasaðra og
bráðveikra hefur
verið til húsa í
Sjúkrahúsi Suðurnesja sl. 6 ár.
Ekki eru þó allir sem átta sig á
því, að í raun er hún tvískipt,
þannig að heilsugæslulæknar
sinna þeim sem veikjast, en
slysum aftur á móti er sinnt af
sjúkrahúslæknum. Þetta hefur
verið óbreytt um 6 ára skeið, en
fyrir þann tíma sinntu heilsu-
gæslulæknar bæði veikum og
slösuðum. Á dagvinnutíma er
okkur til halds og trausts hjúkr-
unarfræðingur á slysamóttöku
og hægt að kalla til hjúkrunar-
fræðinga af almennu deildinni
ef stærri slys ber að utan dag-
vinnutíma.
Lengi hefur það verið ósk okkar
sem helst höfum komið að mál-
efnum bráðamóttöku, að fá að
bæta þá starfsemi og auka hana.
Eins og venjulega er það bæði
peninga- og plássleysi, sem
helst bregður fyrir okkur fæti,
en ég verð Ifka að viðurkenna,
að oft finnst mér að slysaþjón-
ustan fái ekki að njóta sann-
mælis.
Eg ætla ekki að fjölyrða um
flugkonuna sem mest hefur ver-
ið í fréttunum. Eins og bent hef-
ur verið á, þá lenda öll sjúkra-
hús í svona málum og hægt að
tína til ef vilji er fyrir hendi
margar sögur um slfkt annars
staðar frá. Enginn er þó bættari
með slíku og ég læt öðrum
læknum það eftir að nota slíkar
aðferðir. Aftur á móti er rétt, að
staldra enn frekar við og reyna
að átta sig á hvernig bæta má
þjónustuna.
I sparnaðarumræðu, sem upp-
haflega má rekja til tilsjónar-
manns er ýmislegt, sem ég tel
að rýri enn frekar þessa þjón-
ustu. I fyrsta lagi hugmyndir
um að leggja af símavaktina
kvöld og nætur, en treysta því
að starfsfólk á deildinni geti
skotist í síma eða dyravörslu
þegar slíkt ber að.
I öðru lagi, að færa slysin að
hluta eða alveg aftur til heilsu-
gæslunnar. Það þýddi einfald-
lega það, að heimilislæknir á
vakt skal sinna bráðatilfellum
t.d. hjartasjúkdómum eins og í
dag, taka á móti veiku fólki á
heilsugæslustöðinni, fara í vitj-
anir og svo bæta slysunum ofan
á allt. Þetta er auðvitað út í hött.
Með allri virðingu fyrir félög-
um mínum á heilsugæslunni þá
Bráðamóttaka
á Suðurnesjum
er ekki vinnandi vegur að gera
þetta allt svo vel sé. Hvað ef
menn eru staddir í vitjun t.d. úti
í Sandgerði eða í Grindavík
þegar slys ber að, eða með bið-
stofu fulla af veiku fólki þegar
koma e.t.v. 3-4 menn úr um-
ferðarslysi.
Það er einfaldlega ekki hægt að
minnka þá þjónustu sem boðið
er upp á heldur þarf að bæta
hana frekar.
Líka hefur verið talað um, að
rétt sé að tveir heilsugæslu-
læknar standi vaktina a.in.k.
hluta sólarhringsins og sinni þá
slysum. Eg vil benda á að bæði
heilsugæslulæknar og sjúkra-
húslæknar þurfa að vinna
venjulega dagvinnu, hvort sem
þeir hafa unnið kvöldið og nótt-
ina eða ekki. Það er varla hægt
að ætlast til að menn vinni 3-4.
hvert kvöld og nótt árið um
kring og skili fullu og góðu
starfi alla daga líka. Það er líka
eðlilegra að mínu mati að
skurðlæknar og bæklunarlæknar
sinni brotum og sárum en heim-
ilislæknar enda eru víðast hvar
byggðar slysastofur með slíku
fyrirkomulagi.
Hvaða vandamál eru til staðar?
Þegar bráðveikur einstaklingur
kemur á heilsugæslustöðina (
eða sjúkrahúsið ) þá er ekki
tryggt að læknirinn sé á næstu
grösum, hann gæti t.d. verið í
vitjun eða verið á leiðinni á
staðinn.
Sama er upp á teningnum með
sjúkrahúslækninn og slysin að
öðru leyti en því, að hann á
aldrei að vera langt undan og
með kalltæki upp á vasann enda
fer hann ekki í vitjanir. Hann
sinnir líka fæðingum. innlögn-
um og veikindum á sjúkrahús-
inu, en ef slys eru alvarleg
verður að sjálfsögðu allt annað
að bíða.
Auðvitað væri best, að alltaf
væri læknir á sjúkrahúsinu sem
sinnti slysum og gæti byrjað
meðhöndlun bráðveikra einnig
ef heilsugæslulæknirinn er ekki
í húsinu. Trúlega átta menn sig
ekki á því, að á SHS eru læknar
aðeins í tæplega 3 stöðugildum
ef svæfingalæknirinn, sem ekki
tekur slysavaktir er undanskil-
inn. Til að sinna öllu sjúkrahús-
inu. Víðihlíð, fæðingum og
slysum, gera aðgerðir og standa
vaktir. Tæpar þrjár stöður. Þetta
er auðvitað skammarlega lítið
og nægir engan veginn til «ð
þjónusta 15.000 manna byggð
svo skammlaust sé. Við höfum
sótt um að fá að ráða bæklunar-
lækni í hálfa stöðu einmitt til að
bæta slysamóttöku, en alltaf
fengið neitun, fjárveiting fæst
ekki.
Hvað vil ég? Ég minni á áður
en lengra er haldið, að sam-
kvæmt skýrslu Ríkisendurskoð-
unar er starfsfólk SHS að skila
meiri vinnu og undir meira
álagi en starfsfólk þeirra 6
sjúkrahúsa annara sem könnuð
voru. Mönnun á almennri deild
SHS þyrfti að vera betri, þannig
að ávallt væri hjúkrunarfræð-
ingur með kalltæki á sér kvöld
og nætur, er svarað gæti fyrir-
spurnum um veikindi og slys f
síma og tekið á móti þeim sjúk-
lingum er koma á bráðamót-
töku.
Mönnun lækna verði bætt þan-
nig að skurðlæknir eða bæklun-
arlæknir sé sem oftast til taks
vegna alvarlegri slysa. Einnig
opnast sá möguleiki með betri
mönnun að heilsugæsla og
sjúkrahús geti stutt hvort annað
betur, t.d. ef læknir þarf að fylg-
ja sjúkling til Reykjavíkur og
við alvarlegri tilfelli t.d. endur-
lífgun þar sem sjúkrahúslæknar
gætu aðstoðað og stundum jafn-
vel verið fyrri á staðinn ef t.d.
heimilislæknirinn er í vitjun.
Ég er sífellt að predika það, að
meginhlutverk SHS eigi að vera
grunnþjónusta við Suðurnesin.
Það er í sjálfu sér í lagi að láta
sig dreyma um sérhæfðar deild-
ir sem sinni utanhéraðsfólki í
ákveðnum málun, en það má
aldrei verða á kostnað þess, að
við getum sinnt okkar heima-
fólki sem skildi og fyrst og
fremst skal barist fyrir því.
I lokin þetta. Þessar hugleiðing-
ar mínar eru að sjálfsögðu að-
eins skoðanir eins manns, en
flestallir sem ég hef rætt við eru
sama sinnis. Ég endurtek það
sem ég setti á blað um daginn,
ef sjúkrahúsið getur ekki sinnt
grunnþjónustu við íbúa Suður-
nesja þá hefur það fyrirgert til-
verurétti sínum. Látum það ekki
henda.
Hrafnkell Oskarsson
yfirlæknir SHS.
MUNIÐ
ÖRYOCIS-
MÁLBARNA
SÍM5VARINN
ER421 6735
TAKIÐ EFTIR
SÍM5VARI
FÍKNIEFNA-
LÖ6RECLU
ER471 5525
Hafnargötu 36
símí 421 3066
Samvinnufertor
Landsýn
Mll
Auglýsingasfminn
er 421-4717
12" PIZZA
m/tiieimr áleggstegndum
SÍMI421 4777
fHl TIUIU)
HVNDAMðlK
HAFNAR6ÖTU 52-SÍMI4214290
Bpif
• mt-iiit*
ÖIIBVLGJU • FM •
Einnig tilhcyrandi
lengihúnadur og magnarar!
R4FBLÐ R.Ó.
Hafnargiitu 52 - sími 4213337
TAXI
SFMHBILAR
4311511
4214797
MATARLYST
mmmm
AXELS
Öryggisskór
Hlífðargleraugu
Eyrnaskjól
GRÓFINNI8 - SÍMI4214670
Y íkurfréttir
11