Morgunblaðið - 31.05.2016, Side 44

44 MINNINGAR
MORGUNBLAÐIÐ ÞRIÐJUDAGUR 31. MAÍ 2016
✝ SólrúnGunnarsdóttir
fæddist í Reykja-
vík 26. apríl 1945.
Hún lést á heimili
sínu 9. maí 2016.
Foreldrar henn-
ar voru Gunnar
Brynjólfsson, f. 16.
apríl 1916, og
Stella Guðmunds-
dóttir, f. 19. des-
ember 1922, þau
eru bæði látin. Sólrún átti alls
tíu systkini.
Sólrún gekk í hjónaband 26.
desember 1964 með Þórði
Pálmasyni frá Fáskrúðsfirði.
urður Ólason og börn þeirra
eru Helgi Tómas, Guðmundur
Orri, f. 24. maí 1993, látinn 15.
desember 1993, Emil Aron og
Stella María. 4) Sólrún Linda,
f. 22. febrúar 1972, unnusti
Hallgrímur Einar Hannesson,
börn Sólrúnar eru Sigurður
Pálmi, Natalía Enika, Ragn-
heiður Eik og Edda Emelía. 5)
Pamela, f. 28. ágúst 1981,
maki Þórður Freyr Hilmars-
son, börn Pamelu eru Krist-
ófer Vopni, Alexander Máni og
Kira Sól.
Sólrún ólst upp í Reykjavík,
hún bjó um tíma með eigin-
manni sínum á Fáskrúðsfirði
og seinna í stuttan tíma í Sví-
þjóð. Þau bjuggu lengst af í
Hafnarfirði. Sólrún var lengst
af heimavinnandi.
Útför Sólrúnar fór fram í
kyrrþey að ósk hinnar látnu
18. maí 2016.
Sólrún og Þórður
eignuðust fimm
dætur: 1) Helga
Aðalbjörg, f. 27.
ágúst 1963, maki
Guðmundur Páll
Þorvaldsson en
hann lést 13. des-
ember 2008, unn-
usti Helgu er
Kristján Sig. Pét-
ursson, börn
Helgu eru Þóra
Dröfn og Þórður Rafn. 2) Kol-
brún Þóra, f. 20. febrúar
1965, börn Kolbrúnar eru
Daníel og Gabríel. 3) Stella, f.
25. janúar 1971, maki Sig-
Elsku mamma mín.
Mér þykir ennþá svo óraun-
verulegt að hugsa til þess að ég
eigi ekki eftir að heyra í þér og
sjá þig aftur.
Við erum búin að vera að
fletta í gegnum gamlar myndir
og margir hafa sagt að ég líkist
þér, mamma, ég er svo ánægð
með það því þú varst ekki bara
gullfalleg heldur líka mjög
skemmtileg og það sem þú gast
verið fyndin.
Þú varst sterkasta kona sem
ég hef kynnst, mamma, og aldrei
kvartaðir þú, ekki einu sinni
þegar þú varst orðin sárlasin.
Ég veit að þú ert á góðum
stað með fullt af flottu fólki í
kringum þig. Þú ert örugglega
með litla Guðmund Orra í fang-
inu og það væsir ekki um þig.
Við vitum að Guðmundur
hennar Helgu tók á móti þér,
hann kom til Helgu í draumi og
lét okkur vita af því nóttina áður
en þú kvaddir og mér þótti það
huggun.
Ég veit að tíminn gerir þetta
bærilegra fyrir okkur hin líka og
við stelpurnar þínar pössum
pabbann og hjálpum honum eins
og við getum, mamma mín, við
höldum utan um hvert annað.
Svo máttu hætta að hrekkja
okkur með krossinum, þú setur
hann kannski á góðan stað við
tækifæri
Í hjarta mínu er lítið ljós,
sem logar svo skært og rótt.
Í gegnum torleiði tíma og rúms
það tindrar þar hverja nótt.
Það ljósið kveiktir þú, móðir mín,
af mildi, sem hljóðlát var.
Það hefur lifað í öll þessi ár,
þótt annað slokknaði þar.
Og þó þú sért horfin héðan burt
og hönd þín sé dauðakyrr,
í ljósi þessu er líf þitt geymt,
– það logar þar eins og fyrr.
Í skini þess sífellt sé ég þig
þá sömu og þú forðum varst,
er eins og ljósið hvern lífsins kross
með ljúfu geði þú barst.
Af fátækt þinni þú gafst það glöð,
– þess geislar vermdu mig strax
og fátækt minni það litla ljós
mun lýsa til hinsta dags.
(Jóhannes úr Kötlum)
Nú kveð ég þig mamma mín,
takk fyrir allt
Ég elska þig.
Sólrún Linda (Solla).
Nú þegar vorið er að koma og
sólin hækkar á lofti er komið að
kveðjustund.
Þegar hún rennur upp kemur
margt upp í hugann og margs er
að minnast. Mín fyrstu kynni af
Sollu hófust fyrir rúmum 40 ár-
um. Ég var um tvítugt óttalegur
krakki, dauð feimin, komin í
heimsókn til væntanlegrar mág-
konu minnar. Mikið kveið ég
fyrir, þetta hlaut að vera stór-
kostleg manneskja svo mikið var
bróðirinn búinn að segja mér frá
henni.
Það væri líklega fátt sem hún
gæti ekki gert og svo væri hún
líka svo falleg. En áhyggjur mín-
ar voru óþarfar.
Solla mín tók á móti okkur
með bros á vör, stelpuleg, elsku-
leg og víst var hún falleg á sál
og líkama. Fljótt komst ég að
því að Óli Björn hafði rétt fyrir
sér, en á milli þeirra var sér-
stakt samband sem entist alla
ævi. Svo ólíkar sem við Solla
vorum lærðum við að meta hvor
aðra að verðleikum og betri og
traustari vin hef ég ekki átt um
ævina.
Það var alltaf svo gott að
heyra í henni, bjartsýn og glað-
lynd, tilbúin að segja manni eitt-
hvað skemmtilegt, ráðagóð og
hjálpsöm, miklaði ekki fyrir sér
hlutina. Þegar ég átti sjálf í erf-
iðleikum var svo sjálfsagt að ég
byggi hjá þeim hjónum um tíma.
Þegar úr rættist mættu þau Tóti
með tæki og tól til að lagfæra
mína nýju vistarveru. Sannir
vinir, hafið þökk bæði tvö. Solla
var sannarlega heppin í lífinu,
barnung kynntist hún Tóta sín-
um og öll þessi ár hafa þau hald-
ist í hendur í gegnum súrt og
sætt, því lífið er ekki bara tóm
gleði og þau fengu líka að kynn-
ast því. Þegar ég hugsa um
þessa fjölskyldu finnst mér
gleðin og velgengni í fyrirrúmi.
Börnin komu hvert af öðru og
alls urðu dæturnar fimm talsins,
frískar og duglegar, sannarlega
stolt foreldra sinna.
Solla var sjómannskona alla
ævi, þau voru mörg árin sem
hún sótti og fór með farsæla
skipstjórann lengst af til Grinda-
víkur í ýmsum veðrum, en allt
gekk vel. Þá sást vel dugnaður-
inn og áræðnin hjá minni konu.
Það er svo margs að minnast t.d.
áranna okkar í Svíþjóð, þar var
margt brallað. Solla átti á marg-
an hátt erfiða æsku þar sem hún
þurfti að taka að sér verkefni
sem börn og unglingar eiga ekki
að þurfa að leysa. Hún reyndist
systkinum sínum ómetanlegur
stuðningur og félagi alla tíð.
Komið er að leiðarlokum,
elsku Tóti og dæturnar allar. Þið
hafið staðið ykkur svo vel í veik-
indum síðustu vikna og mánaða,
er nokkuð betra en að kveðja
þetta líf umvafin ástvinum á sínu
hlýlega og fallega heimili.
Bestu þakkir fyrir samfylgd-
ina gegnum lífið. Góður guð veri
með þér kæra vinkona.
Magnea Guðmundsdóttir
(Magga).
Sólrún
Gunnarsdóttir
Elsku afi Raggi,
við kveðjum þig
með miklum sökn-
uði og viljum þakka þér ein-
staklega fyrir allar skemmti-
legu og góðu
samverustundirnar í gegnum
árin. Það er ekki hægt að telja
þær allar upp hér en við minn-
umst öll frábæru og skemmti-
legu matarboðanna sem þú hef-
ur boðið okkur í, þar var mikið
hlegið og þú töfraðir fram
hverja ítölsku máltíðina á fætur
annarri því þú varst ótrúlegur
listakokkur. Við getum ekki
sleppt að nefna samverustund-
irnar á öllum Landsmótum
hestamanna, við alltaf svolítið
vanbúin í útilegu alla vega við
hliðina á þér þar sem þú varst
með allt klárt og að sjálfsögðu
búin að töfra fram smárétti og
annað góðgæti sem venjulegt
fólk fer ekki með í útilegu. Allt-
af varst þú mættur í stuðnings-
liðið þegar einhver af barna-
börnum voru að keppa á
hestum, gafst góð ráð og pass-
aðir að allt væri eins og það
ætti að vera, þar kom snyrti-
pinninn í þér sterklega í ljós.
Eins ef um fimleikamót eða
tónleika hjá börnum okkar var
að ræða, þá mættir þú alltaf og
Ragnar Vincent
Petersen
✝ Ragnar Vin-cent Petersen
fæddist 17. ágúst
1953. Hann lést 22.
apríl 2016.
Útför Ragnars
fór fram 4. maí
2016, í kyrrþey að
ósk hins látna.
sýndir mikinn
áhuga á öllu sem
við vorum að gera.
Ekki hefði verið
hægt að fara í
hestaferðirnar á
Þingvöll án þín,
sem farnar eru á
hverju sumri, þar
var afi alltaf klár á
kantinum með
bakkelsi og búinn
að undirbúa næsta
stopp fyrir knapa og hesta. Re-
bekka dóttir okkar var mjög
heppin þegar hún fékk að eyða
einum vetri í þínu hesthúsi og
var þar dekrað við hana á
hverjum degi með kanilsnúð-
um, kleinum og kakói ásamt
skemmtilegum sögum frá afa á
kaffistofunni, aðeins tíu ára
gömul á meðan Robbi var við
nám fyrir norðan. Alltaf var
gaman að spjalla við þig um allt
milli himins og jarðar og gafst
þú okkur mörg góð ráð sér-
staklega varðandi garðinn okk-
ar og ef eitthvað þurfti að gera
heima fyrir eða í hesthúsinu.
Enda mikill smekkmaður þegar
kom að heimili og allri hönnun.
Þú hefur verið ótrúlega
sterkur í þínum veikindum og
kvartaðir aldrei og baðst aldrei
um hjálp, það lýsir þér vel að
þú málaðir íbúð þína aðeins
hálfum mánuði áður en þú
kvaddir, ótrúlegur og vildir
enga hjálp við það. Við þökkum
þér fyrir allt, elsku afi Raggi,
og við elskum þig endalaust.
Róbert, Sigrún Alda,
Rebekka Rut, Aron Freyr
og Sveinn Sölvi.
Þegar litið er til
baka er margs að
minnast og ekki
síst fólks sem er
manni minnisstæð-
ara en annað. Þegar ég lít í
minn minningabanka er þar of-
arlega í huga mér Camilla
Lydia Thejll og ekki að ástæðu-
lausu.
Hún var vinkona móður
minnar og var einstaklega
elskuleg, lífsglöð og frísk kona.
Manneskja sem hló meira en
maður átti að venjast og brosti
að ótrúlegustu hlutum. Alltaf
glöð, einstaklega ljúf og afar
skemmtileg og á allan hátt
merkileg manneskja sem hreif
flesta með sér, enda lífsglaðari
en gekk og gerðist alla jafna
hjá fólki.
Camilla átti sex börn, 15
barnabörn, þrjú langömmubörn
og yndislegan mann. Hún naut
mikils barnaláns og börnin fóru
ekki varhluta af hæfni hennar
og getu, enda var hún einkar
góð móðir og naut þess að ala
upp börnin sín og veita þeim
farsælt heimili og uppeldi.
Börnin voru heppin að eiga
svona góða mömmu sem naut
þess að ala þau upp og sinna
þeim, sauma á þau, leika við
þau og alltaf var hringt í þau
fullorðin, alla afmælisdaga og
Camilla Lydia
Thejll
✝ Camilla LydiaThejll fæddist í
Reykjavík 24. júní
1939. Hún andaðist
26. apríl 2016.
Jarðarförin fór
fram 3. maí 2016.
sunginn fyrir þau
afmælissöngurinn
og geri aðrir betur.
Eitt var líka nokk-
uð sérstakt og það
var ástin á milli
hennar og Vern-
harðs. Þau voru
ástfangin upp fyrir
rjáfur alla sína
hunds- og kattartíð
og stutt í kossa ef
svo bar undir og
ekki farið leynt með það.
Camilla keypti egg af mér og
var það meiriháttar og ekki
verra að eiga vísan kaupanda í
henni þegar ég kom með eggin
til sölu frá bóndanum austan úr
Auðsholti á föstudögum. Hún
bjó hjá mömmu sinni með allt
liðið um tíma eða þar til flutt
var í nýbyggt raðhús sem Venni
byggði í hjáverkum og liðið
flutti alsælt í. Ég tel mig hafa
orðið ríkari að hafa fengið að
kynnast Lydiu eins og við köll-
uðum hana. Ég ætla að senda
henni vísur, sú fyrri ort til Ly-
diu, en sú seinni ort til mömmu
minnar þegar hún lést 1997.
Guðs hugur og englar eru líka
hvíld fallin frjáls frá þraut.
Afl sé í himna paradís, á slíka
ósk um lönd liðin á braut.
Fallin er hjartans fögur rós
og föl er kalda bráin.
Hún sem var mitt lífsins ljós
ljúfust allra er dáin.
(JRK)
Jóna Rúna Kvaran.
Fallega útsaumað sængurlín
fyrir hina hinstu hvílu
Söluaðilar: Útfararstofa kirkjugarðanna – Útfararstofa Íslands – Harpa útfararstofa
Elskuleg móðir okkar, tengdamóðir, amma
og langamma,
GUÐRÚN RAFNKELSDÓTTIR,
Fáskrúðsfirði,
lést á dvalar- og hjúkrunarheimilinu
Uppsölum föstudaginn 27. maí.
Útför hennar fer fram frá Fáskrúðsfjarðarkirkju
mánudaginn 6. júní klukkan 13.
.
Rafnkell Már Magnason, Kolbrún Rögnvarsdóttir,
Þór Magnason, B. Andrea Guðnadóttir,
Óðinn Magnason, Björg Hjelm,
Jórunn A. Magnadóttir, Sigurður Eyþórsson,
Birna G. Magnadóttir, Halldór Guðmundsson,
Magna L. Magnadóttir, Eggert Þ. Óskarsson,
barnabörn og barnabarnabörn.
Móðir okkar, tengdamóðir, amma,
langamma og langalangamma,
MARÍA G. G. ÓLAFSDÓTTIR,
Þverfelli,
Dalabyggð,
lést í Silfurtúni 25. maí. Útförin fer fram
frá Staðarhólskirkju laugardaginn 4. júní klukkan 14.
.
Margrét Jóhannsdóttir, Þorgeir Ólafsson,
Jón Jóhannsson, Brynja Jónsdóttir,
Ólafur Þór Jóhannsson, Anna R. Hallgrímsdóttir,
barnabörn, langömmubörn og langalangömmubörn.
Ástkær móðir, tengdamóðir, amma og
langamma,
ANNA KRISTJÁNSDÓTTIR,
Garðatorgi 17,
Garðabæ,
lést á líknardeild Landspítala 25. maí 2016.
Útför fer fram frá Fossvogskirkju
föstudaginn 3. júní klukkan 13.
.
Guðrún Einarsdóttir, Marta Hildur Ricther,
Sigurður Einarsson, Þórhildur Bjarnadóttir,
Kristján Ari Einarsson, Jóhanna Ingvarsdóttir.
Ástkæri maðurinn minn, faðir okkar,
tengdafaðir og afi,
KOLBEINN GUNNARSSON,
lést mánudaginn 9. maí á Landspítala,
Landakoti, eftir skamvinn veikindi.
Útför hefur farið fram í kyrrþey að ósk hins
látna.
.
Sjöfn Gunnarsdóttir,
Gunnar Kolbeinsson, Greta Sövik,
Lilja Dóra Kolbeinsdóttir, Nelson Vaz da Silva,
Martine, Markus, Elias, Agnes og Arndís Amina.
Ástkær eiginkona mín, móðir okkar,
tengdamóðir, amma og langamma,
BRYNDÍS ELÍASDÓTTIR,
Gnoðarvogi 76,
Reykjavík,
lést á Droplaugarstöðum þann 11. maí sl.
Jarðarför hefur farið fram í kyrrþey.
.
Guðmundur Snorrason,
Snorri Guðmundsson, Elín Heiðmundsdóttir,
Sturla Þór Guðmundsson,
Eva Björg Guðmundsdóttir, Gunnar R. Kristinsson,
barnabörn og barnabarnabörn.