Morgunblaðið - 07.06.2016, Blaðsíða 17

FRÉTTIR 17Erlent
MORGUNBLAÐIÐ ÞRIÐJUDAGUR 7. JÚNÍ 2016
AFP
Minningarathöfn um hnefaleikakappann Muhammad
Ali á að fara fram á íþróttaleikvangi í heimaborg hans,
Louisville í Kentucky, á föstudaginn kemur. Á meðal
viðstaddra verða Bill Clinton, fyrrverandi forseti
Bandaríkjanna, gamanleikarinn Billy Crystal og Recep
Tayyip Erdogan, forseti Tyrklands, sem hefur óskað
eftir því að fá að flytja ræðu við athöfnina, að sögn tals-
manns fjölskyldu Alis. Líkkistu hnefaleikakappans
verður einnig ekið um götur Louisville til að gefa aðdá-
endum hans færi á að kveðja hann. Ali var múslími og
útför hans fer fram að íslömskum sið.
Ali lést á föstudagskvöld, 74 ára að aldri, vegna veik-
inda í öndunarfærum, en hann hafði lengi þjáðst af
Parkinsons-veiki, hægfara taugasjúkdómi. Margir
aðdáenda hans hafa lagt blóm að minnisvarða um hann
í Louisville eins og sjá má á myndinni.
Útför Alis undirbúin í Louisville
Svo gæti farið að svín yrðu notuð til
að framleiða líffæri í menn þegar
fram líða stundir ef tilraunir vísinda-
manna við Kaliforníuháskóla bera
tilætlaðan árangur. Þeir hafa sett
stofnfrumur úr mönnum í fósturvísa
úr gyltum í því skyni að búa til
blendingsfósturvísa, að því er fram
kemur á fréttavef breska ríkis-
útvarpsins. Vísindamennirnir vona
að hægt verði að nota slíka blend-
ingsfósturvísa til að rækta ný og
heilbrigð líffæri í menn inni í svínum
og bæta þannig úr skorti sem hefur
verið á líffærum til ígræðslu.
Vísindamennirnir segja að svín,
sem notuð yrðu í þessu skyni, ættu
að vera eins og önnur svín í útliti og
hegðun að öðru leyti en því að eitt
líffæri væri nær eingöngu með
mannsfrumur.
Sérlega heppileg til að
rækta líffæri í menn
Blendingsfósturvísarnir eru látnir
vaxa í gyltunum í 28 daga áður en
þeir eru fjarlægðir og rannsakaðir.
Á vef BBC kemur fram að blending-
arnir eru búnir til í tveimur stigum.
Fyrst taka vísindamennirnir fóstur-
vísana úr gyltunum og fjarlægja
kjarnsýru sem ætti að gera þeim
kleift að búa til ákveðið líffæri. Við
það myndast eyða í erfðaefninu. Síð-
an setja vísindamennirnir fjölhæfar
stofnfrumur úr mönnum (iPS-
frumur) í fósturvísana. Þessar stofn-
frumur eiga að geta orðið að hvaða
vef í mannslíkamanum sem er.
Markmiðið með tilraunum vís-
indamannanna við Kaliforníuhá-
skóla er að búa til briskirtil sem
verði nær eingöngu úr mannsfrum-
um og hægt væri að nota til ígræðslu
í sjúkling, að því er BBC hefur eftir
líffræðingnum Pablo Ross, sem
stjórnar tilraununum.
Walter Low, prófessor í tauga-
skurðlækningum við Minnesota-
háskóla, segir að svín séu sérlega
heppileg sem „útungunarvélar“ til
að rækta líffæri í menn. Beri tilraun-
irnar árangur gæti svo farið að svín
yrðu notuð til að rækta líffæri eins
og hjörtu, lifrar, nýru, lungu og
hornhimnur.
Óttast að mannsfrumur
komist í heila svínsins
Slíkar tilraunir hafa þó verið um-
deildar. Helsta rannsóknastofnun
Bandaríkjanna í heilbrigðismálum,
NIH, hefur bannað fjárveitingar til
slíkra verkefna.
Þeir sem eru andvígir tilraunun-
um hafa m.a. áhyggjur af því að
mannsfrumur í blendingsfósturvís-
inum komist í heila svínsins og geri
það líkara mönnum. Ross segir að
mjög ólíklegt sé að þetta geti gerst
en gætt verði fyllstu varúðar til að
koma í veg fyrir það.
Forystumönnum bandarískra
samtaka, sem berjast gegn tækni-
væddum stórbúskap, hrýs hugur við
þeirri tilhugsun að svín verði notuð í
„líffæraverksmiðjum“. „Við skulum
fyrst fá fleira fólk til að gefa líffæri,“
hefur BBC eftir Peter Stevenson,
talsmanni samtakanna. „Ef enn
verður skortur á líffærum eftir það
getum við léð máls á því að nota svín,
en þá aðeins ef við borðum minna af
kjöti þannig að þeim svínum sem eru
notuð í þágu mannanna fjölgi ekki.“
bogi@mbl.is
Líffæri í menn
ræktuð í svínum?
 Umdeildar til-
raunir hafnar í
Bandaríkjunum
Morgunblaðið/Árni Sæberg
Svín Þau eru talin vera sérlega
heppileg til að rækta líffæri í menn.
Stuðningsmenn úrsagnar Bretlands
úr Evrópusambandinu hafa náð
naumri forystu í fyrsta skipti í tæpar
fjórar vikur í baráttunni við þá sem
styðja áframhaldandi aðild að ESB,
ef marka má nýjustu skoðanakann-
anir.
Þetta kemur fram á vefsíðunni
whatukthinks.org, þar sem reiknað
er út meðaltal niðurstaðna skoðana-
kannana vegna þjóðaratkvæðisins
um aðildina að ESB 23. þessa mán-
aðar. Þær benda til þess að um það
bil 51% Breta sé nú hlynnt úrsögn úr
Evrópusambandinu en 49% styðji
aðild. Stuðningsmenn úrsagnar voru
með forystu í tveimur könnunum
sem birtar voru um helgina og einni
sem skýrt var frá í gær. Þetta er í
fyrsta skipti frá 12. maí sem úr-
sagnarsinnar eru með forystu, sam-
kvæmt útreikningum whatukthinks.
David Cameron, forsætisráðherra
Bretlands, og fleiri ESB-sinnar hafa
varað við því að úrsögn geti stór-
skaðað efnahag landsins. Boris
Johnson, fyrrverandi borgarstjóri
Lundúna, og fleiri stuðningsmenn
úrsagnar hafa hins vegar lagt
áherslu á að hún sé nauðsynleg til að
stemma stigu við fjölgun innflytj-
enda frá löndum ESB og endur-
heimta fullveldi. bogi@mbl.is
51% hlynnt úrsögn
 Stuðningsmenn úrsagnar Bretlands úr Evrópusamband-
inu eru nú með nauma forystu í fyrsta skipti í tæpan mánuð
Jacob Lew, fjármálaráðherra
Bandaríkjanna, gagnrýndi í gær of-
framleiðslu Kínverja á stáli og sagði
hana valda óstöðugleika á alþjóða-
mörkuðum. Kínverjar framleiða um
helming alls stáls sem framleitt er í
heiminum og hafa verið sakaðir um
að brjóta alþjóðlegar viðskiptaregl-
ur með því að selja stál undir kostn-
aðarverði. Offramleiðslan hefur orð-
ið til þess að stálverksmiðjum í
öðrum löndum hefur verið lokað.
Kínversk stjórnvöld hafa lofað að
minnka stálframleiðsluna um 100-
150 milljónir tonna fyrir árið 2020 og
segja að það verði til þess að um hálf
milljón Kínverja missi vinnuna. Yf-
irvöld í stálframleiðsluhéruðum í
Kína hafa þó verið treg til að fram-
fylgja þessari stefnu þar sem þau
óttast að uppsagnirnar valdi mikilli
ólgu í samfélaginu.
Heimild: Alþjóðasamtök stálframleiðenda (WSA)
Tíu ríki sem framleiða mest
Milljónir tonna,
árið 2014
Stálframleiðsla
Kína
Japan
Bandaríkin
Indland
S-Kórea
Rússland
Þýskaland
Tyrkland
Brasilía
Úkraína
822,7
110,7
88,2
86,5
71,5
71,5
42,9
34,0
33,9
27,2
Heildarframleiðslan
í heiminum:
1,67 milljarðar tonna
Ljósmynd: Lokuð stálverksmiðja í Peking (Greg Baker)
Kínverjar gagnrýndir
fyrir offramleiðslu á stáli
Smiðjuvegi 68-72, Rvk Hjallahrauni 4, Hfj Fitjabraut 12, Njarðvík Eyrarvegi 33, Selfossi Barðinn, Skútuvogi 2
Við tökum að okkur: Peruskipti, rafgeymaþjónustu,
bremsuviðgerðir, stýrisenda, spindilkúlur, kerti,
kertaþræði, hjólalegur, fjöðrunarbúnað, viftureimar,
hjólastillingar og margt fleira.
LAGFÆRUM
BÍLINN
VIÐ
www.solning.is