Morgunblaðið - 07.06.2016, Blaðsíða 11

FRÉTTIR 11Innlent
MORGUNBLAÐIÐ ÞRIÐJUDAGUR 7. JÚNÍ 2016
Vertu upplýstur!
blattafram.is
FELST
AÐGERÐALEYSI ÞITT
Í AÐ SAMÞYKKJA
KYNFERÐISOFBELDI?
Bæjarlind 6, sími 554 7030
Við erum á facebook
Túnikur
Kr. 5.900
Str. S-XXL • 2 litir
Guðni Einarsson
gudni@mbl.is
Ekki er ljóst hvort það tekst að
bæta úr skorti á salernisaðstöðu
fyrir ferðamenn við þjóðvegi lands-
ins í sumar. Til eru langir vegar-
kaflar sem eru án hreinlætis-
aðstöðu fyrir þá sem eiga þar leið
um.
Alþingi samþykkti 2. júní sl. að
vísa þingsályktunartillögu Svandís-
ar Svavarsdóttur o.fl. um uppbygg-
ingu áningarstaða Vegagerðarinnar
við þjóðvegi til ríkisstjórnarinnar. Í
tillögunni var lagt til að innanríkis-
ráðherra skipaði starfshóp um án-
ingarstaðina sem gerði „tillögu um
uppbyggingu, hlutverk og þróun
áningarstaða Vegagerðarinnar við
þjóðvegi landsins, m.a. með tilliti
til salernisaðstöðu“.
Salerni við 27 áningarstaði
Í nefndaráliti umhverfis- og sam-
göngunefndar um tillöguna kemur
fram að útskot og áningarstaðir
Vegagerðarinnar séu 469 víðs veg-
ar um landið og að við 27 þeirra sé
salernisaðstaða. Salernin eru yf-
irleitt ekki rekin af Vegagerðinni
heldur tengjast áningarstaðirnir
einhverri annarri starfsemi.
Á þremur þessara staða eru sér-
stök salerni, tvö rekin af sveit-
arfélögum og eitt af Vegagerðinni.
Í umsögn um tillöguna frá í febr-
úar sagði Vegagerðin að yrði
ákveðið að hafa snyrtiaðstöðu á
fleirum þessara staða þyrfti að
koma til þess fjármagn annars
staðar frá. Þetta rúmaðist ekki inn-
an lögbundinna verkefna Vega-
gerðarinnar eða fjárveitinga til
hennar.
Hreinn Haraldsson vegamála-
stjóri upplýsti á fundi með um-
hverfis- og samgöngunefnd í vor að
Vegagerðin hefði gert áætlun um
að koma upp bráðabirgðasalernis-
aðstöðu á um það bil 30 stöðum.
Nefndin taldi að bregðast yrði við
ástandinu og lagði til að málinu
yrði vísað til ríkisstjórnarinnar.
Einnig að verkefnið yrði hluti af
vinnu að öryggismálum á vegum
Stjórnstöðvar ferðamála með það
að markmiði að bráðabirgðaað-
stöðu yrði komið upp í sumar.
„Við vorum með ákveðnar hug-
myndir um bráðabirgðaaðstöðu og
ræddum þær við Stjórnstöð ferða-
mála og í umhverfis- og samgöngu-
nefnd,“ sagði Hreinn í samtali við
Morgunblaðið.
Hann sagði að nú væri það í
höndum þeirra sem ynnu að mál-
efnum ferðaþjónustunnar að
ákveða hvort og þá hvað yrði gert í
sumar. Hreinn sagði að miðað
hefði verið við bráðabirgðaaðstöðu
á um 30 stöðum ef nægur tími
hefði gefist til að undirbúa og
framkvæma. Hann sagði að málið
hefði ekki verið uppi á borðum
Vegagerðarinnar í 6-8 vikur og því
spurning hvort eitthvað gerðist í
þessum málum í sumar. „Við vilj-
um gjarnan fá umræðu um þessa
áningarstaði. Þeir eru mikið sóttir
og mikið álag á þeim, meðal annars
vegna skorts á salernum,“ sagði
Hreinn.
Huga að gerð myndaútskota
Hann sagði marga hafa viðdvöl á
þessum stöðum til að borða nestið
sitt. Því þyrfti að halda þeim við
en einnig þyrfti að skoða
hreinlætismálin. Nestið skilaði sér
á endanum og því þyrfti að gera
ráð fyrir því í uppbyggingu aðstöð-
unnar. Hreinn sagði að ekki hefði
verið til fjármagn til að opna nýja
áningarstaði við þjóðvegina eftir
hrun, nema á örfáum stöðum í
tengslum við nýframkvæmdir. „Við
erum meira að skoða nú hvort ekki
þurfi að útbúa myndatökuútskot
við vegina vegna umferðaröryggis.
Við þurfum að kortleggja hvar
menn stoppa helst til að taka
myndir og gera þar útskot til þess
að þeir stoppi ekki á miðjum vegi
og skapi þannig hættu,“ sagði
Hreinn.
Ferðamennirnir víða í spreng
 Skortur er á salernisaðstöðu fyrir ferðamenn við þjóðvegina  Vegagerðin var með hugmyndir
um að setja upp bráðabirgðasalerni á um 30 stöðum  Óvíst er hvað hægt verður að gera í sumar
Morgunblaðið/Arnaldur
Ferðamenn í spreng Skortur er á hreinlætisaðstöðu fyrir ferðafólk víða um land. Á löngum köflum getur fólk ekki
létt á sér nema úti í náttúrunni. Rætt er um hvernig bæta megi úr skortinum á hreinlætisaðstöðu fyrir ferðafólk.
Salernismálin greind
» Stjórnstöð ferðamála fékk
EFLU verkfræðistofu til að
greina þörfina fyrir salerni fyrir
ferðamenn. Áfangaskýrsla kom
út í maí sl.
» Vegna aðstöðuleysis og
fjölda gesta er talið nauðsyn-
legt að ráðast í úrbætur við
Jökulsárlón, Goðafoss, Detti-
foss, Seljalandsfoss, Grábrók,
Látrabjarg, Hjálparfoss, Dyr-
hólaey og Kerið.
» Áformað er að bæta aðstöð-
una í sumar við Hjálparfoss og
Dyrhólaey. Sveitarfélagið og
Skógræktin setja upp heilsárs
salernisaðstöðu við Hjálpar-
foss. Sjálfsafgreiðslusalerni
verða sett upp við Dyrhólaey.
Formaður landeigendafélagsins
Bjargtanga á Látrabjargi telur að
langflestir landeigendur séu hlynnt-
ir friðlýsingu bjargsins. Hann segir
að átroðningur ferðafólks sé orðinn
allt of mikill og sér ekki aðra leið en
friðlýsingu til að koma böndum á
hana.
Umhverfisstofnun hefur hætt
undirbúningi að friðlýsingu Látra-
bjargs og nágrennis vegna þess að
ekki hefur tekist að ná samstöðu
allra landeigenda um áframhaldandi
vinnu við það. Sveinn Pétursson, for-
maður landeigendafélagsins, segir
að rúmlega hundrað eigendur séu að
landi Látra og Keflavíkur sem eiga
hluta af bjarginu. Skilst honum að
ekki hafi tekist að fá undirskriftir um
10 einstaklinga undir skjal sem
heimilar Umhverfisstofnun að halda
áfram undirbúningi. Gefur hann þær
skýringar að sumir þeirra eigi ekki
aðild að félaginu og ekki náist til
fólks sem búsett sé erlendis. Vissu-
lega séu enn einhverjir stífir á móti.
Segist hann hafa eytt miklum tíma í
að skýra málin út fyrir fólki og marg-
ir séu nú jákvæðir sem áður voru á
móti.
Fólk fái að njóta
Sveinn segir það rangt sem fram
kom í frétt Morgunblaðsins fyrir
helgi að andstæðingar friðlýsingar
hafi náð völdum í félaginu á nýlegum
aðalfundi. Tveir nýir menn komu inn
í sex manna stjórn. Sveinn var annar
þeirra en hann starfaði áður með fé-
laginu sem varamaður.
Sveinn segir að mikið sé í húfi.
Vernda þurfi fuglavarpið í Látra-
bjargi en það hefur alþjóðlegt vernd-
argildi. Hann lýsir þeirri skoðun
sinni að stýra þurfi fjölda ferðafólks
um svæðið og tímanum sem það fær
að vera. Nefnir hann að loka þyrfti
bjarginu fyrir umferð á nóttunni yfir
varptímann. Sveinn segir að landeig-
endur vilji ekki hindra fólk í að njóta
þessarar náttúruperlu en þeir geti
ekki borið á herðum sér að veita þá
þjónustu sem þurfi að vera.
helgi@mbl.is
Flestir eigendur
hlynntir friðlýs-
ingu Látrabjargs
 Telja að stýra þurfi umferð ferðafólks
Ljósmynd/Áskell Þórisson
Látrabjarg Unnið er að lagfæringu
stíga og ekki er vanþörf á.
Fram kom í texta með mynd á bls 17
í Morgunblaðinu í gær að Guðrún
Karls Helgudóttir hefði verið vígð til
sóknarprests við Grafarvogskirkju á
sunnudaginn. Það er ekki rétt því
Guðrún hefur verið prestur við
kirkjuna frá árinu 2008, heldur var
um innsetningu hennar í embættið
að ræða. Beðist er velvirðingar á
þessum mistökum.
LEIÐRÉTTING
Innsetning, ekki vígsla
- með morgunkaffinu
Landamærastofa
Evrópu, Frontex,
hefur veitt aðal-
hundaþjálfara
tollstjóra, Ingi-
björgu Ylfu
Ólafsdóttur, full
réttindi til að
kenna og meta
leitarhundaþjálf-
un á vegum Fron-
tex og uppfyllir
hún allar kröfur sem stofnunin gerir
til hundaþjálfara. Ingibjörg, ásamt
leitarhundi tollstjóraembættisins,
Kötu, lauk ítarlegu prófi með fram-
úrskarandi einkunn til að fá rétt-
indin en áður hafði hún lokið leið-
beinandanámi hjá stofnuninni. Hún
fer því á 22 manna útkallslista hjá
Frontex en hún er eini Íslending-
urinn með þessi réttindi á listanum.
Á undanförnum árum hefur
gengið erfiðlega að skipa hunda-
teymi í samstarfsverkefni milli
landa vegna mismunar í þjálfun
hundanna. Því hefur verið gert átak
til að samræma kröfur sem gerðar
eru til hundateyma sem starfa á
landamærum Schengen- og Evrópu-
sambandsins. Nýr staðall hefur ver-
ið unninn og Ingibjörg segir rétt-
indin vera gæðavottun á
hundateymum tollstjóra sem muni
auðvelda samstarf við alþjóðlegar
stofnanir.
Ingibjörg Ylfa
Ólafsdóttir
Íslendingur settur á
útkallslista Frontex
Fundað um loðnusamning í Álasundi
Samningafundur Íslendinga, Græn-
lendinga og Norðmanna um fyrir-
komulag og stjórnun loðnuveiða
verður haldinn í Álasundi í Noregi
22. og 23. júní næstkomandi.
Þar verður kynnt skýrsla vís-
indamanna um útbreiðslusvæði og
lífsferil loðnunnar, að sögn Jó-
hanns Guðmundssonar, skrif-
stofustjóra í sjávarútvegsráðuneyt-
inu og formanns samninga-
nefndarinnar. Vísbendingar hafa
verið um að loðnan hafi í auknum
mæli haldið sig í grænlenskri lög-
sögu síðustu ár og að sama skapi
hafi hennar minna orðið vart í
norskri lögsögu.
Í fyrra var gert samkomulag til
eins árs með sérstakri bókun. Þar
var aflaregla m.a. tekin upp í
loðnuveiðum, Grænlendingar fengu
auknar heimildir í vinnslukvóta í ís-
lenskri lögsögu og Norðmenn
fengu aukið aðgengi. aij@mbl.is