Morgunblaðið - 10.08.2016, Page 6

6 FRÉTTIRInnlent
MORGUNBLAÐIÐ MIÐVIKUDAGUR 10. ÁGÚST 2016
Rafmagnshjól.is • Fiskislóð 45 • Sími 534 6600
Hollensk
rafmagnshjól
vönduð og margverðlaunuð
Agnes Bragadóttir
agnes@mbl.is
Skólahald í Finnbogastaðaskóla í
Árneshreppi á Ströndum næsta
vetur, hefur verið tryggt. Eva Sig-
urbjörnsdóttir, hótelstýra Hótels
Djúpavíkur, er oddviti Árnes-
hrepps. Eva sagði í samtali við
Morgunblaðið að nýr skólastjóri
hefði verið ráðinn að grunnskól-
anum og tryggt væri að a.m.k.
fjögur börn, frá sex og upp í ellefu
ára, yrðu nemendur skólans í vet-
ur.
„Það er búið að ráða skólastjóra
að skólanum, Helgu Garðarsdóttur,
og kaupfélagsstjóra, sem kemur
hingað með þrjú börn, þannig að
skólahald í vetur er tryggt, með að
minnsta kosti fjórum börnum,“
sagði Eva.
Hún segir að börnum í Árnes-
hreppi muni fækka þar sem tveir
bændur hafi ákveðið að bregða búi,
en á þessum tveimur bæjum hafi
verið fjögur börn, sem hafi verið í
Finnbogastaðaskóla.
„Það er eitt barn fyrir og þrjú að
auki bætast við með nýja kaup-
félagsstjóranum. Við höfum verið
með skólahald hér með allt niður í
tvo nemendur. Það var fyrir nokkr-
um árum sem aðeins voru tvö börn
í skólanum tvo vetur í röð. Fé-
lagslega gengi það aldrei upp að
vera með eitt barn í skólanum. Það
er því a.m.k. komin lausn í skóla-
mál, fyrir komandi vetur,“ sagði
Eva.
Skólahald í Árneshreppi
er tryggt næsta vetur
 Þrjú börn
bætast í hópinn
Finnbogastaðaskóli Skólahald
verður í vetur í Árneshreppi.
Unnið er að undirbúningi friðlýsingar
á Hjómskálanum, Sóleyjargötu 2 í
Reykjavík, og gamla hæstaréttarhús-
inu, Lindargötu 1-3. Minjastofnun Ís-
lands sendi tillögur þess efnis til
skipulagsfulltrúa Reykjavíkurborgar
nýverið. Skipulagsfulltrúi vísaði báð-
um tillögunum til umsagnar verk-
efnisstjóra.
Búið er að senda eigendum
húsanna og þeim sem hafa hagsmuna
að gæta, bréf þar sem hugmynd að
friðlýsingu er kynnt. Frestur þeirra
til að skila inn athugasemdum við
friðlýsingarnar er fram í næsta mán-
uð.
„Það komu erindi til okkar um að
friðlýsa þessar tvær byggingar. Ann-
ars vegar frá borgarstjóranum í
Reykjavík um gamla hæstarétt-
arhúsið og hins vegar Lúðrasveit
Reykjavíkur, sem á Hljómskálann,
um að friðlýsa hann. Að fengnu áliti
húsafriðunarnefndar ákvað Minja-
stofnun að leggja þessar tillögur fram
og kalla eftir athugasemdum hags-
munaaðila,“ segir Pétur H. Ármanns-
son, sviðsstjóri umhverfis- og skipu-
lagssviðs Minjastofnunar Íslands.
Bæði húsin njóta umsagnarskyldu
en hvorugt er friðlýst. Nýverið gerði
ríkið gagngerar endurbætur á gamla
hæstaréttarhúsinu. Samkvæmt nú-
gildandi deiliskipulagi var gert ráð
fyrir að rífa hæstaréttarhúsið. Ef ráð-
herra staðfestir friðlýsingu hefur sú
ákvörðun vægi umfram gildandi deili-
skipulag og tryggt að húsið verði ekki
rifið
Gamla hæstaréttarhúsið var reist
árið 1945 og það teiknaði Guðjón
Samúelsson, húsameistari ríkisins.
Pétur telur afar ólíklegt að húsið
verði rifið í ljósi nýlegra viðhalds-
aðgerða sem farið var í.
Í rökstuðningi Minjastofnunar um
friðlýsingu á húsinu stendur: „Bygg-
ingin er sambyggð Arnarhvoli sem er
verk sama höfundar og nýtur hverf-
isverndar skv. Húsverndarskrá
Reykjavíkurborgar. Í listrænu tilliti
mynda þessi hús samræmda heild.
Gildi dómhússins felst ekki síst í lát-
lausri og virðulegri framhlið þess í
klassískum stíl.“
Í bréfi Minjastofnunar um rök-
stuðning fyrir friðlýsingu Hljómskál-
ans segir m.a.: „Hjómskálinn við
Reykjavíkurtjörn hefur menningar-
sögulegt gildi sem fyrsta hús á land-
inu sem byggt var sérstaklega fyrir
tónlistarstarfsemi. […] Bygging-
arstíll hljómskálans ber öll einkenni
steinsteypuklassíkur en lögun hans
og uppbygging gerir mannvirkið ein-
stakt í íslenskri byggingarsögu.“
Hljómskálann teiknaði Guðmundur
H. Þorláksson húsameistari og var
hann reistur árið 1922.
Í bréfi borgarstjóra Reykjavíkur
til Minjastofnunar um friðun húsa á
stjórnarráðsreit er einnig lagt til að
Sölvhólsgata 13 verði friðuð. Þessi til-
laga borgarstjóra var samþykkt í
borgarráði 10. desember 2015. Minja-
stofnun er með tillögu um friðun
Sölvhólsgötu 13 í skoðun en ákvörðun
liggur ekki fyrir, að sögn Péturs.
thorunn@mbl.is
Unnið að
friðlýsingu
Hljómskálans
 Vilja einnig friðlýsa gamla hæsta-
réttarhúsið við Lindargötu
Morgunblaðið/Styrmir Kári
Hljómskálinn Lúðrasveit Reykja-
víkur óskaði eftir friðlýsingu.
Morgunblaðið/Arnaldur
Dómhús Óskað er eftir friðlýsingu
gamla hæstaréttarhússins.
Helgi Bjarnason
helgi@mbl.is
Bláfjallasvæði og Sandskeið eru
þjóðlenda innan marka Kópavogs-
bæjar. Það er niðurstaða Héraðs-
dóms Reykjavíkur í máli Reykja-
víkurborgar gegn Kópavogsbæ,
Mosfellsbæ, Grindavík og Sveitarfé-
laginu Ölfusi. Sveitarfélögin voru
sýknuð af kröfum borgarinnar og
málskostnaður felldur á Reykjavík-
urborg.
Meginhluti lands sem nú tilheyrir
Reykjavík, Seltjarnarnesi og Kópa-
vogi var upprunalega í Seltjarn-
arneshreppi hinum forna og jarð-
irnar áttu sameiginlegan afrétt.
Reykjavíkurjörðinni og fleiri jörð-
um var skipt út úr hreppnum á 19.
öld og til varð lögsagnarumdæmið
Reykjavík. Á árinu 1948 var Sel-
tjarnarneshreppi skipt í tvo hreppa,
sem urðu Seltjarnarnes og Kópa-
vogur. Til síðarnefnda hreppsins
gekk allt land sem er sunnan og
austan Reykjavíkur og þar með af-
réttur Seltjarnarneshrepps hins
forna.
Óbyggðanefnd úrskurðaði að af-
réttur Seltjarnarneshrepps hins
forna teldist þjóðlenda og staðfesti
Hæstiréttur það. Óbyggðanefnd
komst að þeirri niðurstöðu á árinu
2014 að þjóðlendan væri öll innan
staðarmarka Kópavogsbæjar.
Reykjavíkurborg sætti sig ekki við
þá niðurstöðu og stefndi Kópa-
vogsbæ og öðrum hlutaðeigandi
sveitarfélögum með kröfu um að
landsvæðið tilheyrði Reykjavíkur-
borg, það er að segja stjórnsýslu-
lega. Kópavogsbær tók til varna
fyrir dómstólum en ekki hin sveit-
arfélögin.
Úrskurður stendur
Héraðsdómur sýknaði sveitar-
félögin af kröfu Reykjavíkurborgar
og stendur því úrskurður óbyggða-
nefndar óhaggaður. Allt land ofan
jarðanna Vatnsenda, Elliðavatns og
Lækjarbotna allt að sýslumörkum
gagnvart Árnessýslu telst því hluti
af Kópavogsbæ.
Í niðurstöðu dómsins er vísað til
úrskurðar félagsmálaráðuneytisins
við skiptingu Seltjarnarneshrepps
hins forna í tvö sveitarfélög þar
sem fram kom að hið umdeilda land
kæmi í hlut Kópavogshrepps.
Reykjavíkurborg hafi ekki hreyft
andmælum við þeirri skiptingu fyrr
en málið var tekið fyrir í óbyggða-
nefnd.
Reykjavíkurborg var gert að
greiða Kópavogsbæ 2,2 milljónir í
málskostnað.
Ekki liggur fyrir hvort málinu
verður áfrýjað til Hæstaréttar.
Morgunblaðið/Ómar Óskarsson
Bláfjöll Ekki virðist langt úr Reykjavík í Bláfjöll en mörk afréttarins liggja eftir hæstu tindum í Vífilsfell.
Bláfjöll og Sandskeið
tilheyra Kópavogi
 Kröfum Reykjavíkurborgar hafnað í héraðsdómi
Hinn umdeildi afréttur er þann-
ig afmarkaður: „Frá Sýslusteini
austan Lyklafells eftir árfarvegi
Lyklafellsárinnar fyrir sunnan
Lyklafell og niður í Nautapoll. Úr
Nautapolli meðfram heiðarbrún
í vatnsfarveginn við norðurenda
Vatna-ássins. Úr því ræður
norðurkvísl Lyklafellsárinnar
þangað til hún fellur í Foss-
vallaá. Syðsta kvíslin af Foss-
vallaám frá Lækjarmóti, sem
rennur frá bænum, ræður upp
að þúfu sem stendur í Holts-
tanga fyrir neðan Neðrivötn,
þaðan til útsuðurs í mógrýtis-
klett með rauf í, er snýr suður,
þaðan í Sandfellshnjúk. Þaðan
til norðvesturs í suðvesturhorn
á Selfjalli og þaðan í Markhól‚
úr Markhól í Húsfell, þaðan í Þrí-
hnjúka og áfram í Bláfjallahorn.
Síðan eftir hæstu tindum Blá-
fjalla í stöpul á Vífilsfelli. Þaðan
í fyrrgreindan sýslustein.“
Afmörkun
afréttarins
LANDAMERKI