Morgunblaðið - 10.08.2016, Page 36

MIÐVIKUDAGUR 10. ÁGÚST 223. DAGUR ÁRSINS 2016
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 517 KR. ÁSKRIFT 5613 KR. HELGARÁSKRIFT 3505 KR. PDF Á MBL.IS 4978 KR. I-PAD ÁSKRIFT 4978 KR.
1. Allir að gefa henni illt auga
2. Taldi sig hafa tekið mynd af Emilie
3. Báru stúlkuna eins og „kartöflupoka“
4. Féll 20 þúsund fet á mínútu
»MEST LESIÐ Á mbl.is
FÓLK Í FRÉTTUM
 Kammerkórinn Schola cantorum
fagnar nýútkominni plötu sinni með
tónleikum í Hallgrímskirkju í dag kl.
12 undir stjórn Harðar Áskelssonar.
Platan nefnist Meditatio og er gefin
út af sænska útgáfufyrirtækinu BIS,
sem tryggir alþjóðlega dreifingu
hennar. Hún hefur að geyma kórverk
frá 20. og 21. öld sem tjá sára sorg og
söknuð ástvinamissis en fela jafn-
framt í sér þá kraftmikla von og
huggun sem tónlistin getur veitt.
Meðal verka eru Lux aurumque eftir
Eric Whitacre, Heyr þú oss himnum á
eftir Önnu Þorvaldsdóttur, Requiem
eftir Jón Leifs og Heyr himna smiður
eftir Þorkel Sigurbjörnsson.
Schola cantorum
fagnar nýrri plötu
 Jazzhátíð Reykjavíkur verður sett í
27. sinn í dag í Hörpu, en hátíðin
stendur til sunnudags. Alls verða 30
tónleikar og viðburðir í boði þetta ár-
ið, en hátt í 100 listamenn munu
koma fram. Hátíðin hefst með svo-
kallaðri Jazzgöngu sem farin verður
niður Laugaveg og að Hörpu þar sem
hátíðin verður sett kl. 17.30. Básúnu-
leikarinn Sigrún Kristbjörg Jóns-
dóttir fer fyrir hópi
tónlistarfólks sem
leggur af stað frá
Lucky Records við
Hlemm kl. 17 í
dag. Allir sem
hljóðfæri geta
valdið eru
hvattir til
að mæta og
spila með.
»30-31
Jazzhátíð Reykjavík-
ur sett í 27. sinn í dag
Á fimmtudag Austan og suðaustan 8-15 m/s, hvassast úti við
norðurströndina. Víða rigning og hiti 10-17 stig. Á föstudag Aust-
læg eða breytileg átt og súld eða rigning með köflum. Milt veður.
SPÁ KL. 12.00 Í DAG Gengur í suðaustan 8-13 m/s með rigningu,
fyrst suðvestanlands, en hægara og þurrt norðaustantil fram á
kvöld. Hiti 10 til 18 stig, hlýjast fyrir norðan.
VEÐUR
Stjarnan og Breiðablik eru
áfram jöfn á toppi Pepsi-
deildar kvenna eftir leiki
gærkvöldsins. Hafa þau
bæði 28 stig. Valur eltir
toppliðin og er fjórum stig-
um á eftir. Öll unnu þau leiki
sína í gærkvöldi og útlit er
fyrir þriggja hesta hlaup um
Íslandsmeistaratitilinn.
Þór/KA og ÍBV eru bæði sjö
stigum á eftir toppliðunum.
ÍA og KR eru í fallsætum
eins og staðan er núna. »3
Toppbaráttan tók
ekki breytingum
Eyþóra Elísabet Þórsdóttir keppti í
gær í liðakeppni í fimleikakeppni Ól-
ympíuleikanna í Ríó. Þar var hún í
stóru hlutverki hjá Hollandi en þetta
var í fyrsta sinn í 40 ár sem Holland
tekur þátt í þessum viðburði sem
þykir einn sá stærsti á hverjum Ól-
ympíuleikum. Holland hafnaði í 7.
sæti eftir að hafa skotist fram úr
Brasilíu í síðustu umferðinni. »1
Eyþóra í stóru hlutverki
í liðakeppninni
„Ég klára núna síðasta árið í háskól-
anum í Bandaríkjunum, syndi þar í
vetur, og svo hef ég ekki hugmynd
um hvað gerist næst. Ég er ekki bú-
inn að ákveða neitt. Kannski heldur
maður áfram fram að næstu
Ólympíuleikum ef allt gengur vel,
kannski ekki,“ sagði sundmaðurinn
Anton Sveinn McKee meðal annars
við Morgunblaðið í dag. »1
Óvíst hvort Anton reynir
við næstu leika í Tókíó
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Þórunn Kristjánsdóttir
thorunn@mbl.is
„Þetta er fyrir alla fjölskylduna og
allir geta fundið vegalengd við hæfi,“
segir Gísli Örn Bragason einn af
skipuleggjendum ICE-O-rathlaupa-
keppninnar sem stendur yfir dagana
11. til 14. ágúst. Rathlaupafélagið
Hekla skipuleggur mótið. Keppnin
sjálf stendur yfir í þrjá daga en hefst
með einu æfingahlaupi á morgun,
fimmtudag, kl. 16-18 í Öskjuhlíð í
Reykjavík. Öllum er velkomið að
taka þátt í keppninni.
Rathlaup snýst um að hlaupa sem
hraðast á milli ákveðinna staða eftir
korti. Á mótinu er boðið upp á fjöl-
breyttar, miserfiðar brautir og því
eru þátttakendur allt frá byrjendum
yfir í vana hlaupara. Mótið er haldið í
sjötta sinn að þessu sinni og stefnir í
góða þátttöku þar af eru rúmlega 70
erlendir hlauparar skráðir. Rat-
hlaupið fer fram á þremur stöðum, á
föstudag á Úlfljótsvatni, laugardag í
Heiðmörk og á sunnudag við Reyn-
isvatn.
„Þeir sem eru góðir í þessu eru í
góðu formi og fljótir að einfalda upp-
lýsingar á kortinu til að finna hent-
ugustu og fljótlegustu leiðina milli
staða. Hlauparinn þarf t.d. að taka
ákvörðun um hvort hann ætlar að
hlaupa yfir einhverja hindrun t.d.
fjall eða í kringum það,“ útskýrir
Gísli Örn.
Búnaður sem hlaupari þarf að hafa
í rathlaupi er utanvegahlaupaskór
t.d. með göddum, slitsterkur fatn-
aður, áttaviti og kort. „Þetta er fyrst
og fremst náttúruhlaup þar sem
allir hlaupa á sínum for-
sendum. Mér finnst mesta
áskorunin að halda heil-
anum gangandi á hlaup-
unum því maður þarf að
halda einbeitingu til að
hlaupa t.d. ekki of langt,“
segir Gísli.
Kortin sem hlaupararnir
fara eftir eru mjög nákvæm af lands-
laginu þar sem nánast hver þúfa hef-
ur verið kortlögð. Norrænir sérfræð-
ingar í kortagerð voru fengnir í
verkið en Rathlaupafélagið Hekla er
í nánu samstarfi við rathlaupafélög á
hinum löndunum á Norðurlönd-
unum.
Gísli kynntist rathlaupamenning-
unni í Finnlandi þar sem hann bjó
um skeið. Annars staðar á Norður-
löndunum er sterk hefð fyrir rat-
hlaupum á meðal almennings og á
hún yfir 100 ára sögu. Í upphafi teng-
ist rathlaup herþjálfun sem krafðist
þess að fólk bjargaði sér í skóginum.
Þó að Ísland sé ekki jafn skógivaxið
og nágrannalöndin eru hér fjölbreytt
rathlaupasvæði og ekki síður
skemmtilegt að hlaupa í hrauni.
Hlaup sem reynir á heilann
 ICE-O rat-
hlaupakeppnin
haldin í sjötta sinn
Morgunblaðið/Árni Sæberg
Hlaup Gísli Örn Bragason, skipuleggjandi ICE-O rathlaupakeppninnar, segir rathlaup henta vel í íslenskri náttúru.
Í haust verða tveir grunnskólar í
Reykjavík með rathlaup í nám-
skránni sem tilraunaverkefni.
„Við höfum unnið undan-
farið að því að kynna þetta
m.a. fyrir grunnskólum.
Víða erlendis er þetta
hluti af skólanámskrá
að rata og hlaupa í
náttúrunni,“ segir
Gísli. Fyrir byrjendur
er til einföld útgáfa af
rathlaupi og nefnist Ratvísi og er
einskonar fjársjóðsleit sem gengur
út á að leita að póstum eða til-
teknum stöðum á útvistarsvæðum
borgarinnar. Rathlaupafélagið
Hekla og Reykjavíkurborg hafa
sett upp eina fasta braut á höfuð-
borgarsvæðinu sem er í Gufunesi
og er önnur væntanleg í Öskjuhlíð-
ina.
Hægt er að kynna sér frekar
starfsemina á rathlaup.is.
Hluti af skólanámskrá erlendis
RATHLAUP FYRIR ÍSLENSKA GRUNNSKÓLA