Morgunblaðið - 25.08.2016, Blaðsíða 7

MORGUNBLAÐIÐ FIMMTUDAGUR 25. ÁGÚST 2016 7ATVINNULÍF
„Eftir að hafa starfað á blöðum og
tímaritum í dálítinn tíma var það síð-
asta sort að fara í það að verða port-
rett-ljósmyndari, það þótti ekki
áhugavert,“ segir Gunnar Leifur,
sem sér þó ekki eftir því að hafa
söðlað um og sá fljótt að kostirnir
voru margir við þennan anga ljós-
myndunar. „Maður er endalaust að
vinna fyrir hamingjusamt fólk, sem
kemur með hvert fallega barnið á
fætur öðru.“
Galdurinn við að ganga vel í
greininni segir hann að fanga augna-
blikið og persónuleika þeirra sem
koma á stofuna. „Þetta snýst fyrst
og fremst um það að tala við fólk og
vera með fólki og í raun og veru
snýst þetta mjög lítið um ljós-
myndun sem slíka,“ segir Gunnar
sem leggur mikla áherslu á að tækn-
in sé einungis verkfæri á meðan per-
sónuleiki fólksins sé það sem skipti
öllu máli í stúdíóinu hjá sér. Fjöl-
breytileikann segir Gunnar vera
einn stærsta kostinn við starfið, en
auk þess að taka myndirnar sé
tölvuvinnan mikil, prentun og jafn-
vel smíði á römmum. Þá séu það
mikil forréttindi að fá að starfa í fagi
sem sé í raun áhugamál og hann
upplifi sig ekki í vinnunni þegar
hann sé að mynda.
Skíðadella hjá fjölskyldunni
Gunnar Leifur er fjögurra barna
faðir og öll börnin hans hafa verið
með mikla skíðadellu sem hann seg-
ir hafa mótað sinn frítíma, þar sem
hann hafi alltaf fylgt þeim á æfingar
í gegnum tíðina. „Ég held að við
séum með svona 80-90 skíðadaga á
ári,“ segir Gunnar sem þeysist um
brekkurnar á meðan krakkarnir eru
á æfingum. Þá hafi fjölskyldan farið
í skíða- og keppnisferðir nánast ár-
lega á undanförnum 10 árum. Perla
Karen dóttir hans er enn að æfa og
keppa í íþróttinni og Gunnar Leifur
sér fram á að æfingar hefjist um
helgina á Siglufirði, en stefnan hefur
verið sett á keppni í Austurríki í
október.
Að sögn Gunnars Leifs er félags-
skapurinn í skíðaiðkuninni góður.
„Það er skemmtilegt fólk í skíð-
unum, þetta er allt svolítið bilað fólk
sem er tilbúið að leggja á sig og vera
með fjölskyldunni. Það telur.“
Á þessum árum sem Gunnar Leif-
ur hefur fylgt börnunum í skíðaiðk-
uninni hefur hann tekið mikið magn
af myndum og segir léttur á brún að
sér hafi farið mikið fram sem skíða-
ljósmyndara. „Þar skiptir míkró-
sekúndan máli og það er gaman að
ná augnablikunum í brautinni.“
Forréttindi að fá að starfa við áhugamálið
Ljósmyndarinn Gunnar
Leifur Jónasson hefur
verið í geiranum í 30 ár
og hefur um árabil rekið
ljósmyndastofuna Barna-
og fjölskyldumyndir í
Kópavogi.
Ljósmynd/Allan Sigurðsson
Gunnar Leifur gerir mikið af því að taka myndir af litlum börnum sem hann segist alltaf hafa mikla ánægju af.
Barna- og fjölskylduljósmyndir er 50 ára gamalt fyrirtæki en
Gunnar Leifur tók við rekstrinum fyrir hátt í 20 árum. Þar er nóg
að gera því að sögn Gunnars tekur hann myndir af um 5.000 Ís-
lendingum á ári. Á meðal verkefna sem Gunnar tekur að sér eru
barna- og fjölskyldumyndatökur, skólamyndatökur, passa-
myndatökur, stúdentsmyndatökur og myndatökur í brúðkaupum
svo eitthvað sé nefnt. Í þætti vikunnar af Fagfólkinu er fylgst
með Gunnari Leifi mynda ungt barn og þar sést að það er tölu-
verð kúnst að ná slíkum myndum góðum.
Myndar um 5.000 manns á ári hverju
FYLGSTU MEÐ
FAGFÓLKINU Á MBL.IS
Lærimeistarinn
í Branding
Prófessor Kevin Lane Keller kom hingað til lands 2010 og vakti
mikla athygli á fjölsóttum fyrirlestri um vörumerkjastjórnun, m.a. um
vörumerkið Ísland. Nú snýr hann aftur hingað til lands og fjallar um
grundvallaratriði vörumerkjastjórnunar og skoðar um leið vörumerkið
Ísland á nýjan leik. Keller nýtur virðingar um allan heim fyrir
rannsóknir sínar, þ.á m. vinnu sína með dr. Philip Kotler.
Staður: Gamla bíó, Ingólfsstræti 2a
Tími: Þriðjudagur 20. september kl. 8.30-11.30
Fyrirlesari: Kevin Lane Keller, E.B. Osborn Professor of Marketing,
Tuck School of Business, Dartmouth College
Fundarstjóri: María Hrund Marinósdóttir, formaður ÍMARK
Efni: The Five Golden Rules of Branding
Hlé
Building A New Marketing Toolkit
Skráning á imark.is