Morgunblaðið - 26.08.2016, Síða 40

FÖSTUDAGUR 26. ÁGÚST 239. DAGUR ÁRSINS 2016
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 517 KR. ÁSKRIFT 5613 KR. HELGARÁSKRIFT 3505 KR. PDF Á MBL.IS 4978 KR. I-PAD ÁSKRIFT 4978 KR.
1. Féll niður af handriði í FSu
2. Nafn mannsins sem lést á …
3. Nauðgunarmálið sem ekki …
4. Var látinn þegar bíllinn fannst
»MEST LESIÐ Á mbl.is
FÓLK Í FRÉTTUM
 Bæjarhátíð Seltjarnarness hefst í
dag og stendur til 28. ágúst. Fjöldi
viðburða er á döfinni en í dag verður
meðal annars brekkusöngur með
Ingó Veðurguði klukkan 20 og sund-
laugarpartí þar sem hljómsveitirnar
Stjúpmæður og Globe stíga á svið.
Á morgun verður síðan hjólreiða-
túr, skemmtiskokk, götugrill, hrað-
fótboltamót og hinn árlegi stórdans-
leikur bæjarhátíðarinnar, en þar
heldur sveitin Bandmenn uppi fjörinu
og spilar fyrir dansi. Þá eru Seltirn-
ingar hvattir til að skreyta hverfið
sitt, hús og lóðir í viðeigandi hverfalit
og flagga meðan á hátíðarhöldum
stendur. Hátíðinni lýkur svo á sunnu-
daginn klukkan 11 með appelsínugulri
messu í Seltjarnarneskirkju.
Morgunblaðið/Kristinn
Seltirningar efna til
veglegrar hátíðar
 Dúettinn Stepancic.Gidron og tríó-
ið neinei bjóða til tónleika í Mengi í
kvöld klukkan 21. Dúóið skipa þau
Teodora Stepancic og Assaf Gidron.
Þau eru bæði búsett í Brooklyn í New
York en hafa komið fram um allan
heim. Í upplýsingum frá skipuleggj-
endum segir að tvímenningarnir séu
einkar ástríðufullir og að tilraunir,
ævintýramennska og spuni ráði för á
tónleikunum í kvöld.
Tríóið neinei er skipað þeim Inga
Garðari Erlends-
syni á þránófón,
Magnúsi Trygva-
syni Eliassen á
slagverk og
trommur og Ei-
ríki Orra Ólafs-
syni á trompett
og hljóðnema.
Ástríðufullir tónar
frá Brooklyn í Mengi
Á laugardag Hæg breytileg átt, en norðaustan 5-10 m/s á Vest-
fjörðum og annesjum nyrst á landinu. Skúrir eða rigning víða um
land, hiti 8 til 14 stig. Á sunnudag Hiti víða 10 til 15 stig.
SPÁ KL. 12.00 Í DAG Norðaustan 5-10 m/s og súld eða dálítil
rigning en hægari vindur sunnantil á landinu og skúrir. Hiti yfirleitt
á bilinu 8 til 16 stig, hlýjast suðvestanlands.
VEÐUR
Cristiano Ronaldo frá Portú-
gal og Real Madrid og Ada
Hegerberg frá Noregi og
Lyon sigruðu bæði með tals-
verðum yfirburðum í kjöri
UEFA og ESM, Samtaka evr-
ópskra íþróttafjölmiðla, á
besta knattspyrnufólki Evr-
ópu 2015-16, sem lýst var í
Mónakó í gær.
Hegerberg er aðeins 21 árs
gömul og skoraði 33 mörk í
20 leikjum fyrir Lyon og varð
markahæst í Frakklandi. »1
Ronaldo og Heger-
berg kjörin best
„Hún er með ótrúlega mikla hæfileika
sem knattspyrnumaður. Hún hefur
yfirburðatækni og yfirsýn yfir völlinn
og tekur mjög góðar ákvarðanir með
boltann. Auk þess er hún með afar
góðan leikskilning þannig
að hún er svona leik-
maður sem ég held að
allir vilji hafa í sínu
liði,“ sagði Mar-
grét Lára Við-
arsdóttir um
samherja
sinn hjá Val,
Dóru Maríu
Lárusdóttur,
leikmann 13.
umferðar
Pepsi-
deildar
kvenna.
»4
Hefur yfirburðatækni
og yfirsýn yfir völlinn
Dregið var í riðlakeppni Meistara-
deildar Evrópu í gær. Spánverjinn Pep
Guardiola, sem bæði hefur leikið með
og þjálfað spænska stórliðið Barce-
lona, mætir sínum gömlu félögum
sem knattspyrnustjóri Manchester
City. Birkir Bjarnason og félagar í
svissneska liðinu Basel eru í erfiðum
riðli en Basel leikur gegn Paris Saint
Germain og Arsenal. » 2
Pep Guardiola snýr
aftur til Barcelona
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Steinþór Guðbjartsson
steinthor@mbl.is
Bræðurnir Jóhann Fjalar Skaptason
flugfjarskiptamaður og Nökkvi Fjalar
Orrason, eigandi Áttunnar, hafa skrif-
að barnabókina Vinir Elísu Margrétar
til minningar um Elísu Margréti Haf-
steinsdóttur, sem fæddist með alvar-
legan og sjaldgæf-
an heilasjúkdóm
og var mikið fötl-
uð, en hún lést í
vor, aðeins þriggja
ára að aldri.
Ingunn Krist-
jánsdóttir, móð-
ursystir Elísu
Margrétar, mynd-
skreytir bókina og
Sögur útgáfa gefur
hana út. Allur
ágóði af sölunni rennur óskiptur til
Barnaspítala Hringsins vegna þess
hve vel barnaspítalinn annaðist Elísu
Margréti. „Draumurinn er að safna
fyrir heilalínuritstæki til afnota á spít-
alanum en nú þarf að flytja börn yfir í
Fossvog til þess að taka eitt heilalínu-
rit,“ segir Nökkvi, en í dag verður und-
irritaður samningur við Hagkaup, sem
kaupir fyrstu prentun, 2.000 eintök, og
setur í sölu 6. október.
Tónleikarnir gáfu tóninn
Bræðurnir stóðu að styrktartónleik-
um í Austurbæ vegna stöðu Elísu Mar-
grétar og foreldra hennar, Gyðu Krist-
jánsdóttur og Hafsteins Vilhelms-
sonar, fyrir tæplega ári og var
foreldrunum afhentur sérútbúinn bíll
til eignar í lok tónleikanna. „Þetta er
það verkefni sem hefur snert mig mest
og gefið mér meira en nokkurt annað,“
segir Nökkvi Fjalar. Hann vildi að-
stoða fjölskylduna til að hún gæti eign-
ast bílinn og gaf vinnu sína eins og allir
aðrir sem komu að tónleikunum.
„Ánægjan og hamingjan lifa enn í
hjartanu og eru mun dýrmætari en
einhverjir peningar,“ segir hann. Bæt-
ir við að þeir hafi ekki viljað láta þar
staðar numið og eftir að hafa fengið
hringingu frá Róberti Úlfarssyni, vini
sínum í Bandaríkjunum, sem hafi
stungið upp á að þeir ættu að skrifa
barnabók, hafi hann tekið hann á orð-
inu. „Mér fannst tilvalið að skrifa
barnabók og gera Elísu Margréti að
aðalpersónunni.“
Sterkur boðskapur
Nökkvi Fjalar segir að skrifin hafi
verið gerð í samráði við og með sam-
þykki foreldra Elísu Margrétar og
fljótlega hafi þau ákveðið að best væri
að fá Ingunni til þess að myndskreyta
bókina. „Hún þekkti litlu frænku sína
vel og teikningarnar lýsa barninu bet-
ur en hægt hefði verið að ímynda sér,“
segir hann.
Til stóð að gefa bókina út fyrir jólin í
fyrra en tíminn var naumur og því var
beðið með útgáfuna. Síðan veiktist El-
ísa Margrét alvarlega og þá var um
annað að hugsa en bókaútgáfu. Nökkvi
Fjalar segir að í raun hafi framtíð bók-
arinnar verið óljós þar til fyrir
skömmu. Þá hafi hann verið með Gyðu
og Hafsteini og þau hafi þá sagt að þau
vildu að bókin kæmi út til þess að halda
minningunni um dóttur sína enn frek-
ar á lífi. „Bókin var í raun tilbúin og því
ekkert að vanbúnaði að gefa hana út,“
segir Nökkvi Fjalar. Bætir við að síðan
hafi Gyða og Hafsteinn eignast dóttur,
sem heitir Líf.
Bókin er ætluð fyrir um sex ára
gömul börn. Hún fjallar í stuttu máli
um einelti, innflytjendafordóma, sam-
kynhneigð og þöggun. „Boðskapurinn
er sterkur og Elísa Margrét skín í
gegnum texta og myndir,“ segir
Nökkvi Fjalar. „Tónleikarnir voru 6.
október í fyrra og þess vegna ákváðum
við að bókin kæmi út sama dag í ár.“
Safna fyrir heilalínurits-
tæki á Barnaspítalanum
 Gefa út bók honum til styrktar
Morgunblaðið/Ófeigur
Leikvöllur Nökkvi Fjalar, Hafsteinn, Gyða og Jóhann Fjalar fagna útkomu
bókarinnar innan um leiktæki á afmörkuðu svæði barnanna.
Ingunn
Kristjánsdóttir