Fréttablaðið - 03.11.2016, Page 18
Brotalamir Clinton
Einhver hluti bandarískra kjós-
enda virðist hafa bitið það í sig
að Hillary Clinton sé svo gjörspillt
að hún eigi hvergi annars staðar
heima en í fangelsi. Ekki fyrir
nokkra muni megi hún verða for-
seti Bandaríkjanna.
Tölvupóstarnir
Meðan Hillary Clinton var utan-
ríkisráðherra í ríkisstjórn Baracks
Obama notaði hún persónulegan
vefþjón sinn til tölvupóstssam-
skipta, jafnvel þegar um trúnaðar-
mál var að ræða. Bandaríska
alríkislögreglan komst um síðir að
þeirri niðurstöðu að með þessu
hefði hún sýnt af sér gríðarlegt
kæruleysi en taldi ekki ástæðu til
að lögsækja hana fyrir stórfellt
gáleysi, sem varðar við lög.
Wall Street
Clinton hefur verið gagnrýnd fyrir
að hafa of náin tengsl við auð-
kýfinga og stórfyrirtæki, sem hafa
dælt peningum í kosningasjóði
hennar. Meðan Bernie Sanders
keppti við hana um útnefningu
Demóktrata, sagði hann þetta
einn helsta ljóð á ráði hennar
og Trump hefur hamrað á þessu
hvenær sem færi gefst.
Bill
Fortíð hennar sem eiginkona Bills
Clinton hefur stundum orðið
henni til trafala, ekki síst þegar
ásakanir um framhjáhald og kyn-
ferðisbrot hans eru rifjaðar upp.
Alvarlegustu ásakanirnar snúast
um að hún hafi beinlínis hótað
eða gert lítið úr þeim konum sem
hafa sakað Bill Clinton um að
hafa brotið gegn sér.
Utanríkismálin
Clinton hefur verið gagnrýnd fyrir
ýmis mistök í utanríkismálum,
ýmist fyrir að vera of herská eða
fyrir gáleysi sem átti að hafa
kostað bandarískan sendiherra
og starfsfólk hans lífið í Líbíu.
Trump og félagar segja henni
engan veginn treystandi en aðrir
óttast að hún sendi bandaríska
herinn fyrirhyggjulítið út í stríð.
Brotalamir Trumps
Þrátt fyrir töluverðar vinsældir
Donalds Trump telja margir, jafnt
innan sem utan Bandaríkjanna,
að hann yrði gjörsamlega óhæfur
forseti vegna ruddaskapar,
reynslu- og þekkingarleysis.
Kvenfyrirlitning
Ítrekað hefur Trump viðhaft um-
mæli um konur sem vakið hafa
reiði og hneykslun kvenna jafnt
sem karla víða um heim. Hann
hefur gert lítið úr konum, sagt
þær feitar og subbur, kallað þær
svín og hunda. Hann hefur stært
sig af því að geta komist upp með
að áreita konur kynferðislega.
Áður en hann bauð sig fram viður-
kenndi hann meira að segja að
framkoma hans gagnvart konum
myndi gera honum erfitt fyrir færi
hann í framboð.
Aðrir fordómar
Trump hefur ítrekað gert lítið úr
ýmsum minnihlutahópum og
verið með hótanir í garð þeirra.
Þar hafa múslimar orðið einna
verst úti. Hann hefur hótað því
að banna múslimum að koma
til Bandaríkjanna, sagt að þeim
sé ekki treystandi. Þá hefur hann
hótað því að reka 11 milljónir
innflytjenda úr landi og reisa múr
á milli Bandaríkjanna og Mexíkó
til að halda íbúum Suður-Ameríku
sunnan landamæranna. Hann
hefur hermt eftir fötluðum og
móðgað stríðshetjur, svo fátt eitt
sé nefnt.
Skattarnir
Trump hefur verið gagnrýndur
fyrir að birta ekki skattupplýsingar
sínar eins og aðrir frambjóðendur
hafa jafnan gert. Nýlega stærði
hann sig af því að hafa komið sér
undan því að greiða skatta með
því að fá stórfellt tap dregið frá,
eins og tíðkast. Nú síðast fullyrða
bandarískir fjölmiðlar að þetta
hafi hann gert með svikum, því
tapið sem átti að vera frádráttar-
bært hafi í raun ekki verið stórt
tap, því að baki tapinu voru lán
sem hann fékk niðurfelld.
Rússar
Andstæðingar Trumps hamra
mjög á gagnkvæmu skjalli hans og
Vladimírs Pútín Rússlandsforseta.
Bæði hrifning Trumps af Pútín og
meint hrifning Pútíns af Trump
geri það að verkum að Trump sé
vart treystandi til að fara með
bandarísk utanríkismálefni.
Bandaríkin Kosningabarátta þeirra
Hillary Clinton og Donalds Trump
hefur verið ein sú óvenjulegasta í sögu
Bandaríkjanna. Eitt það furðulegasta
er að málefnin komast varla að.
Áherslan er öll á framkomu
Trumps og hinar stórkarlalegu yfir-
lýsingar hans, ýmist um eigið ágæti,
vankanta mótherjans, og svo á mis-
jafnlega máttlitlar tilraunir Clinton
til að beina athygli kjósenda frá allri
þeirri neikvæðu umfjöllun sem hellst
hefur yfir hana og ekkert lát virðist á.
Clinton hefur oftast haft vinn-
inginn í skoðanakönnunum, þótt
stundum hafi dregið verulega saman
á milli þeirra. Nú á lokasprettinum
er munurinn aftur að minnka og er
kominn undir tvö prósent.
Bæði hafa þau reyndar verið harla
óvinsæl meðal almennings allan
tímann meðan kosningabaráttan
hefur staðið yfir. Þótt Trump eigi
sína hörðu stuðningsmenn og Clin-
ton sömuleiðis, þá mælast vinsældir
þeirra beggja minni en allra fram-
bjóðenda flokkanna tveggja síðan
1992, að minnsta kosti.
Einungis rúmlega þriðjungur
aðspurðra segist mjög eða nokkuð
ánægður með Clinton, eða 36 pró-
sent, og litlu færri, eða 35 prósent,
segjast ánægð með Trump, sam-
kvæmt könnun fyrirtækisins Pew
Research Center, sem sérhæfir sig í
gerð skoðanakannana og lýðfræði-
rannsókna.
Þá kemur einnig fram hjá Pew að
óvenju hátt hlutfall þeirra, sem ætla
að kjósa Trump eða Clinton, segjast
gera það einkum til þess að koma í
veg fyrir að hinn frambjóðandinn
komist til valda.
Þannig segist 51 prósent þeirra,
sem ætla að kjósa Trump, einkum
gera það til að koma í veg fyrir að
Clinton verði forseti. Og að sama
skapi segist 41 prósent þeirra, sem
ætla að kjósa Clinton, einkum gera
það til að koma í veg fyrir að Trump
verði forseti.
Einungis 45 prósent þeirra sem
ætla að kjósa Trump segjast gera
það vegna þess að þeir vilji að hann
verði forseti, en 57 prósent þeirra sem
ætla að kjósa Hillary segjast gera það
vegna þess að þeir vilji að hún verði
forseti. gudsteinn@frettabladid.is
Nærast bæði á
óvinsældum hins
Á þriðjudaginn í næstu viku lýkur hinni ógnarlöngu kosningabaráttu
í Bandaríkjunum þegar loks verður gengið til kosninga. Á lokasprett-
inum hefur dregið mjög saman með þeim Hillary Clinton og Donald
Trump. Bæði dragnast þau með haug af óvinsælum farangri.
51%
kjósenda Trumps ætlar að
kjósa hann til að koma í veg
fyrir að Clinton verði forseti.
41%
kjósenda Clinton ætlar að
kjósa hana til að koma í
veg fyrir að Trump verði
forseti.
Guðsteinn
Bjarnason
gudsteinn@frettabladid.is
Óánægja kjósenda með forsetaefni flokkanna
Einungis þriðji hver kjósandi í Bandaríkjunum segist ánægður með forsetaefni
flokkanna tveggja að þessu sinni, hvort sem það er Clinton eða Trump sem
fyrir valinu verður. Ánægjan hefur ekki mælst jafn lítil í meira en tvo áratugi
© GRAPHIC NEWSHeimild: Pew Research Center
*Skv. könnun gerðri dagana 23. ágúst til 2. september.
Spurður var 1.201 einstaklingur, þar á meðal 947 skráðir kjósendur.
Myndir: Associated Press
Kjósa Demókrata /
líklega Demókrata
% mjög/nokkuð
ánægð
Kjósa Repúblikana /
líklega Repúblikana
62
46
56
69
64 64
76
6171
54
36%
35%
69 69
Bill Clinton
1992 1996 2000 2004 2008 2012 2016
George W. Bush Barack Obama
Donald Trump
Hillary Clinton
Ánægjan hefur
minnkað um 7%
síðan í júní*
Kjósendur í Chicago greiða utankjörstaðaratkvæði. NoRdiCphoToS/AFp
3 . n Ó v e m B e r 2 0 1 6 F i m m T U d a G U r16 F r é T T i r ∙ F r é T T a B L a ð i ð
0
3
-1
1
-2
0
1
6
0
4
:5
8
F
B
0
7
2
s
_
P
0
7
0
K
.p
1
.p
d
f
F
B
0
7
2
s
_
P
0
5
5
K
.p
1
.p
d
f
F
B
0
7
2
s
_
P
0
0
3
K
.p
1
.p
d
f
F
B
0
7
2
s
_
P
0
1
8
K
_
N
Y
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
B
2
B
-9
6
6
0
1
B
2
B
-9
5
2
4
1
B
2
B
-9
3
E
8
1
B
2
B
-9
2
A
C
2
7
5
X
4
0
0
.0
0
1
3
A
F
B
0
7
2
s
_
2
_
1
1
_
2
0
1
6
C
M
Y
K