Dagblaðið Vísir - DV - 03.02.2015, Síða 17

Heimilisfang
Kringlan 4-12
6. hæð
103 Reykjavík
fréttaskot
512 70 70fr jál s t, ó Háð dag b l að DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
aðalnúmer
ritstjórn
áskriftarsími
auglýsingar
sandkorn
18 Umræða
Útgáfufélag: DV ehf. • Stjórnarformaður og útgefandi: Björn Ingi Hrafnsson • Ritstjórar: Eggert Skúlason og Kolbrún Bergþórsdóttir
Viðskiptaritstjóri: Hörður Ægisson • Fréttastjórar: Baldur Guðmundsson og Einar Þór Sigurðsson • Ritstjórnarfulltrúi: Jóhann Hauksson
Umsjónarmaður innblaðs: Sólrún Lilja Ragnarsdóttir • Framkvæmdastjóri : Steinn Kári Ragnarsson • Umbrot: DV ehf. • Prentun: Landsprent • Dreifing: Árvakur
Vikublað 3.–5. febrúar 2015
Ég mun berjast áfram
við þessa menn
Algjörlega skólan-
um að kenna
Ég er orðin vön
sársaukanum
Umburðarlyndi og skoðanafrelsi
Anna Ingólfsdóttir gagnrýnir Hjallastefnuna harðlega. – DV
U
mræðuhefðin á Íslandi er
á köflum illskiljanleg. Óþol
gagnvart skoðunum annarra
er áberandi og sum mál
virðist hreint ekki hægt að ræða.
Dæmi um slíkt er rammaáætlun,
ESB og fleiri stórmál samtímans
sem skipta miklu máli fyrir fram-
tíðarhagsmuni þjóðarinnar.
Fjölmargir, þar á meðal þing-
menn, leyfa sér að reiðast fyrir
hönd almennings þegar þessi hita-
mál ber á góma. Í þessu samhengi
er reiðin ekki bara hvimleið heldur
einnig til þess fallin að drepa niður
heilbrigð skoðanaskipti og rökræð-
ur sem Alþingi ber að standa fyrir.
Reiðir þingmenn komast oft að í
fréttatímum en gjarnan á kostnað
þess að almenningur missir áhuga
á málinu. Umræðan verður stagl-
kennd og festist í skotgröfum, þar
sem innihaldið verður oftar en ekki
fórnarlamb dægurþrassins.
Bergur Ebbi Benediktsson, sá
magnaði grínisti, skrifaði háð-
pistil í Fréttablaðið 2. mars 2013
um umburðarlyndi. Hann lýsti því
yfir að hann væri umburðarlynd-
ur og þakkaði sínum sæla fyrir að
til væri fólk eins og hann. Hann
reyndar tók fram að hann þyldi
alls ekki Framsóknarflokkinn,
Eurovision, Crocs-skó, Bíladaga á
Akureyri ásamt fjölda atburða og
menningarstrauma. En hann væri
umburðarlyndur. Listinn yfir hluti
sem hann þoldi ekki var langur.
Pistillinn hans endaði svo á þess-
um orðum. „En sem betur fer er til
umburðarlynt fólk eins og ég. Sem
betur fer er ég umburðarlyndur.“
Virðum við skoðanir annarra –
eða hvað?
Við keppumst við að lýsa því yfir
að við virðum skoðanir annarra.
En auðvitað eru sumar skoðanir
þannig að við eigum erfitt með
að virða þær. Við reiðumst jafn-
vel þegar skoðanir, sem okkur
finnst öfgakenndar, eru settar
fram. Rammaáætlun er á dagskrá
og þar kemur þessi staða glögg-
lega fram. Stilltasta fólk rífur sig og
þenur og málefnaleg umræða fell-
ur milli skips og bryggju. Ásakan-
ir, brigsl og upphrópanir taka yfir-
höndina og stórum spurningum er
ekki svarað.
Við sjáum þetta líka í
athugasemdakerfum fjölmiðla, þar
sem tilfinningar bera fólk oft of-
urliði. Mjög stutt er í upphrópanir
og jafnvel skítkast og níð. Hiklaust
er farið í manninn þó að boltinn
sé hvergi nærri. Til að bæta þessa
hvimleiðu umræðuhefð þarf hver
og einn að líta í eigin barm. Við
þurfum að virða skoðanir hver
annars og svara þeim ef við teljum
ástæðu til en ekki ráðast á þann
sem setur þær fram. Verum um-
burðarlynd í verki og þá mun um-
ræðan batna. Um leið sköpum við
betra þjóðfélag fyrir komandi kyn-
slóðir. n
Skýrsla Brynjars
Þess er nú beðið með nokkurri
eftirvæntingu að Brynjar Níelsson,
þingmaður Sjálfstæðisflokksins,
skili skýrslu til stjórnskipunar- og
eftirlitsnefndar Alþingis, um svo-
nefnt Víglundarmál.
Í stjórnkerfinu telja menn lík-
legast að Brynjar leggi til frekari
rannsókn á tildrögum þess að
nýju bankarnir voru stofnaðir upp
úr þrotabúum þeirra gömlu og er
jafnvel talið að tillaga þess efnis
líti dagsins ljós í þessari viku.
Fimmtán ára blogg
Sjónvarpsmaðurinn og Eyju-
skríbentinn Egill Helgason fagnaði
því um liðna helgi að fimmtán ár
eru liðin frá því
hann hóf að rita
blogg sitt á netinu.
Æ síðan hafa
skrif hans verið
með þeim mest
lesnu á íslenska
hluta veraldarvefs-
ins, en hann hóf leikinn á strik.is
en hefur verið með fastan dálk á
Eyjunni síðan árið 2007.
„Að sumu leyti er þetta eins og
dagbók. Maður skrifar á hverjum
degi – leggur mismikla vinnu í
pistlana. Stundum eru þeir bara
ein hugdetta, stundum er þetta
ítarlegra,“ skrifaði Egill um helgina
og bætti því við, að líklega sé skoð-
anafesta hans ekki mikil, ef menn
horfa yfir öll þessi fimmtán ár.
„Það er ekkert að því að skipta
um skoðun eða breyta skoðun-
um sínum – oft er það bara merki
um heilbrigða forvitni,“ bætti hann
við.
Frá Bændablaðinu
til Eyjunnar
Vefmiðlunum Pressunni og Eyj-
unni hefur bæst góður liðsauki,
því þangað hefur verið ráðinn
blaðamaðurinn Freyr Rögnvalds-
son. Hann starfaði áður á Bænda-
blaðinu, svo dæmi sé tekið.
Fjölmiðlabakterían er Frey ræki-
lega í blóð borin, því Snærós
Sindradóttir, kona hans, er blaða-
maður á Fréttablaðinu og faðir
hennar og Helga Vala Helgadóttir,
móðir hennar, hafa verið mikið
fjölmiðlafólk í gegnum tíðina.
Guðrún í rektorskjör
Í háskólasamfélaginu telja menn
nær öruggt að Guðrún Nordal,
forstöðumaður Stofnunar Árna
Magnússonar,
muni bjóða sig
fram sem næsti
rektor Háskóla
Íslands. Jón Atli
Benediktsson, pró-
fessor við verk-
fræði- og nátt-
úru vís inda svið Há skóla Íslands,
hef ur þegar tilkynnt að hann
muni bjóða sig fram til embætti
rektors. Fleiri kunna að blanda
sér í baráttuna en rektor Háskóla
Íslands verður kjörinn um miðj-
an apríl.
Reiðir á Alþingi Þingmenn eiga hreinlega erfitt með að ræða sum af stóru málunum án
þess að skipta skapi. Sum mál eru svo aftur þannig að reiðin tekur öll völd. MyNd SIGtRyGGuR ARI
„En auðvitað eru
sumar skoðanir
þannig að við eigum erfitt
með að virða þær.
Leiðari
Eggert Skúlason
eggert@dv.is
Helgi Vilhjálmsson, kenndur við Góu, vill byggja íbúðablokk fyrir starfsfólkið sitt. – DV Juliane Ferguson hefur verið áreitt af fyrrverandi eiginmanni sínum og nýlega var nálgunarbann fellt úr gildi. – DV
Lífið á gráa svæðinu
S
umum finnst orðið ansi klént
að skrifa greinar um um-
ræðuna. Ég ætla samt að gera
það og þið megið þá kalla mig
Kötu klénu hér eftir. Ástæðan
er sú að ég er orðin pínu leið á því að
þurfa sífellt að eiga skýr „já ég styð
þetta“- eða „nei ég styð þetta ekki“-
svör við álitamálum nánast um leið
og þau koma upp. Ég er líka komin
með pínulítið leið á því að sjónarmið
þeirra sem eru mest með einhverju
eða mest á móti einhverju stýri um-
ræðunni. Stundum eru ekki til já- og
nei-svör. Oftast er lífið flóknara. Og
flest erum við einhvers staðar á milli
þeirra sem eru mest með eða mest á
móti. En þau sjónarmið, þeirra sem
eru þarna á milli, eru ekki þau sem
eru ráðandi í umræðunni. Ég ætla að
taka tvö dæmi.
Vernd eða virkjanir
Ertu fylgjandi virkjunum í neðri
Þjórsá? Ég get ekki svarað þessari
spurningu með já eða nei. Fyrir mörg
okkar er málið flóknara. Þess vegna
styð ég að við felum fagfólki sem á
breiðum grunni gerir samanburð á
ólíkum kostum og metur verndar-
gildi þessara kosta út frá ákveðnum
fyrirfram gefnum breytum og gerir
tillögur að röðun verndar- og virkj-
anakosta til okkar stjórnmálamanna
svo við getum tekið afstöðu sem okk-
ur líður vel með og er vel undirbyggð
faglegum rökum …! Löng setning og
frekar „döll“ sjónarmið en mitt sjón-
armið engu að síður.
Reykjavíkurflugvöllur
Viltu flugvöllinn áfram í Vatnsmýr-
inni? Ég get ekki svarað þessari
spurningu með já eða nei. Ég get hins
vegar svarað með já en. Já, ég er fylgj-
andi því að flugvöllurinn verði áfram
í Vatnsmýrinni á meðan engin önn-
ur betri staðsetning hefur fundist.
En ég er líka til í að skoða leiðir sem
verða til þess að Reykjavíkurborg geti
nýtt svæðið betur samhliða áfram-
haldandi flugrekstri þarna. Þessi um-
ræða er pikkföst í spólförum jaðar-
sjónarmiða. Mér finnst það ekki
uppgjöf að finna málamiðlun sem
fer bil beggja. Mér finnst það held-
ur engin uppgjöf að vera opin fyr-
ir flutningi ef staðsetning sem skilar
sambærilegum árangri finnst. Þetta
er kannski ekki spennandi sjónvarps-
efni, þ.e. fólkið sem vill málamiðlun-
ina, en ég held að flestir myndu detta
á þann takka í allsherjaratkvæða-
greiðslu um málið.
Að lokum
Við erum oft fljót að stimpla fólk sem
eitthvað sem það er ekki af því að við
grípum eitthvað á lofti sem það segir,
jafnvel hluta úr setningu og eignum
þeim afgerandi afstöðu út frá því.
Ég hef lent í því oftar en einu sinni
og oftar en tvisvar að vera sett í eitt-
hvert „lið“ með eða á móti af því að
enginn heyrði „en-ið“ mitt. Margir
halda því t.d. fram að ég sé æðisleg-
ur stuðningsmaður erlendra kröf-
uhafa af því að ég tel ekki að hægt sé
að hirða af þeim eignir út af stjórnar-
skránni. Ekki misskilja – ég væri alveg
til í það ef peningarnir gætu farið til
þeirra sem minnst hafa en ég sé bara
ýmsa annmarka á því t.d. eignarrétt-
arákvæði stjórnarskrárinnar. Þarna
er t.d. verulega óþægilegt að vera á
gráa svæðinu í keppninni um hver sé
mesti föðurlandsvinurinn.
Og ég er ekki saklaus …
Ég er ekki saklaus í þessu öllu saman
og viðurkenni alveg að stundum er
ég stödd á jaðrinum í umræðunni og
vil að allir hafi jafn afgerandi afstöðu
og ég í ákveðnum málum. Og stund-
um stimpla ég fólk ósjálfrátt með eða
móti einhverju án þess að hlusta á
það sem viðkomandi er raunveru-
lega að segja. Heyri upphaf á viðtali
og hætti að hlusta af því ég er búin
að ákveða hvað viðmælandinn hljóti
að vera að fara að segja út frá litlum
upphafsorðum. Tel mig ekki þurfa að
vita meira, viðkomandi sé jú „þarna“
megin og ef hann er þar þá veit ég allt
um það sem honum finnst. Á meðan
er maður að tapa í stað þess að græða
aukinn skilning og jafnvel nýja sýn.
Ástæðan fyrir því að ég skrifa þessar
línur er sú að mig langar svo mikið til
að breyta þessu. Að við tökum okkur
saman og gefum öllum sjónarmiðun-
um á gráu svæðunum meira vægi og
hlustum af alvöru hvert á annað. n
Katrín Júlíusdóttir
alþingismaður
Kjallari
„Ástæðan fyrir því
að ég skrifa þessar
línur er sú að mig langar
svo mikið til að breyta
þessu.
MyNd SIGtRyGGuR ARI