Dagblaðið Vísir - DV - 13.03.2015, Síða 8

Helgarblað 13.–16. mars 2015
Skuldsetning hafnarinnar
skilað einni skóflustungu
n Spáð 115 milljóna tapi Reykjaneshafnar á árinu n Bæjaryfirvöld ræða við kröfuhafa
R
eykjaneshöfn verður rekin
með 115 milljóna króna tapi
á þessu ári samkvæmt fjár­
hagsáætlun fyrirtækisins.
Fari svo hefur Reykjanes­
höfn tapað um þremur milljörðum
króna frá ársbyrjun 2009 og skuld­
irnar aukist um 3,7 milljarða. Bæjar­
yfirvöld í Reykjanesbæ eiga sam­
kvæmt heimildum DV í viðræðum
við kröfuhafa hafnarinnar um lækk­
un á skuldum fyrirtækisins en þær
nema um 7,5 milljörðum króna. Af­
koma fyrirtækisins í fyrra hefur ekki
verið kynnt en áætlanir gerðu ráð
fyrir um 300 milljóna tapi.
Bæjaryfirvöld hafa undirritað
sjö viljayfirlýsingar við jafnmörg
fyrirtæki sem óskuðu eftir lóðum á
iðnaðar­ og hafnarsvæðinu í Helgu­
vík á síðustu sex árum. Á þeim tíma
hefur einungis ein skóflustunga ver­
ið tekin á svæðinu en stjórnendur
Reykjaneshafnar reikna með því að
framkvæmdir við tvær aðrar verk­
smiðjur hefjist á þessu ári.
Þarf að greiða 2,3 milljarða
Reykjaneshöfn er í eigu Reykjanes­
bæjar en fyrirtækið er fjármagnað
með tekjum af rekstri fimm hafna.
Eins og komið hefur fram þá skuldar
Reykjanesbær um 40 milljarða króna
og er skuldsettasta sveitarfélag
landsins en á í viðræðum við kröfu­
hafa um verulegar afskriftir.
Uppbygging iðnaðarsvæðisins
í Helguvík hefur síðustu ár verið
stærsti kostnaðarliðurinn í fram­
kvæmdum Reykjaneshafnar á
meðan áform um stórfellda iðnað­
aruppbyggingu þar hafa ekki geng­
ið eftir. Reksturinn hefur því verið
endurfjármagnaður með lántökum
og kostnaður vegna þeirra ræður nú
úrslitum um afkomu fyrirtækisins og
sveitarfélagsins.
Samkvæmt nýjustu fjárhagsáætl­ un Reykjaneshafnar þarf fyrirtækið
að greiða 2,3 milljarða króna á næsta
ári vegna langtímaskulda. Sama
áætlun gerir ráð fyrir 730 milljóna
veltu á árinu en eigið fé fyrirtækisins
er neikvætt um 4,4 milljarða króna.
Morgunblaðið hefur sagt að
Ragnheiður Elín Árnadóttir, iðnað­
ar­ og viðskiptaráðherra, sé að skoða
að semja lagafrumvarp sem eigi
meðal annars að grynnka á skuld­
um Reykjaneshafnar. Heimildir DV
herma að í frumvarpinu verði ein­
göngu gefin heimild fyrir því að ríkið
geti komið að frekari fjárfestingum í
Helguvík en ekki lækkun á skuldum
hafnarinnar.
Býst við fleiri skóflustungum
Pétur Jóhannsson, hafnarstjóri
Reykjaneshafnar, segir í skriflegu
svari við fyrirspurn DV að tvö fyrir­
tæki, af þeim sjö sem hafa undirritað
viljayfirlýsingar, horfi til þess að geta
hafið framkvæmdir á svæðinu á
þessu ári. Þar fyrir utan hafi forsvars­
menn United Silicon hf. tekið fyrstu
skóflustungu að kísilmálmverk­
smiðju fyrirtækisins í ágúst í fyrra.
Pétur segir útlit fyrir að nánar skýrist
um tvö önnur verkefni á þessu ári en
bætir við að ólíklegt sé að tvö fyrir­
tæki til viðbótar eigi eftir að sækja
um lóð í Helguvík.
Thorsil ehf. stefnir einnig að
framleiðslu kísilmálms í Helguvík.
Fyrirtækið er annað af þeim tveim­
ur sem Pétur segir að vilji hefja fram­
kvæmdir á þessu ári. Thorsil hefur
ekki samið um kaup á raforku og
forsvarsmenn fyrirtækisins bíða enn
niðurstöðu sérfræðiálits um mögu­
leg umhverfisáhrif verksmiðjunnar.
Samkvæmt upplýsingum DV
stefnir fyrirtækið G2 einnig að fram­
kvæmdum í Helguvík á þessu ári.
Eigendur G2 vilja reisa um tíu þús­
und fermetra verksmiðju í Helgu­
vík sem myndi framleiða dísilolíu úr
notuð dekkjum. Áætluð framleiðslu­
geta verksmiðjunnar er um 40 millj­
ónir lítra af olíu á ári og yrði hún
framleidd fyrir innanlandsmarkað.
Verkefnið hefur verið í undirbúningi
í tæp tvö ár.
Reykjaneshöfn hefur einnig lofað
fyrirtækinu Brúarfossi hf. lóð í Helgu­
vík undir vatnsverksmiðju. Brúarfoss
hyggst fara í vatnsútflutning til þró­
unarlanda en verkefnið er ekki fjár­
magnað. Að auki hafa forsvarsmenn
verkefnis sem ber vinnuheitið Arctic
Tyres fengið vilyrði fyrir lóð. Ekki
hafa fengist upplýsingar um stöðu
verkefnisins. Að lokum hafa fyrir­
tækin Carbon Recycling, sem fram­
leiðir eldsneytið metanól í Svarts­
engi, og Fertil, sem hefur ráðist í
frumáætlun um byggingu áburðar­
verksmiðju hér á landi, skrifað undir
viljayfirlýsingar. n
Haraldur Guðmundsson
haraldur@dv.is
Framkvæmdir hafnar
Ragnheiður Elín Árnadóttir
iðnaðarráðherra og Sig-
mundur Davíð Gunnlaugs-
son forsætisráðherra tóku
fyrstu skóflustungu að kís-
ílmálmverksmiðju United
Silicon í ágúst í fyrra.
8 Fréttir
Helguvik Jarðvegsframkvæmdum á lóð United Silicon er lokið og fyrirtækið auglýsti nýver-
ið eftir starfsfólki til að vinna í verksmiðjunni.
Hafnarstjórinn Pétur Jóhannsson.
Wrapmaster
Skammtari fyrir plastfilmur
• Klippir plastfilmur og ál
• 35% sparnaður
• Ódýrari áfyllingar
• Má setja í uppþvottavél
Fæst í Hagkaupum,
Fjarðarkaupum og Byko
Í eldHúsið
Í Ferðalagið
Á vinnustaðinn
Í sumarBústaðinn
engar flækjur - ekkert vesen