Dagblaðið Vísir - DV - 29.05.2015, Blaðsíða 14

14 Fréttir Helgarblað 29. maí–1. júní 2015
Meint einelti gagnvart forsætisráðherra
Karl Garðarsson segir Sigmund Davíð sæta einelti
K
arl Garðarsson, þingmaður
Framsóknarflokksins, segir að
þjóðfélagsumræðan fari fyrst
og fremst fram á internetinu
og þar þyki pólitískt einelti sjálfsagt.
Hann segir að Sigmundur Davíð
Gunnlaugsson forsætisráðherra
verði helst fyrir einelti af þessu tagi.
Þetta kemur fram í pistli sem
Karl skrifar á vef Eyjunnar. Þar segir
þingmaðurinn að allt sé leyfilegt á
internetinu og að aldrei þurfi að færa
sönnur eða standa skil á hástemmd­
um yfirlýsingum um nafngreinda
einstaklinga. „Þetta er umræða þar
sem illmælgi og hatur ræður ríkjum
og pólitískt einelti þykir sjálfsagt,“
skrifar Karl í pistlinum.
Þá segir hann að umræðunni
sé stjórnað af örfáum einstakling­
um sem virðast hafa lítið annað
fyrir stafni en að dreifa óhróðri um
nafngreinda einstaklinga. Karl segir
að þessa dagana þyki vinsælast að
skjóta á Sigmund Davíð og oftar en
ekki sé ráðist að honum persónu­
lega. Hann segir erfitt fyrir ráðherra
að verjast neteineltinu.
„Ef menn reyna að bera hönd
fyrir höfuð sér eru þeir sakaðir um
að vera hörundsárir og kunna ekki
að taka gagnrýni. Þannig er tryggt
að hatursumræðan fái að halda
áfram og lifi sjálfstæðu lífi,“ segir
Karl og segir að lokum: „Við erum
komin langt út fyrir það sem eðlilegt
getur talist.“ n
johannskuli@dv.is
Karl Garðarsson Þing-
maður Framsóknarflokks.
89 prósent nota Facebook
n Alls nota 74% íslendinga samfélagsmiðilinn daglega n Snapchat er næstvinsælast
A
lls nota 89 prósent Ís­
lendinga Facebook. Þar af
nota 74 prósent samfélags­
miðilinn daglega eða oft­
ar og 45 prósent telja Face­
book vera mikilvægan miðil.
Þetta kemur fram í nýrri skoðana­
könnun sem Gallup gerði á þessum
vinsæla samfélagsmiðli.
Snapchat er næstvinsælasti mið­
illinn. 46 prósent Íslendinga nota
hann samkvæmt könnunni, þar af
31 prósent daglega eða oftar. Þrettán
prósent aðspurðra telja Snapchat
vera mikilvægan miðil.
Þriðji vinsælasti samfélagsmiðill­
inn á Íslandi er Instagram. Alls not­
ar 31 prósent Íslendinga hann, þar
af 14 prósent daglega eða oftar. Í
fjórða sæti er Twitter en 16 prósent
Íslendinga nota hann, þar af 5 pró­
sent daglega. Aðeins 3 prósent telja
hann mikilvægan miðil.
Fyrsta mælingin á Íslandi
„Þetta er fyrsta mælingin á notkun
Íslendinga á samfélagsmiðlum. Það
hefur aldrei verið almennilega skoð­
að hversu vinsælt Facebook er á Ís­
landi, hvað þá hinir samfélagsmiðl­
arnir,“ segir Andri Már Kristinsson,
sérfræðingur í markaðsmálum á
netinu hjá Landsbankanum. Hann
hélt nýverið fyrirlestur, þar sem
hann fjallaði meðal annars um þess­
ar nýju tölur.
85 prósent ungs fólks nota
Snapchat
„Mér finnst merkilegast hversu rosa­
lega mikið Facebook er notað af stór­
um hluta þjóðarinnar. Það er líka
merkilegt að Snapchat er orðinn
næststærsti samfélagsmiðillinn á Ís­
landi, aðeins þriggja ára gamall.“
Andri segist hafa búist við því að
Twitter væri vinsælli hér á landi er
raun ber vitni og að Snapchat nyti
minni vinsælda. „Snapchat virðist
vera miðill sem hefur hitt í mark, sér­
staklega hjá ungu fólki. 85 prósent
ungs fólks á aldrinum 18–24 ára nota
Snapchat og stór hluti oft á dag. Þetta
er miðill sem fólk hefur tileinkað sér.
Svo er það spurning hvernig fyrirtæki
geta nýtt sér þennan vettvang, því
þarna eru engar auglýsingar.“
Fyrirtæki hafa brugðið á það ráð
að búa til efni á Snapchat eins og
hver annar notandi og að mati Andra
skipta gæði þess öllu máli. Hann
nefnir Nova og Domino's sem fyrir­
tæki sem hafa farið nýjar leiðir í að
búa til efni og skapa afþreyingu fyrir
markhóp sinn á Snapchat.
Hvað Twitter varðar segir hann að
ákveðinn hópur sem er þar inni sjáist
síður á Facebook. Tækifæri gætu falist
í því fyrir markaðsfólk. „Menn þurfa
að átta sig á því hverjir eru á hvaða
samfélagsmiðlum og hvers konar
samband menn eiga á hverjum miðli
fyrir sig.“
Hröð þróun samfélagsmiðla
Andri segir samfélagsmiðlana
þróast gríðarlega hratt. „Við höfum
verið að sjá nýjan samfélagsmið­
il árlega undanfarið,“ segir hann og
nefnir Meercat og Periscope sem
dæmi þar sem hægt er að sjón­
varpa beinum útsendingum í gegn­
um símann. „Svo er stóra spurn­
ingin hvort snjallúravæðingin muni
breyta einhverju í heimi samfélags­
miðla. Maður sér ekki að hægjast
muni á framþróun í þessum heimi.“
Like-leikir eru ódýr leið
Á fyrirlestrinum minntist Andri á
svokallaða Like­leiki á Facebook
þar sem fólk þarf að „læka“ ákveðn­
ar síður fyrirtækja til þess að eiga
möguleika á að fá vinning. Hann
hefur lítið álit á slíkum leikjum.
„Fyrirtæki eru að fara ansi ódýra
leið í því að afla sér vinsælda. Þetta
er að mínu mati mjög innihalds­
snautt samband á milli viðskipta­
vina og fyrirtækja. Þau eru ekki að
fá einstaklinga til fylgja þeim vegna
áhuga á fyrirtækinu, heldur bara til
að vinna verðlaun. Fyrirtæki þurfa
að horfa til lengri tíma til að koma á
innihaldsríku sambandi, svo að fólk
hafi áhuga á því sem þau hafa að
segja.“ n
„Það er líka
merkilegt að
Snapchat er orðinn
næststærsti samfélags-
miðillinn á Íslandi, aðeins
þriggja ára gamall.
Freyr Bjarnason
freyr@dv.is
Íslendingar og
samfélagsmiðlar
n Já, nota
n Nota daglega eða oftar
n Er mikilvægur samfélagsmiðill
89%
74%
45% 46%
31%
13% 14%
6%
16%
5%
14%
3%
31%
3%
Heimild: Gallup
0%
Hröð þróun
Andri segir samfélagsmiðlana
þróast gríðarlega hratt
mynd SiGtryGGur ari
Betra blóðflæði
betri heilsa með SuperBeets rauðrófu kristal
Superbeets Nitric Oxide allt að 5 sinnum öflugra
1. dós superbeets jafngildir 30 flöskum af 500 ml rauðrófusafa
Íslenskt vottað innihald NO3
Nýsköpunarmiðstöð Íslands
Sýni rannsóknarstofa
Upplýsingar í síma 896 6949 og www.vitex.is
Eftir fertugt
framleiðir líkaminn
50% minna
Nitric Oxide
ATH: Breyting nítrats
úr fæðu í Nitric Oxide
byrjar í munni, þess vegna
er SuperBeets tekið inn
í vökvaformi, en
ekki töfluformi.
Fæst í flestum apótekum og heilsubúðum
w
w
w
.s
u
p
er
b
ee
ts
.is
-
v
it
ex
.is
Betra blóðflæði
betri heilsa með SuperBeets rauðrófu kristal
Superbeets Nitric Oxide allt að 5 sinnum öflugra
1. dós superbeets jafngildir 30 flöskum af 500 ml rauðrófusafa
Nitric Oxide
Nóbelsverðlaun 1998
Sameind ársins 1992
Uppgötvun á Nitric Oxide
var upphafið á framleiðslu
rislyfja
Eftir fertugt
framleiðir líkaminn
50% minna Nitric Oxide
Fæst í flestum apótekum og heilsubúðum
Upplýsingar í síma
896 6949 og www.vitex.is
Fæst í flestum apótekum og heilsubúðum
NÝTT
w
w
w
.z
en
b
ev
.is
-
U
m
b
o
ð
: v
it
ex
e
h
f
Betri og dýpri
svefn
Engin eftirköst eða ávanabinding
Melatónin
Upplýsingar í síma 896 6949 og www.vitex.is
úr graskersfræjum
ZenBev - náttúrulegt Triptófan
Vísindaleg sönnun á virkni
sjá vitex.is
Tvær bragðtegundir
sítrónu og súkkulaði
Melatónín er talið minnka líkur
á blöðruhálskirtilskrabbameini
sjá vitex.is
Breyting nítrats úr fæðu í Nitric Oxide
byrjar í munni, þess vegna er
SuperBeets tekið inn í vökvaformi,
en ekki töfluformi.