Dagblaðið Vísir - DV - 07.08.2015, Blaðsíða 12
Helgarblað 7.–10. ágúst 201512 Fréttir
V A R M A D Æ L U R
19 dBA
*Við ábyrgjumst lægsta eða sama verð og sambærileg
varmadæla frá öðrum söluaðilum. Smiðjuvegur 70 - gulgata - 200 Kópavogur
Gæði, þjónusta og gott verð.
Hámarks orkusparnaður.
sen
dum
frÍ
tt
Út
Á l
and
*
Dópaður og
ekki í belti
Lögreglan á höfuðborgarsvæðinu
stöðvaði bifreið á Hringbraut á
tíunda tímanum á miðvikudags-
kvöld. Í ljós kom að ökumaðurinn
var ekki í öryggisbelti og auk þess
undir áhrifum fíkniefna og með
fíkniefni í fórum sínum. Þá stöðv-
aði lögregla einnig ökumann á
Vesturlandsvegi síðar sama kvöld
en sá er grunaður um akstur und-
ir áhrifum fíkniefna. Loks hafði
lögregla afskipti af manni á Aust-
urvelli á miðvikudagskvöld vegna
vörslu fíkniefna.
Fann á sér
að hann
myndi vinna
Þrjátíu og sjö ára fjölskyldufað-
ir varð 45,2 milljónum króna rík-
ari á laugardag eftir að hafa setið
einn að fyrsta vinningi í lottóinu.
Í tilkynningu frá Íslenskri
getspá kemur fram að maðurinn
hafi stofnað áskrift sína fyrir ekki
svo löngu síðan og hann hefði
fundið á sér að hann væri að fara
að vinna í lottóinu. Hann hefði
þó aldrei grunað að rúmar 45
milljónir biðu handan við hornið.
Maðurinn kíkti morguninn
eftir útdráttinn á netið og athug-
aði hvort hann hefði fengið tölvu-
póst vegna vinnings. Hann sá
þó ekkert frá Íslenskri getspá og
hugsaði því með sér að vinn-
ingurinn kæmi bara næst. Stuttu
síðar fékk hann hið örlagaríka
símtal frá framkvæmdastjóra Ís-
lenskrar getspár um að hann
hefði unnið þann stóra.
Þ
rír starfsmenn úr fyrir-
tækjaráðgjöf MP banka
hafa hætt þar störfum og
ráðið sig til orkufyrirtæk-
isins Arctic Green Energy
Corporation, áður Orka Energy,
sem sérhæfir sig í uppbyggingu og
rekstri á hitaveitum og jarðhita-
virkjunum í Asíu, einkum í Kína.
Í þeim hópi er Guðmundur
Ólason, fyrrverandi forstjóri fjár-
festingafélagsins Milestone, en
hann hefur nýlega tekið við starfi
forstjóra Arctic Green Energy. Þá
hafa Jón Óttar Birgisson, sem hef-
ur gegnt stöðu forstöðumanns fyr-
irtækjaráðgjafar MP banka síðustu
ár, og Guðjón Kjartansson einnig
gengið til liðs við orkufyrirtækið.
Áður höfðu þremenningarnir jafn-
framt starfað saman í fyrirtækjaráð-
gjöf Saga fjárfestingabanka en fóru
yfir til MP banka undir árslok 2011
þegar bankinn keypti fyrirtækjaráð-
gjöf Saga.
Brotthvarf þeirra frá MP banka
kemur á sama tíma og bankinn
sameinaðist Straumi fjárfestinga-
banka undir lok júnímánaðar. Við
þá sameiningu var tólf starfsmönn-
um sagt upp störfum í hagræðingar-
skyni.
Guðmundur tekur við forstjóra-
starfinu í kjölfar þess að breytingar
urðu á eignarhaldi Orku Energy í
lok maí og nafni þess breytt í Arct-
ic Green Energy Corporation
(AGEC). Þá var nafni félagsins Orka
Energy China, dótturfélag AGEC,
sömuleiðis breytt í Arctic Green
Energy China (AGE China).
Eins og greint var frá í frétt DV
þann 12. júní sl. þá hafði Guðmund-
ur tekið sæti í stjórn AGE China í
maí. Á sama tíma settist Jóhann-
es Sigurðsson, hæstaréttarlögmað-
ur hjá lögmannsstofunni Fjeldsted
& Blöndal, í stjórn AGEC og AGE
China, auk þess sem Fanglu Wang,
framkvæmdastjóri kínverska fjár-
festingarsjóðsins CITIC Capital, tók
sæti í stjórn AGE China. Jóhannes,
sem var um tíma aðstoðarforstjóri
Milestone, sagði þá í samtali við
DV að hvorki hann né Guðmundur
væru hluti af nýja eigendahópnum.
Samstarf við orkurisa
Orka Energy, sem í dag heitir Arctic
Green Energy, var stofnað 2011 og
hefur verið í eigu innlendra og er-
lendra fjárfesta, þar á meðal Hauks
Harðarsonar, stofnanda fyrirtækis-
ins, og Harðar Harðarsonar, bróð-
ur Hauks, og Orku Energy Pte Ltd,
félags með skráð heimilisfesti í
Singapúr. Haukur er í dag stjórnar-
formaður AGEC og AGE China.
Arctic Green Energy China
hét upphaflega Enex-Kína og
var til ársins 2011 í eigu Orku-
veitu Reykjavíkur og Geysis Green
Energy. Nokkrum mánuðum eft-
ir stofnun Orku Energy keypti fé-
lagið Enex-Kína. Kaupverðið var
ekki gefið upp en fram kom í um-
fjöllun Kjarnans í apríl sl. að verðið
hafi verið 1,6 milljarðar miðað við
það verð sem Orkuveitan fékk fyr-
ir tæplega fimmtungshlut sinn. Var
hluturinn ekki seldur í opnu sölu-
ferli. Samkvæmt síðasta birta árs-
reikningi AGE China hagnaðist fé-
lagið um 476 milljónir króna árið
2013 og námu eignir þess 4,3 millj-
örðum.
AGE China á 49% hlut í kín-
versku félagi sem heitir Sinopec
Green Energy Geothermal
Development (SGE) og vinnur að
þróun og rekstri jarðvarmaorku-
verka í Kína. Kínverska orkufyrir-
tækið Sinopec, stærsta fyrirtæki
landsins og eitt hið stærsta í heim-
inum, heldur hins vegar á 51% hlut
í félaginu. Tekjur Sinopec voru yfir
450 milljarðar Bandaríkjadala á
síðasta ári.
Tengsl við ráðherra
Í umfjöllun DV í júní síðastliðn-
um kom fram að fjölmiðlaumfjöll-
un um tengsl fyrirtækisins við Ill-
uga Gunnarsson, mennta- og
menningarmálaráðherra, hafi ekki
verið ástæða þess að ráðist var í
fyrrnefndar nafnabreytingar.
Samskipti Illuga og Orku Energy
komust í hámæli í apríl síðastliðn-
um eftir að fjölmiðlar greindu frá
þátttöku nokkurra fulltrúa fyrir-
tækisins í opin-
berri heimsókn
menntamála-
ráðherrans
til Kína. Illugi
sagðist í kjöl-
farið engra fjár-
hagslegra hags-
muna eiga að
gæta í tengsl-
um við starfsemi
orkufyrirtækis-
ins en benti á að
hann hefði starfað fyrir það eftir að
hann vék af þingi í apríl 2010. Í við-
tali við fréttastofu RÚV í lok apríl
greindi Illugi frá því að hann hefði
selt Hauki íbúð sína við Ránar-
götu vegna fjárhagserfiðleika. Síð-
ar var sagt frá því að Illugi hefði
selt íbúðina, sem hann leigir nú af
Hauki, eftir að hann var skipaður
menntamálaráðherra. Illugi hef-
ur ávallt fullyrt að hann hafi hætt
störfum fyrir Orku Energy eftir að
hann settist aftur á þing í lok árs
2011 og ítrekað hafnað því að um
óeðlileg hagsmunatengsl hans við
fyrirtækið sé að ræða.
Sýknaður af ákæru
Guðmundur Ólason, ásamt bræðr-
unum Karli og Steingrími Wern-
erssyni, fyrrverandi aðaleigendum
Milestone, var undir lok síðasta árs
sýknaður í Héraðsdómi Reykjavíkur
af öllum ákæruliðum sérstaks sak-
sóknara vegna meintra umboðs-
svika. Höfðu þeir verið ákærðir fyrir
að hafa tekið sameiginlega ákvörðun
um að greiða Ingunni Werners-
dóttur, systur Karls og Steingríms,
um 4,8 milljarða króna út úr Mile-
stone á árunum 2006 og 2007 til
að losa hana undan eign sinni í fé-
laginu. Í janúar á þessu ári var greint
frá því að ríkissaksóknari hefði áfrýj-
að dómnum til Hæstaréttar. n
Hörður Ægisson
hordur@dv.is
Jón Óttar
Birgisson
Guðjón Kjartansson
Nýr forstjóri
Guðmundur
Ólason hefur
hætt í fyrirtækja-
ráðgjöf MP banka
og tekið við Arctic
Green Energy.
Guðmundur Ólason og tveir aðrir úr fyrirtækjaráðgjöf MP banka til orkufélagsins
Fyrrverandi
forstjóri
Milestone stýrir
Arctic Green Energy