Dagblaðið Vísir - DV - 21.08.2015, Side 46

Helgarblað 21.–24. ágúst 201546 Menning
Viskan í gelgjunni
Tuttugu unglingsstelpur eru í aðalhlutverkum í dansverkinu GRRRLS eftir Ásrúnu Magnúsdóttur
Þ
etta er svo flottur aldur.
Það er einhver rómantísk,
nostalgísk þrá eftir þessum
unglingsárum hjá mér,“
segir Ásrún Magnúsdóttir
danshöfundur, sem vinnur verkið
GRRRLS um og með unglings-
stelpum fyrir danshátíðina Reykja-
vík Dance Festival sem hefst í dag,
þriðjudaginn 24. ágúst.
Hátíðin er skipulögð í samstarfi
við alþjóðlegu leiklistarhátíðina
Lókal og er sameiginlegt þema há-
tíðanna í ár upp á enska tungu: „Ev-
ery body‘s spectacular“ eða „Allir
eru flottir“. Verk Ásrúnar er eitt af
þeim verkum sem er skapað sér-
staklega fyrir hátíðirnar í ár.
Allir geta dansað
Ásrún útskrifaðist af danslistabraut
Listaháskólans árið 2011 og hefur
undanfarin ár getið sér gott orð fyr-
ir lífleg og framsækin þátttökuverk
og dansverk þar sem hún vinnur
með ólærðum dönsurum.
Árið 2013 vann hún þjóðdans í
samtali við bæjarbúa í Reykjavík og
hefur í kjölfarið unnið svipuð verk-
efni á Akureyri, Varsjá og í Færeyj-
um. Í ár vann hún verkið Stjörnu-
stríð 2, sem var opnunaratriði
Barnamenningarhátíðar í Reykja-
vík, með hópi barna sem öll eru
bundin í hjólastól. „Þau voru geggj-
aðir dansarar!“ segir hún. Þá má
taka fram að fyrr á árinu hlaut hún
Menningarverðlaun DV fyrir þátt-
tökuverkið Church of Dancy sem
hún vann með nágrönnum sínum
á Njálsgötu í Reykjavík.
„Útgangspunkturinn í þessum
verkum hefur verið að allir geti
dansað. Það geta nefnilega allir
dansað! Ég held að þetta hafi fyrst
byrjað sem uppsteytur hjá mér
gegn þeirri brjáluðu þjálfun sem
dansarar þurfa að fara í gegnum.
Hún er svo mikil og erfið og hefur
ekki endilega góð áhrif. Mig langaði
að prófa að vinna ekki með þannig
fólki – því ég hafði alltaf unnið með
þannig fólki og er sjálf þannig fólk.
Mig langaði að sýna að þú þarft
ekki þessa brjáluðu þjálfun til að
dansa, en það byggir náttúrlega að
hluta til á því að verkin sem ég geri
krefjast ekki mikillar tæknilegrar
færni,“ segir Ásrún.
Unglingsstelprrr
Í nýjasta verki sínu, GRRRLS sem
verður frumflutt í Gamla bíói 29.
ágúst næstkomandi, rannsakar Ás-
rún unglingsárin og hvað það þýðir
að vera unglingsstelpa. „Í vetur hef
ég verið að kenna þrettán til fimmt-
án ára stelpum í Listdansskóla Ís-
lands, þar sem ég lærði sjálf þegar
ég var yngri. Ég hef orðið fyrir svo
miklum innblæstri frá stelpunum.
Mér hefur þótt svo gaman að kenna
og finnst þær svo flottar að ég bara
varð að gera eitthvað,“ segir Ásrún.
„Það er ekki svo langt síðan ég
var unglingsstelpa sjálf svo ég man
ennþá frekar vel eftir því. En það
er eitthvað svo magnað hvað þessi
unglingsár eru fljót að líða. Maður
sér að þau eru strax að klárast þegar
þau eru rétt byrjuð. Mig langaði að
ná einhvers konar mynd af þessu,“
segir hún.
Finnst þér unglingsstelpurnar
sem þú ert að vinna með vera ólíkar
þér þegar þú varst unglingsstelpa?
„Nei, nefnilega ekki. Þegar ég var
unglingur var ekki komið Snapchat
og Instagram og allt það, svo ég hélt
að þær yrðu allt öðruvísi, en þetta er
algjörlega það sama. Unglingsstelp-
ur í dag eru alveg eins og unglings-
stelpur voru þegar ég var unglingur
í kringum árið 2000.“
Um tuttugu unglingsstelpur flytja
dansverkið og tóku þátt í að setja það
saman. „Ég mætti ekki með neinar
fastmótaðar hugmyndir. Til að byrja
með vorum við bara að leika okk-
ur og kynnast í dansspuna og leik-
spuna. Þær hafa svo unnið saman
í minni hópum og búið til efni. Svo
fór ég að taka saman það sem hef-
ur virkað og dýpkað suma hluti sem
þær hafa komið með. Þarna eru
bæði textar frá mér og þeim, þannig
að þær eru algjörlega meðhöfundar
verksins,“ segir Ásrún.
Samstaða og áhugaverðir
líkamar
Ásrún segir að sterk bylgja femín-
isma hjá ungum konum í íslensku
samfélagi
hafi einnig
haft áhrif á
það hvern-
ig hún
nálgað-
ist verkið.
„Það hefur
verið mik-
ið feminískt
brjálæði
og mikil
femínistat-
íska í gangi.
Það er frá-
bært og rosalega kúl, en mig lang-
aði að athuga hvernig yngri stelpur
– sem eru ekki komnar úr að ofan á
Twitter eða komnar í Reykjavíkur-
dætur – upplifa þetta,“ segir Ásrún.
Finnst þeir eins og unglings-
stelpurnar séu mikið að pæla í
þessum málum? „Þær eru ekk-
ert rosalega meðvitaðar. En það
er kannski ágætt. Þær eru náttúr-
lega mjög ungar, næstum því börn
ennþá, og finna greinilega ekki fyr-
ir miklu ójafnrétti í sínu daglega
lífi,“ segir hún. „En ég fann svo-
lítið fljótt að þema verksins væri
samstaða og samkennd. Það byrj-
ar mjög snemma hjá stelpum. Þær
eru flokkur sem stendur saman
og á sviðinu eru þær ofboðslega
sterkar og flottar. Þær standa bæði
fyrir sinn litla flokk og flokk allra
unglingsstelpna í heiminum.“
Þetta tímabil, eða ástand, sem
unglingsárin eru einkennast meðal
annars af því að líkaminn er að breyt-
ast hratt og
maður er
að prófa sig
áfram í lík-
amstján-
ingu svo
maður get-
ur ímynd-
að sér að
það sé
skemmti-
legt að
skoða
þetta í
gegnum
dansformið – sem er svo líkamlegt.
„Já. Á þessum árum er fólk með
mjög áhugaverða líkama, hlutföll-
in eru skringileg og stjórn á lík-
amanum er oft svolítið öðruvísi
en hjá fullorðnum. Það er með
mjög áhugaverða líkamsbeitingu.
Stelpurnar eru mjög mismunandi,
þótt þær séu 13 ára getur munað
metra á þeim í hæð, og alls kon-
ar svoleiðis. Sumar eru algjör-
ir spagettí líkamar, aðrar ekki. En
samt er eitthvað sem þær eiga allar
sameiginlegt,“ segir Ásrún. n
„Unglings-
stelpur í dag
eru alveg eins og
unglingsstelpur
voru þegar ég var
unglingur í kring-
um árið 2000
Kristján Guðjónsson
kristjan@dv.is
Samstaða Unglingsstelpurnar eru ólíkar en standa þétt saman.
Unglingsstelpur Ásrún rannsakar unglingsárin í dansverkinu GRRRLS sem verður frumsýnt á Reykjavík Dance Festival. Myndir ÞorMAr ViGnir
GUnnArSSon
og
Smáratorgi · Korputorgi
HUNDAFÓÐUR
FÆST HJÁ OKKUR