Skagfirðingabók - 01.01.2004, Page 42

SKAGFIRÐINGABÓK
Að koma upp góðu safni náttúrugripa í skólanum
með það í huga að nýta í kennslu.
Að stuðla að því að náttúruverðmætum í Skagafirði sé
gaumur gefinn og náttúrugripum safnað á einn stað til
góðrar varðveislu.
Að stuðla að rannsóknum á náttúrufyrirbrigðum í
Skagafirði.
Að koma því svo fyrir að almenningi gefist kostur á
að skoða merkilega náttúrugripi.
Fundurinn samþykkir að leita eftir því við sýslunefnd
Skagafjarðar að hún gerist eignaraðili að safninu og taki
þátt í rekstri þess. Safnið skal vera fjárhagslega sjálf-
stætt. Því skal samin fjárhagsáætlun árlega, er leggja
skal fyrir oddvitafund til samþykktar. Reikningshaldari
skólans skal annast fjárreiður og bókhald. Fundurinn
samþykkir að veita krónur 500.000 — fimmhundruð
þúsund — á árinu 1980 til að standa straum af kostnaði
sem af því leiðir að koma máli þessu áleiðis, annars skal
leita eftir fjárhagslegum stuðningi sem víðast að. Safn-
inu skal samin sérstök reglugerð og skal hún hljóta sam-
þykki á oddvitafundi til að öðlast gildi. Þangað til er
skólastjóra Varmahlíðarskóla falið að annast framgang
þessa máls og m.a. semja drög að reglugerð fyrir safnið.
Bent skal á að leita til Náttúrugripasafnsins á Akureyri
með ráðgjöf í sambandi við alla tilhögun.
Með samþykkt tillögu þessarar er Náttúrugripasafnið í Varma-
hlíð stofnað. Tillagan var samþykkt samhljóða af eftirtöldum:
Halldóri Benediktssyni, oddvita Seyluhrepps.
Jóhanni L. Jóhannessyni, oddvita Akrahrepps.
Ulfari Sveinssyni, oddvita Skarðshrepps.
Haraldi Hermannssyni, varaoddvita Haganeshrepps.
Ríkharði Jónssyni, oddvita Holtshrepps.
Sigfúsi Helgasyni varaoddvita Staðarhrepps.
40