Skagfirðingabók - 01.01.2004, Qupperneq 47

HJÖRLEIFUR Á GILSBAKKA
urkjöri. Gekk þá ekki lengur heill til skógar. Hann var alllengi
varamaður í hreppsnefnd Akrahrepps og voru honum iðulega
falin störf fyrir hreppinn til jafns við kjörna aðalmenn í
hreppsnefndinni, svo sem seta á fjórðungsþingi, og fleiri slíka
fundi mætti hann á fyrir hönd sveitarstjórnar. Mesta för af
þessum toga sem hann tók að sér var á norrænt þing um sveit-
arstjórnarmál sem haldið var í Sigtuna í Svíþjóð 1973. Á þetta
þing fór heilmikil sveit héðan af Fróni undir forustu Unnars
Stefánssonar. Hjörleifur sómdi sér vel í hópi þessara forystu-
manna og hélt sínum málefnalega hlut í hvívetna bæði fyrir
þingfélögum íslenskum og fulltrúum frændþjóðanna. í lok
ráðstefnunnar útbýtti hann gjöfum frá sínu sveitarfélagi til for-
manna sendinefnda þjóðanna. Voru það fyrstadagsumslög með
fallegum íslenskum frímerkjum stimpluð með póststimpli á
Silfrastöðum, sem kann að vera með fágætari stimplum verald-
ar. Hjörleifur var eini maðurinn sem útbýtti gjöfum í lok
þingsins, en Jóhann oddviti á Silfrastöðum útbjó hann með
þessum hætti. Var í alla staði mikill sómi að framgöngu Hjör-
leifs á þessu þingi. Það segir og nokkra sögu að hann var val-
inn úr hópi þeirra merku fulltrúa sem héðan fóru á þessa sam-
komu til þess að segja frá ferðinni í Sveitarstjórnarmálum, tíma-
riti Sambands íslenskra sveitarfélaga. Smáglefsur úr þeirri
ferðasögu fara hér á eftir.
Að kvöldverði loknum datt einhverjum í hug að fara og
skoða sig um í bænum og það varð úr að allur hópurinn
„spásseraði" af stað í góða veðrinu. Mér er þessi kvöld-
ganga nokkuð minnisstæð. Það var eins og allir væru
orðnir vinir, löngu áður en þeir vissu nokkur veruleg
skil hver á öðrum önnur en þau að allir væru Islending-
ar. Ekki fórum við vítt yfir þetta kvöld. Einhverjum
varð loks reikað inn á veitingahús. Þegar þeir fyrstu
voru að huga að lausum borðum þá tóku stúlkur, sem
gengu um beina, sig til og færðu tvö saman svo að allir
45