Skagfirðingabók - 01.01.2004, Qupperneq 52

SKAGFIRÐINGABÓK
„Dæmi um framlag Hjörleifs Kristinssonar til fræðslumála í
Akrahreppi. Skólaárið 1964 til 1965 var efnt til eins konar
ferða- eða farskóla nemenda sem lokið höfðu barnaprófi í Akra-
hreppi. Hjörleifur Kristinsson hafði veg og vanda af þessari til-
raun og var í senn umsjónarkennari, tilsjónarmaður og bíl-
stjóri. Skólahaldið fór fram á Silfrastöðum, Egilsá og í Stóru-
Akraskóla. Á Silfrastöðum kenndi Jóhann Lárus Jóhannesson
dönsku, menntaður í eðlisfræði hjá Dönum. Á Egilsá yfirfór og
fræddi Guðmundur L Friðfinnsson rithöfundur nemendur um
ritgerðarsmíð og skylda þætti framsagnar. I Stóru-Akraskóla
og á ferðalögum sá Hjörleifur um kennslu í öðrum námsgrein-
um. Þetta var í samræmi við almenna námskrá unglingaskóla á
þeim tíma.
Fór þetta hið besta fram og varð góð lífsreynsla fyrir fimm
nemendur, sem nutu góðvilja þeirra sem að verkefninu komu.
Staðfesta Hjörleifs var sérstaklega eftirminnileg. Hann lagði
metnað sinn í þetta og var hagur nemenda ávallt hafður í fyrir-
rúmi. I huga Hjörleifs var hver einstaklingur, jafnvel þótt ung-
ur væri að árum, persóna að sínu leyti með sjálfstæðar skoðan-
ir. Sérgrein Hjörleifs við kennsluna voru náttúruvísindi, séð frá
ýmsum sjónarhornum. Jafnt átti þetta við um jarðfræði sem og
líffræði plantna og dýra.
Ásamt formlegri kennslu á ferðum okkar var og margt skraf-
að um efni utan kennsluskrár sem gagnlegt var í undirbúningi
fyrir lífið sem í vændum var. Af hagnýtum fróðleik sem nem-
endur Hjörleifs fengu góða innsýn í var rekstur og umsjá
Willys-jeppans sem var farartæki okkar þennan vetur. Bíllinn
gat verið brokkgengur enda þótt jafnan kæmumst við á leiðar-
enda. Þennan vetur var og önnur málefnaleg umræða leidd til
lykta. Jákvæð svör fundust jafnan sem þóttu betri en hin nei-
kvæðu að mati fræðara vors. Við sem nutum þessara krása held
ég að stæðum langt í frá betur að vígi ef ástundaður hefði verið
hefðbundinn skóli. Hafi Hjörleifur þakkir fyrir framlag sitt,
þótt seint sé frá sagt.“
50