Skagfirðingabók - 01.01.2004, Side 55

HJÖRLEIFUR Á GILSBAKKA
Leiðsögumaðurinn
Hjörleifur var eftirsóttur leiðsögumaður er ferðamannahópar
skoðuðu Austurdalinn. Bæði var að hann gjörþekkti náttúrufar
og sögu dalsins og svo kunni hann að segja sögu og ná athygli
áheyrandans. Einhverju sinni komu kvenfélagskonur lengra að
komnar til þess að skoða Austur- og Vesturdal. Til leiðsagnar
fengu þær tvo fróða og greinargóða menn, Hjörleif og Björn
Egilsson frá Sveinsstöðum. Á fallegum stað við stóran stein eða
klett var áð, drukkið kaffi með tilheyrandi kræsingum sem
konurnar höfðu með sér. Við þetta tækifæri orti Hjörleifur:
Eitt sinn kvenna fríðir flokkar
fóru að skoða Dalinn minn.
Huldar vættir vinir okkar
veittu oss skjól við klettinn sinn.
En angraði verur álfakyns
illgresi meðal hveitisins.
Illgresið vísaði til Björns á Sveinsstöðum, en um þær mundir
stóð Blöndudeilan sem hæst, en þar voru leiðsögumennirnir
mjög ósammála. Hjörleifur eindreginn landverndarmaður en
Björn harður Blöndungur eins og þeir voru nefndir sem fylgdu
fram virkjunarmálinu. Löngu seinna en þessi vísa var kveðin
komu fréttir um útbreidda búsetu af „verum álfakyns í Aust-
urdalnum."
Fjölmiðlar sóttust eftir að taka Hjörleif tali. Meðal annars
kom Ómar Ragnarsson að Gilsbakka, átti viðræður við bónd-
ann og tók um leið myndir og lét taka upp á myndband, sem
síðan var sýnt í sjónvarpinu sem einn af svokölluðum „Stiklu-
þáttum". Sumarið eftir að þáttur þessi var sýndur ferðaðist
bókasölumaður, sem jafnframt var útgefandi, um Norðurárdal,
Kjálka og Austurdal. Maður þessi hét Helgi Vigfússon. Er
hann kom hér að Flatatungu og hafði lokið verslunarerindum
53
L