Skagfirðingabók - 01.01.2004, Síða 203

AF MARKÚSI ÞORLEIFSSYNI HEYRNLEYSINGJA
FRÁ ARNARSTÖÐUM í SLÉTTUHLÍÐ
Eftir MAGNÚS HELGASON sagnfraðing
Á bænum Arnarstöðum í Sléttuhlíð fæddist hjónunum Þorleifi
Björnssyni og Helgu Jónsdóttur sonur þann 27. júlí árið 1851.
Hann var skírður Markús. I þessari grein verður saga hans
rakin eins og heimildir gefa tilefni til. Markús fæddist dauf-
dumbur, það er heyrnarlaus, en afdrif hans eru þó langt í frá
dæmigerð fyrir þau börn sem ekki gátu tjáð sig á sama hátt og
hin sem heyrandi voru á þessum tíma, eins og síðar mun koma
fram.
Þorleifur Björnsson, faðir Markúsar, fæddist árið 1810 í
Tungu í Stíflu. I Skagfirzkum æviskrárn segir um hann: „Var
námfús og bókhneigður. Þrekmikill til vinnu og vann á búi
föður síns, þar til hann kvæntist ... Þótti hinn nýtasti bóndi og
komst vel af fjárhagslega."1 Kona hans var Helga Jónsdóttir,
sem fædd var árið 1815 á Helgustöðum í Fljótum. Þau gengu í
hjónaband 27. september 1839 í Fellskirkju í Sléttuhlíð, og
reistu bú ári síðar. Þau eignuðust níu börn. Þrjú barna þeirra
létust á unga aldri, en sex komust á fullorðinsár.
Þorleifur og Helga bjuggu í tvíbýli á Arnarstöðum í Sléttu-
hlíð með foreldrum Þorleifs á árunum 1840—53, fluttust þá að
Klóni í Hrolleifsdal og bjuggu þar 1853—60. Þorleifur dó þar
12. maí 1860, aðeins fimmtugur að aldri. Með barnmargt heim-
1 Skagfirzkar æviskrdr 1850-1890 I, bls. 281.
201