Morgunblaðið - 19.12.2016, Side 4

4 FRÉTTIRInnlent
MORGUNBLAÐIÐ MÁNUDAGUR 19. DESEMBER 2016
til íhugunar
fyrir hvern dag ársins
366 íhuganir, ýmist saltar
eða sætar, sem skilja eftir
mismunandi eftirkeim
hjá lesandanum.
Hér er íhugað um viðfangsefni
daglegs lífs eins og kvíða, reiði,
samskipti, tilgang, gleði, þakklæti,
trú og efa, kærleika og ást.
SKÁLHOLTSÚTGÁFAN kirkjuhusid.is
„Það er skrýtin tilfinning að standa
erilsama helgarvakt á Landspítala og
ganga stofugang með sjúklinga inni á
kaffistofum, göngum og aðstandenda-
herbergjum. Vegna plássleysis verð-
ur að koma rúmum og öðrum tækjum
fyrir frammi á gangi þar sem
geymslur verður að nýta undir ann-
að.“
Þetta sagði Tómas Guðbjartsson,
hjartaskurðlæknir, í pistli á Face-
book-síðu sinni í gær. Hann gagnrýn-
ir stjórnvöld harðlega og spyr hvort
stjórnmálafólk úr öllum flokkum hafi
gleymt kosningaloforðum.
Rólegt en spítalinn að springa
„Ég er búinn að vera heima að
vinna í rúm 12 ár síðan ég kom úr sér-
námi. Ég hef oft upplifað smá krísur,
að það vanti legupláss og það kreppi
að, en ég man ekki eftir þessu svona.
Það er ekkert sérstakt í gangi núna;
engir inflúensufaraldrar eða nóróvír-
us og það hafa
ekki verið nein
stórslys,“ sagði
Tómas í samtali
við mbl.is í gær og
benti á að ástand-
ið ætti að vera ró-
legt á spítalanum
en samt væri fólk í
sjúkrarúmum á
göngum spítalans.
Á öllum deildum,
nema krabbameinsdeildinni, séu
sjúklingar á göngum eða kaffistofum.
„Við erum að sigla inn í jólin og það er
lítið af aðgerðum og samt er spítalinn
alveg að springa,“ sagði hann.
Þá truflar það Tómas mikið að sú
þjónusta sem hægt sé að bjóða upp á
sé einfaldlega ekki nógu góð fyrir
sjúklingana, sem oft sé eldra fólk er
hafi borgað sitt til samfélagsins og
eigi gott skilið.
„Að þurfa að liggja á gangi og tjá
sig um mjög erfið málefni; það er ekki
sjálfgefið að gera það á bak við eitt-
hvert færanlegt skilrúm og hafa ekki
snyrtiaðstöðu eða rafmagnsbjöllu.
Svo er þetta líka gríðarlegt álag fyrir
starfsfólk að þurfa að vinna við svona
ástand,“ sagði Tómas og bætti við að
aukinn straumur ferðamanna þýddi
að fleiri erlendir ferðamenn þyrftu að
leita á spítalann á næstunni.
Hver eru skilaboðin?
Samkvæmt fjárlagafrumvarpi
næsta árs vanti tæpa sex milljarða
upp á. Spítalinn fái 54 milljarða en
vanti 60. „Mér finnst þetta eins og
blaut tuska framan í okkur, starfs-
fólkið hér á Landspítala. Ekki síst
þegar stjórnvöld eru sífellt að minna á
að hér er góðæri og einhver mesta
hagsveifla sem hefur þekkst á Íslandi.
Þá spyr maður sig hver eru skila-
boðin? Hver er skýringin á því að
þetta er svona?“ johann@mbl.is
Eins og blaut tuska
framan í starfsfólkið
 Hjartaskurðlæknir gagnrýnir stjórnvöld harðlega í pistli
Tómas
Guðbjartsson
Sigurður Bogi Sævarsson
sbs@mbl.is
„Lausaganga búfjár á og við þjóð-
vegina á ekki að eiga sér stað, enda
stórhættuleg sérstaklega á fjölförn-
um leiðum eins og hér á Kjalarnes-
inu. Þarna verður að grípa til úrbóta
og aðgerða og ég veit að verið er að
vinna í málinu,“ segir Guðbrandur
Sigurðsson, aðalvarðstjóri í um-
ferðardeild Lögreglunnar á höfuð-
borgarsvæðinu.
Í Morgunblaðinu um helgina var
rætt við Auroru Friðriksdóttur, íbúa
á Kjalarnesi, sem kom að slysi á
dögunum þegar stóð hrossa hljóp
skyndilega í veg fyrir bíl á móts við
Móa á Kjalarnesi,
með þeim afleið-
ingum að tveir
bílar skemmdust
og aflífa þurfti
eitt hross. Aurora
lenti sjálf í svip-
uðu tilviki fyrir
tveimur árum og
fyrir vikið kveðst
hún vera mjög
vör um sig þegar
hún ekur þarna um. Kunnugir benda
á að verulega auki á hættuna að á
Kjalarnesinu sé ökuhraði oft tals-
verður, sem aftur leiði af sér harðari
árekstur við hrossin þegar og ef slíkt
gerist.
„Ég hef sjálfur lent í því að vera á
akstri þarna á Vesturlandsveginum
og sjá skyndilega hross á veginum
beint fyrir framan mig í myrkrinu –
svo þau strukust við bílinn. Auðvitað
geta alltaf orðið óhöpp og hross
sloppið út úr girðingum eða slíkt. En
þessum vanda verður að taka á.
Þetta er sérstaklega alvarlegt núna í
allra svartasta skammdeginu,“ segir
Guðbrandur, sem sjálfur býr á
Kjalarnesi og þekkir málavexti því
frá fleiri en einni hlið.
Fram hefur komið að Matvæla-
stofnun, tryggingafélaginu, land-
vörðum Reykjavíkurborgar og land-
eigendum sé kunnugt um málið og
er beðið aðgerða úr þessum áttum.
Sérstaklega alvarlegt
í svartasta skammdeginu
 Þörf á aðgerðum vegna lausagöngustóðs á Kjalarnesi
Guðbrandur
Sigurðsson
Hrafninn flaug um aftaninn og það í blóðrauðu sólar-
lagi. Hann var væntanlega að koma úr ætisleit meðan
birtu naut, en þessa dagana er rétt skíma í fáeinar
klukkustundir um miðjan daginn. Á miðvikudag, 21.
desember, eru vetrarsólstöður. Upp úr því fer dagur-
inn að lengjast að nýju.
Morgunblaðið/Eggert
Vetrarsólstöður á miðvikudag
Hrafninn blakar vængjum í blóðrauðu sólarlagi
Viðar Guðjónsson
vidar@mbl.is
Hjálmar Sveinsson, formaður um-
hverfis- og skipulagsráðs, segir að
ástæða þess að Reykjavíkurborg
hafi ekki þrýst á um að fá fjármuni
frá alþingi vegna
framkvæmda á
umferðarmann-
virkjum í borginni
sé sú að árið 2012
hafi verið samið
við Vegagerðina
og hið opinbera
um að fá allt að
einum milljarði á
ári til tíu ára til
þess að byggja
upp almenningssamgöngur. Í stað-
inn myndi Reykjavík ekki ráðast í
stórar framkvæmdir á borð við mis-
læg gatnamót á tímabilinu.
Aukinheldur segir Hjálmar sér-
fræðinga segja það engu breyta þótt
byggð verði mislæg gatnamót því
framtíðarspár um umferðarþunga
sýni að gatnakerfið muni springa ef
umferð vegna einkabílsins eykst á
sama hraða og hún hefur gert liðna
áratugi.
„Samkomulagið fólst í því að
Vegagerðin væri ekki skyldug til að
fara í gríðarlega dýrar framkvæmdir
á borð við mislæg gatnamót og
Sundabraut. Þess í stað að fjármagn-
ið yrði sett í vistvænar almennings-
samgöngur. Bílaumferð er ekki eini
samgöngumátinn, heldur ein tegund
samgöngumáta,“ segir Hjálmar.
Guðlaugur Þór Þórðarson, 1. þing-
maður Reykjavíkurkjördæmis norð-
ur, sem á sæti í fjárlaganefnd Al-
þings, sagði í samtali við Morgun-
blaðið á laugardag að flest eða öll
sveitarfélög landsins þrýstu á um
fjármuni til samgöngumannvirkja.
Reykjavíkurborg hefði hins vegar
tekið öll umferðarmannvirki af
skipulagi og því væri tilgangslaust
að setja fjármuni í verkefni sem ekki
væri hægt að framkvæma.
Allt verður stopp
Hjálmar segir að umferðarsér-
fræðingar hafi dregið upp þá sviðs-
mynd að eina leiðin til þess að koma í
veg fyrir allsherjar umferðarteppu á
höfuðborgarsvæðinu í framtíðinni
væri að fleiri veldu sér annan sam-
göngumáta en einkabílinn.
„Íbúum á höfuðborgarsvæðinu
mun fjölga um 70 þúsund til ársins
2040. Ef umferð eykst eins mikið til
ársins 2040 og hún gerði árin 1987-
2012 þá verður hér allt stopp. Jafn-
vel þótt settir yrðu margir tugir
milljarða í að byggja mislæg gatna-
mót,“ segir Hjálmar.
Hann segir að eina leiðin til þess
að koma í veg fyrir að þessi sviðs-
mynd rætist sé sú að ferðamátar
breytist. „Það þýðir ekki að allir eigi
að hjóla, ganga eða fara í strætó,
heldur að hærra hlutfall fólks geri
það en nú,“ segir Hjálmar.
Mislæg gatnamót
duga ekki vegna
umferðarþunga
Morgunblaðið/Ómar
Öngþveiti Umferð mun aukast mik-
ið í Reykjavík á næstu áratugum.
Hjálmar Sveinsson
 Áhersla því á almenningssamgöngur
Halldór Halldórsson, oddviti sjálfstæðismanna í Reykjavík,
segir að samningurinn sem gerður var til tíu ára sé ágætur
sem slíkur. Hann þýði þó ekki að ekkert þurfi að gera á
tímabilinu. „Ég tala nú ekki um þegar kemur að öryggi í
borginni. Við höfum lagt fram tillögur eins og að setja
Miklubrautina í stokk við Hringbraut. Þar muni það bygg-
ingarland sem verður til að mestu borga framkvæmdina.
Það bíður í nefnd. Við höfum lagt til að setja Geirsgötu í
stokk. Meirihlutinn felldi það,“ segir Halldór.
Þá segir hann sjálfstæðismenn hafa lagt til byggingu
göngubrúa víða um borgina. „Meirihlutinn hefur bara ekki áhuga á þessu.
Þess í stað er fjármagni varið í að þrengja götur. Það hægir á umferð og
veldur meiri mengun á þeim stöðum,“ segir Halldór.
Öryggismálin sitja á hakanum
SAMNINGURINN ÞÝÐIR EKKI AÐ EKKERT ÞURFI AÐ GERA
Halldór
Halldórsson