Fréttatíminn - 06.08.2016, Blaðsíða 8

8 | FRÉTTATÍMINN | Laugardagur 6. ágúst 2016
Meðal mánaðarlaun í þess­um verksmiðjum eru rúmlega 600 þúsund kr.
Þetta sagði Árni Sigfússon, fyrr­
verandi bæjarstjóri í Reykjanes­
bæ, árið 2014 um framkvæmdir
við tvö kísilver í Helguvík. Það var
tilhlökkunarefni fyrir bæjarbúa á
því landsvæði á Íslandi sem hafði
farið einna verst út úr hruninu, að
þar væru að verða til vel borguð
störf fyrir verkamenn. Hluti bæjar­
búa hafði þurft að framfleyta sér á
bótum, eftir að stórveldisdraumar
meirihlutans í bænum hrundu eins
og spilaborg, bæjarkassinn var tóm­
ur og bankinn gjaldþrota.
Kísilver United Silicon á að vera
tekið til starfa, samkvæmt áætlun,
en það var fyrst kynnt til sögunnar
árið 2011. Það hefur hinsvegar taf­
ist. Íslenskir aðalverktakar hættu
framkvæmdum á dögunum og saka
félagið um að vera í vanskilum með
launagreiðslur fyrir einn milljarð
króna. Það mál fer væntanlega fyrir
dóm. Bærinn er að reyna að rukka
inn 100 milljónir fyrir lóðaleigu
með atbeina lögfræðinga.
Þá kom í ljós fyrir nokkrum dög­
um að fyrirtækið ætlar ekki að gera
sérkjarasamning við verkamenn­
ina og vera þar með eina stóriðju­
fyrirtækið á landinu sem ekki gerir
það. Verksmiðjan verður keyrð á al­
mennum kjarasamningum en tals­
menn verkalýðsfélagsins spá því að
það verði til þess að flytja þurfi inn
ódýrt vinnuafl fyrir verksmiðjuna.
Þar með bítur vitleysan í skottið
á sér.
Hitt kísilverið sem Árni Sigfússon
greindi frá, er ennþá hola í jörðu
og ólíklegt að það verði gangsett á
næstunni. Þar eru nokkrir í vinnu,
meðal annars fólk á vegum erlendr­
ar starfsmannaleigu. Það fékk sinn
sjöunda frest á dögunum þegar það
átti að greiða gatnagerðargjöld til
bæjarins, samtals 140 milljónir.
Kísilver United Silicon og Thorsil
í Helguvík fá ýmsar ívilnanir vegna
uppbyggingarinnar í Helguvík
svo sem helmings afslátt af fast­
eignaskatti og 30 prósenta afslátt af
gatnagerðargjöldum. Þá skuldbinda
stjórnvöld sig til að leggja ekki á ný
gjöld eða skatta, sem varða raf­
magns kaup eða raf orku notk un fé­
lags ins, nema slíkt sé lagt á önn ur
fé lög á Íslandi. Þá hafa bæjaryfir­
völd lagt í mikinn kostnað í Helgu­
vík, meðal annars vegna fram­
kvæmda við höfnina til að greiða
fyrir stóriðjunni.
Þetta er gert í nafni atvinnuupp­
byggingar.
Nú hefur hinsvegar komið í ljós
að fyrirtækið greiðir verkamönnum
rúmlega 1400 krónur á tímann, auk
uppbótar til að slefa upp fyrir lægstu
leyfilegu laun í landinu. Þannig fór
um hálaunastörfin í kísilverinu og
verkalýðsfélagið óttast að fyrirtæk­
ið ætli að flytja inn ódýrt vinnuafl í
gegnum starfsmannaleigur og koma
því fyrir í leiguhjöllum í bænum.
Árið 2007 var mikið um dýrðir í
Helguvík þegar Árni Sigfússon tók
fyrstu skóflustunguna að risaál­
veri í Helguvík en þar var sannköll­
uð karnivalstemning sanntrúaðra
stóriðjusinna. Að vísu átti eftir að
tryggja rafmagn fyrir álverið og
þegar næg orka reyndist ekki í iðr­
um Reykjaness, svo hægt væri að
stinga því í sambandi, greip um sig
mikil múgæsing, þar sem leitað var
logandi ljósi að sökudólgi.
Sóknarpresturinn í Útskálakirkju
bað þess í Jesú nafni að stjórnvöld
myndu greiða götu álvers í Helgu­
vík og haldnar voru fjöldasamkom­
ur þar sem umhverfisráðherra var
hrópaður niður.
Það var eitt af stefnumálum nú­
verandi stjórnvalda að álverið yrði
loksins að veruleika og draumur­
inn frá 2007 er því enn í fullu gildi.
Núna er ekki auðvelt að kenna
vinstri grænum umhverfisráðherra
um þótt hægt gangi en miðað við
þetta á fyrirstaðan miklar þakkir
skilið.
Í Helguvík er nú þegar risastór
kirkjugarður dáinna kosningalof­
orða og núna, þegar sporin hræða,
væri ráð að moka yfir álverið líka.
Suðurnesin þurftu að glíma við
áfall á vinnumarkaði þegar herstöð­
in fór og annað eins þegar efnahags­
hrunið varð. Þeir náðu þó í tvígang
að rísa úr öskustónnni og koma at­
vinnulífinu í nær eðlilegt horf, samt
reis ekkert í Helguvík nema skýja­
borgir.
Núna rísa þar mengandi verk­
smiðjur en þær virðast öðru frem­
ur ætla að verða baggi á því sem
fyrir er. Þegar það á að flytja inn
vinnuafl til að hægt sé að gangsetja
fyrstu stórverksmiðjuna er óhætt
að segja að þarna sé að verða til enn
ein furðusagan í löngum sagnabálki
sem er orðinn til í kringum Helgu­
vík.
Þóra Kristín
KIRKJGARÐUR
DÁINNA
LOFORÐA
Köllunarklettsvegi 1, 104 Reykjavík. Sími: 531 3300. ritstjórn@frettatiminn.is
Útgefandi: Gunnar Smári Egilsson. Ritstjórar: Gunnar Smári Egilsson og Þóra Tómasdóttir.
Fréttastjóri: Þóra Kristín Ásgeirsdóttir. Ritstjórnarfulltrúi: Höskuldur Daði Magnússon. Dreifing: Póstdreifing. Framkvæmdastjóri
og auglýsingastjóri: Valdimar Birgisson. Fréttatíminn er gefinn út af Morgundegi ehf. og er prentaður í 83.000 eintökum í Landsprenti.
Af hverju er aldrei
haldin hátíð okkar sem
engu viljum breyta? Af
hverju er ekkert
Nei Pride?
KRINGLUNNI 2. HÆÐ | HAGKAUPSHÚSINU, SKEIFUNNI
SPÖNGINNI, GRAFARVOGI
SELESTE
UMGJÖRÐ Á:
1 kr.
við kaup á glerjum
-25% 1.875kr.80602501-2 - Verð áður: 2.495kr.
3 LÍTRAR
HERREGÅRD
PALLAOLÍA XO
viðarvörn, er ætluð á gagn-
varið efni, palla, girðingar og
garðhúsgögn. Kemur í veg
fyrir gráma og inniheldur
sveppa og mygluvarnarefni.
Fæst í ljósbrúnu og glæru.
SÓL ALLA
HELGINA
FÉKKSTU EKKI BLAÐIÐ Í DAG?
HAFÐU ÞÁ SAMBAND VIРDREIFING@FRETTATIMINN.IS
Eitt kort
35 vötn
6.900 kr
Frelsi til að veiða!
00000
www.veidikortid.is