Fréttatíminn - 29.10.2016, Blaðsíða 46

Sólrún Lilja Ragnarsdóttir
solrunlilja@amk.is
Þetta byrjaði sem loka-verkefni í margmiðlun-arhönnunarnámi sem ég var. Verkefnið var að gera bók og ég ákvað
að fara alla leið með þetta og gerði
matreiðslubók,“ segir Hildur Rut
Ingimarsdóttir sem var að senda
frá sér matreiðslubókina Avocado,
en eins og nafnið gefur til kynna
þá er þar eingöngu að finna upp-
skriftir sem innihalda avókadó.
Gerði allt sjálf
„Það var ekki ætlunin að gefa bók-
ina út strax, en kennararnir voru
svo ánægðir að þeir hvöttu mig til
að gefa hana út og ég fékk hæstu
einkunn fyrir þetta verkefni.“
Hildur eyddi því síðasta sumri í
að vinna í bókinni, bæta við upp-
skriftum og fínpússa fyrir útgáfu.
Hún er sjálf aðeins tengd inn í
bóksölubransann því hún starfar á
skrifstofu Pennans/Eymundsson,
en fyrirtæki föður hennar, Betri
lausnir, gaf bókina út. „Mig langaði
svo að geta stjórnað þessu öllu sjálf
af því ég tók myndirnar, hannaði
bókina og samdi textann.“
Hefði getað haldið áfram
Hildur hefur alltaf notað avókadó
mikið í eldamennsku og uppskrift-
irnar í bókinni er allar frá henni
sjálfri komnar. „Auðvitað hef ég
fengið hugmyndir og innblástur
einhvers staðar frá, margar upp-
skriftanna átti ég til og svo bætti
ég einhverju við. Avókadó er svo
hollt og gott. Ég á fjögurra ára son
og hef gefið honum avókadó frá því
hann byrjaði að borða. Þetta er svo
góður matur fyrir börn. Áferðin
er svo mjúk og góð og það er hægt
að gera svo margt við avókadó. Ég
hefði getað haldið áfram að þróa
nýjar uppskriftir fyrir bókina en
ég varð að setja punktinn einhver
staðar, ef ég ætlaði að klára fyrir
jól,“ segir Hildur, en miðað við það
hvernig bókin fer af stað í sölu þá
má búast við að hún komist inn á
metsölulistann fyrir jólin.
Hollar uppskriftir
Hildur segir uppskriftirnar í bók-
inni allar hollar, svona tæknilega
séð, enda avókadóið mjög hollt.
„Þær eru samt ekki þannig að þær
séu allar sykurlausar eða eitthvað
slíkt. Svo er beikon í einhverjum.
Þetta eru eru mjög heimilislegar
uppskriftir og allskonar matur
með avókadó. Svo er alveg slatti
af uppskriftum sem eru svolítið
öðruvísi,“ segir Hildur sem bland-
ar þá öðrum hráefnum saman
við avókadó, hráefnum sem fólki
dettur kannski ekki í hug að nota
dagsdaglega.
Hún segir það alveg koma til
greina að gefa út aðra bók og taka
eitthvert annað hráefni fyrir.
„Mér finnst mjög gaman að taka
eitthvað svona fyrir, það hefur
ekki mikið verið gert af því hérna
heima.“
…fólk 2 | amk… LAUGARDAGUR 29. OKTÓBER 2016
Vill ekki ganga í
brjóstahaldara
Khloé Kardashian vill síður ganga í brjósta­
haldara og kippir sér ekkert upp við að
brjóst hennar leiki lausum hala. Khloé, sem
fræg er fyrir þættina Keeping Up with
the Kardashians, segir að stílistinn láti
hana stundum hylja geirvörturnar en
helst af öllu vilji hún vera alveg frjáls.
„Við erum öll með geirvörtur og mér
finnst þær ekki móðgandi eins og sumu
fólki. Það verður bara að hafa það ef ein­
staka sinnum sést í geirvörturnar á mér.“
Vilja nef eins og Katrín
Katrín hertogaynja af Kamrabrú er fyrirmynd margra
kvenna enda þykir hún einkar glæsileg. Nú greina
breskir fjölmiðlar frá því að sífellt fleiri konur sækist
eftir því að fá „fullkomið“ nef hennar. Fimmtán prós­
ent aukning hefur verið í nefaðgerðum þar í landi
og æ algengara verður að fólk sem lætur fram­
kvæma slíkar aðgerðir á sér vilji líkjast frægu fólki.
Vinsælasta aðgerðin kallast einfaldlega „Hertoga­
ynjan“ í höfuðið á Katrínu og þykir henta báðum
kynjum. Aðrar vinsælar stjörnur til að líkjast eru
Scarlett Johansson, söngkonan Rihanna, Angelia
Jolie og Jennifer Lopez.
Engin endurkoma á næstunni
Leikstjóri nýrrar heimildarmyndar um hljómsveitina Oasis seg­
ir að ósennilegt sé að sveitin komi saman á ný í náinni framtíð. Mat
Whitecross, sem tók löng og ítarleg viðtöl við bræðurna Liam og Noel
Gallagher, kallar spurninguna um mögulega endurkomu sveitarinnar
„milljarða spurninguna“. „Þeir hafa aldrei sagt nei við endurkomu. Ég
held bara að þeir séu mjög uppteknir við sólóferla sína akkúrat núna.
Noel er búinn að gefa út plötu og er að fara að gefa út aðra og Liam
er á leið í hljóðver. Ég held því að það sé vonlaust næstu tvö ár hið
minnsta. En ég vona að þeir komi einhvern tímann saman aftur. Það er
eitthvað einstakt við þessa tvo bræður saman á sviði.“
Guacamole með beikonbitum
„Mér finnst beikon og avókadó
frébær samsetning og ekki
skemmir að bæta við uppá-
haldinu mánu, parmesanosti.
Þetta guacamole er skemmti-
lega öðruvísi.“
1 1/2 dl rifinn parmesanostur
2 avocado
safi úr 1/2 lime
1 msk ferskt jalapeno
3 beikonsneiðar
salt og pipar
• Bakið beikonið í ofni við
190°C þar til það verður vel
stökkt og skerið svo í smáa
bita.
• Setjið allt nema beikonið í
matvinnsluvél og blandið vel
saman.
• Bætið við 2/3 af beikoninu
og hrærið með skeið. Stráið
svo restinni af beikoninu yfir
ásamt parmesanosti.
Heimilslegar og öðruvísi
uppskriftir með avókadó
Hildur Rut sendir frá sér matreiðslubókina Avocado sem byrjaði sem
lokaverkefni í margmiðlunarhönnunarnámi. Verkefnið vatt upp á sig og
er nú orðið að bók sem mun eflaust slá í gegn fyrir jólin. Bókina gerði
hún alveg sjálf frá grunni.
Mjúkt og gott Hildur ásamt syni sínum Unnari Aðalsteini, sem kann vel að meta avókadó,
enda hefur hann alist upp við að borða það í hinum ýmsu myndum.
Hvernig velurðu
avókadó?
„Mér finnst best að kaupa
þroskuð avókadó. Maður sér
það yfirleitt á litnum hvort þau
eru þroskuð eða ekki. Þessi
grænu eru yfirleitt lítið þroskuð
á meðan þessi dökkbrúnu er of
þroskuð. Best er að fara milli-
veginn. Svo finnur maður þetta
líka með því að þreifa á þeim.
Það má samt ekki ýta of fast því
þá myndast þessir dökku blettir
sem við sjáum oft. Það sama
gerist ef maður missir það, þá
getur það eyðilagst. Það er gott
að hafa í huga að avókadóin
sem hægt er að fá í neti eiga að
vera óþroskuð og það tekur oft
alveg þrjá til fjóra daga fyrir
þau að verða fullþroskuð.“
Ber enn trúlofunarhringinn
Mariah Carey og James Packer hafa ekki talast við í mánuð eftir
heiftarlegt rifrildi í Grikklandi.
Söngkonan Mariah Carey ber
ennþá trúlofunarhringinn sem
fyrrverandi unnusti hennar,
viðskiptajöfurinn Jame Packer
gaf henni, þó að það sé meira en
mánuður síðan þau hættu saman.
Um er að ræða 10 milljón dollara
hring sem sérstaklega var hann-
aður fyrir unnastann með hana í
huga. Carey gerir í því að klæðast
djarflega úti á lífinu til að sýna
sínum fyrrverandi hverju hann er
að missa af, og er alveg óhrædd
við að skarta hringnum við vel
flegna kjóla.
Ýmsar getgátur hafa verið uppi
um sambandsslit þeirra en þau
lentu í heiftarlegu rifrildi þar sem
þau voru stödd í Grikklandi í fríi
og hættu saman í kjölfarið. Ein
sagan segir að Packer hafi orðið
öfundsjúkur út í danshöfund og
dansara hjá Carey og það hafði
orsakað mikla spennu á milli
þeirra. Talsmaður þeirra hefur
þó þvertekið fyrir að trúlofuninni
hafi verið slitið vegna ásakana um
framhjáhald eða vegna óhóflegrar
eyðslu Carey. Talsmaðurinn stað-
festir að þau hafi ekki talað saman
í rúman mánuð en ætli að reyna
að leysa úr ágreiningnum. Hvort
þau taki aftur saman er þó óvíst.
Sýnir sig Carey er dugl­
ega að sýna sig og sjá
aðra um þessar mundir.
BARNASKÓR
TILBOÐ
Opnunartíminn: Virka daga 11-18 og laugardaga 11-16
1500 kr.
Ármúla 44 - Sími: 517 2040