Fréttatíminn - 02.12.2016, Page 36

36 | FRÉTTATÍMINN | Föstudagur 2. desember 2016
Áfengi er ekki bara
áfengi. Sumt áfengi er
merkilegra en annað,
svo merkilegt að það
kemst á fína lista hjá
Menningarstofnun
Sameinuðu þjóðanna.
Nú hefur bjórhefðin í
Belgíu færst upp um
deild.
Í Belgíu, sem er einn þriðji af
flatarmáli Íslands, eru bruggað-
ar fleiri en 1500 tegundir af bjór.
Hefðin nær langt aftur í aldir og
enn má finna tegundir sem ekki er
hægt að treysta neinum fyrir nema
guðsmönnum í munkaklaustrum.
Landið er pílagrímastaður bjórá-
hugamanna.
UNESCO, Menningarstofnun
Sameinuðu þjóðanna, heldur
utan um sameiginlegan menn-
ingararf mannkyns og þar á
meðal svokallaðan óáþreifanlegan
menningararf. Á þann lista hefur
belgíski bjórinn verið settur en þar
er að finna alls kyns hefðir, mat
og drykk, leiki, hátíðir og menn-
ingarfyrirbæri sem þykja kalla á
virðingu og vernd í alþjóðavædd-
um heimi dagsins í dag þar sem
áhrif frá enskumælandi löndum
flæða um allt.
Á listanum má sjá hvað mann-
kynið tjáir sig með fjölbreyttum
hætti gegnum alls konar tákn og
athafnir. Þjóðríki keppast við að
koma sínum atriðum á listann en
þess má geta að pítsuhefð Napóli
komst ekki á listann núna þrátt
fyrir vilja ítalskra stjórnvalda.
Nú skála menn í Belgíu, líklega í
bjór sem hefur skolast til um aldir
og borist milli kynslóða. Ásamt
belgíska bjórnum má nefna að
kúbanskur rúmba-dans, fornar
kínverskar tímatalsaðferðir og
kóreskar skelfiskveiðar, sem eru
stundaðar af konum, voru meðal
þess sem einnig náði inn á listann
að þessu sinni. | gt
Belgískur bjór rústaði
ítalska pítsu
Belgískur bjór og kúbönsk rúmba skipta mannkynið máli, segja þeir hjá
Sameinuðu þjóðunum.
Helga Dögg Ólafsdóttir
helgadogg@frettatiminn.is
Ég set mig alltaf í stellingar áður en ég fer í beina útsendingu. Ég er aldrei stressuð, ég er bara alveg örugg. Fólki finnst gaman
að ná inn í þáttinn. Það er bara
eins og lottóvinningur að komast í
gegn, síminn logar alveg. Það eru
alls ekkert allir sem ná inn á þess-
um klukkutíma. Eftir að þátturinn
klárast þá hringja margir í mig
sem eru leiðir yfir því að ná ekki
inn og vilja þá fá spádóm í gegnum
símann þegar ég er komin heim,“
segir Sirrý spákona sem er með
vikulegan spádómsþátt á Útvarpi
Sögu þar sem fólk allstaðar af
landinu hringir inn og biður um
spádóm í leit af réttu svörunum.
Sirrý hefur starfað í útvarpi í
kringum 40 ár og er því enginn
nýgræðingur þegar kemur að
þáttastjórnun. Spámennskan hef-
ur alltaf fylgt henni og nú starfar
hún ekki við neitt annað. „Ég er
í sjálfboðavinnu þarna uppi í út-
varpi. Ég kem þarna og leyfi fólki
að hringja inn í þennan klukku-
tíma. Síðan er ég að vinna hérna
heima hjá mér, þá tek ég einka-
tíma þar sem ég get farið dýpra í
viðfangsefnið. Þetta fólk sem er
að hringja inn í þáttinn er mikið
fólk utan af landi og fólk sem ekki
kemst ekki út úr húsi.“ Sirrý segir
áhyggjur vera algengustu orsök
þess að fólk taki upp tólið og hr-
ingi inn. „Það er algengast að fólk
leiti til mín út af áhyggjum. Það
er ýmislegt sem liggur á fólki. Það
getur verið peningaleysi og stund-
um eru það veikindi sem liggja
þungt á fólki og þá er fólk að leitast
eftir svörum.“
„Alltaf þegar fólk hringir í mig
þá spyr ég alltaf hvort ég megi
vera eins hreinskilin og hægt
er í beinni. Ég eys ekki úr mér
persónulegum upplýsingum og ef
það er viðkvæmt mál þá náttúru-
lega sleppi ég því. Ég reyni bara að
fara fínt í hlutina. Fólk vill ekki að
röddin þess þekkist, þú segir ekk-
ert allt í gengum útvarpið,“ segir
Sirrý um þá fínu línu sem þarf að
hafa í huga þegar fólk hringir inn
í þáttinn. Aðspurð um eftirminni-
legan þátt þá gat spákonan ekki
sagt frá uppáhalds
þætti sínum vegna
þagnarskyldu.
Fólk er ánægt með
þjónustuna að mati
Sirrýjar og hefur
hún mjög gam-
an af vinnunni
sinni. „Ég væri
ekki að gera
þetta nema
mér þætti
þetta gaman.
Ég hef svo gam-
an af fólki og ég
er svo forvitin um
mannlega hegðun.
Ég verð svo glöð þegar
fólk er ánægt eftir
þáttinn, þá veit ég að
ég er að gera eitthvað
rétt.“
Hvernig lestu fólk í
gegnum símann?
„Þetta er góð
spurning. Eigum
við ekki bara að
segja að þetta sé
innsæi,“ segir
Sirrý og hlær.
Eins og lottóvinningur
að ná í gegn til Sirrýjar
spákonu
Spákona spáir í spilin vikulega fyrir landsmenn á Útvarpi Sögu með
hreinskilnina að vopni.
Ég verð svo glöð þegar
fólk er ánægt eftir þátt-
inn, þá veit ég að ég er að
gera eitthvað rétt,“ segir
Sirrý spákona. Mynd | Rut