Fréttatíminn - 17.12.2016, Qupperneq 16

16 | FRÉTTATÍMINN | Laugardagur 17. desember 2016
Fjóla María Ágústsdóttir á tví-
burana Breka Hilmar og Huga
Stein, 11 mánaða, með eiginmanni
sínum, Hauki Þór Haukssyni. Eldri
bróðir þeirra, Haukur Ágúst, er
þriggja ára svo það er nóg að gera
á heimilinu.
Fjóla María er í fæðingarorlofi sem
stendur og stefndi að því að byrja
að vinna eftir jól en er ekki viss
um að það gangi upp þar sem um-
önnunin er enn svo krefjandi og hún
vansvefta eftir því.
„Ég held að fyrir konur sem eign-
ast tvíbura sé þetta spurning um
að líta á þetta sem verkefni í byrj-
un og hugsa strax „ég lifi þetta af!“
Það er jú aðallega þetta svefnleysi
sem tekur á og svo þessi stöðuga
umönnun til viðbótar við syfjuna.
Ég er með strákana á brjósti og
framan af fóru allar nætur í að gefa
þeim til skiptis. Þeir fá ekkert á nótt-
unni núna en næturnar eru enn oft
erfiðar. Ég man voðalega lítið frá
fyrstu mánuðunum, maður var svo
þreyttur.“
„Au pair„ yndisleg aðstoð
Fjóla María er aðallega með þrjár
ráðleggingar til tvíburaforeldra.
„Fyrsta og aðalráðið sem ég get gef-
ið tvíburaforeldrum er að fá sér að-
stoð. Ekki vera feimin við að sækja
sér aðstoð því maður þarf aðstoð.
Vinafólk okkar, sem á tvíbura, hafði
mælt með „au pair„ og við fengum
okkur „au pair“ þegar þeir voru
tveggja mánaða og ég fullyrði að það
sé búið að bjarga okkur, bæði geð-
heilsunni og hjónabandinu. Ég skil
ekki hvernig ég gerði þetta án henn-
ar. Ef foreldrar eru ekki báðir heima
í orlofi, þá fá foreldra sína til að byrja
með inn á heimilið, ömmuna eða af-
ann. Maðurinn minn fór að vinna
aftur þegar strákarnir voru 2 vikna
og þá kom mamma mín inn á heim-
ilið að hjálpa til. Svo kom „au pair-
in“. Það er mjög erfitt að vera einn til
að byrja með.“ Fjóla María segir „au
pairina“ bæði aðstoða við heimilis-
verkin og svo við að passa strákana
svo hún komist við og við ein út af
heimilinu. Þá mun hún sinna þeim
eftir að Fjóla fer aftur að vinna og
þar til þeir komast inn á leikskóla í
kringum 18 mánaða aldurinn. „Hún
hefur alveg bjargað okkur, er yndis-
leg, frá Filippseyjum. Það verða allir
miklu glaðari ef lífið er létt á þenn-
an hátt. Ég verð glaðari mamma og
börnin finna það og verða glaðari.
Það má ekki gleyma gleðinni í öllu
þessu amstri. Ég mun glöð aðstoða
verðandi tvíburaforeldra við að
finna út úr „au pair“ ráðningum“.
Spara annað foreldrið
„Hitt ráðið sem ég hef er að gera ekki
vitleysuna sem við hjónin gerðum.
Við sváfum með þá saman og í sama
herbergi og þótt ég hafi séð um að
sinna þeim þá truflaði það svefn
pabba þeirra. Ráðleggingin er að
sá sem er ekki að sinna börnunum
á nóttunni sofi í öðru herbergi og
sé þá hress og vel sofinn í stað þess
að báðir foreldrar séu ruglaðir og
vansvefta. Ráðið er þá sem sagt að
spara pabbann sem er þá betur til-
búinn í að sinna vinnu og börnunum
eftir vinnu“.
Bara láta vaða
„Það er rosalega gleðivekjandi að
hafa tvö lítil börn í einu. Manni
leiðist aldrei. Með eitt barn var
maður oft að dúlla sér, finna leiðir
til að eyða tíma, sýna barninu fugl-
ana og svona, en tíminn með tvö
börn í einu líður öðruvísi og hratt.
Þeir eru til dæmis enn á brjósti hjá
mér og það er æðislegt að sitja hérna
með þá í sófanum, með brjóstin úti
og þeir að kútveltast um, brölta og fá
sér sopa inn á milli. Dásamleg sjón
alveg og gaman að eiga þessa stund
með þeim. Það er mikilvægt að for-
eldrar tvíbura hætti ekki að njóta
með börnunum líka fyrir utan hið
daglega amstur og geri sér ekki upp
óklífanleg fjöll, því þau eru alltaf klíf-
anleg. Málið er bara að drífa sig út
eða í ferðalag og búa til minningar.
Ég hef einsett mér að láta ekki neitt
stoppa mig og gert ýmislegt með
þeim og einnig með þann elsta
með. Það leysist allt og allt er ger-
legt. Þótt maður sé að klæða í og úr
fötum allan daginn, skipta á og gefa
að borða, þá er til rými til að fara út
og gera skemmtilega hluti. Maður
þarf svolítið bara að ákveða að njóta
tímans og gera helst allt sem manni
dettur skemmtilegt í hug.“
„Fyrsta og aðalráðið
sem ég get gefið tví-
buraforeldrum er að
fá sér aðstoð. Ekki vera
feimin við að sækja sér
aðstoð því maður þarf
aðstoð,“ segir Fjóla.
Aðstoð er lykillinn
Fjóla María Ágústsdóttir
með tvíburana Breka Hilm-
ar og Huga Stein. Mynd | Rut
Sjáumst á
Jólatorginu
MIDBORGIN.IS
FACEBOOK.IS/MIDBORGIN
OPIÐ TIL KL. 22 Á JÓLATORGINU
OG Í VERSLUNUM TIL JÓLA
Fáðu hátíðarskapið beint í æð á Jólatorginu á
Hljómalindarreitnum og gerðu jólainnkaupin
í skemmtilegu umhverfi. Við minnum á nýtt
Gjafakort Miðborgarinnar okkar, fáanlegt
í öllum bókaverslunum miðborgarinnar.
Bergstaðir
Kolaport
Ráðhúsið
Stjörnuport
Traðarkot
Vesturgata
Vitatorg
NÆG BÍLASTÆÐI OG MUNIÐ BÍLASTÆÐAHÚSIN