SÍBS blaðið - 01.10.2008, Qupperneq 37

7
um hjartasjúkdómum hafa batnað til mikilla
muna og miklar framfarir hafa orðið í hjarta-
skurðlækningum við meðfæddum hjartagöllum,
sem hafa bætt horfur þessara yngri sjúklinga
mikið.
Endurhæfing eftir áföll og aðgerðir hefur
reynst mörgum ómetanleg til að ná aftur þeim
andlega og líkamlega styrk, sem þarf til að taka
fullan þátt í þjóðfélaginu að nýju.
Enda þótt mikið hafi áunnist í baráttunni við
hjarta- og æðasjúkdóma má ekki sofna á verð-
inum. Því er spáð í nálægum löndum að fjöldi
þeirra sem munu lifa með afleiðingum hjarta-
sjúkdóma og hjartaáfalla muni vaxa verulega
á næstu áratugum. Í Bretlandi er því spáð að
innlögnum á sjúkrahús vegna hjartabilunar og
takttruflana svo sem gáttatifs muni því aukast
um 40-50% á næstu 25 árum. Líklegt þykir
að sama þróun verði hér á landi. Með öðrum
orðum þótt nýjum tilfellum kransæðasjúkdóms
í yngri aldurshópunum fari fækkandi þá lifa
fleiri með sjúkdóminn vegna betri meðferðar
og langflestir þeirra fara aftur út í lífið af full-
um krafti. Um síðir geta þó komið fram ýmsir
fylgikvillar sjúkdómsins, sem glíma verður við
og því er reiknað með verulegri fjölgun þeirra
sjúklinga. Þessum hóp verður að sinna, og
hann mun þurfa áframhaldandi lyfjameðferð
og eftirlit vegna síns sjúkdóms og m.a. vegna
þessa mun þörfin fyrir þjónustu til handa
hjartasjúklingum aukast á komandi árum.
Öll þessi nýju lyf, aðgerðir og lækningatæki
kosta mikla peninga en fyrir þann kostnað fæst
ávinningur sem alls ekki má vanmeta. Fyrir
einstaklinginn er það ómetanlegt að ná aftur
heilsu og geta farið aftur út á vinnumarkaðinn.
Af því er einnig að sjálfsögðu beinn þjóðhags-
legur ávinningur. Sá hluti bókhaldsins gleymist
býsna oft.
Á fjárlögum hefur yfirleitt of litlu fjármagni
verið ætlað til tækjakaupa í íslenska heilbrigð-
iskerfinu. Einstaklingar og samtök þeirra hafa
oft brugðist við því með margvíslegum stuðn-
ingi ekki síst með fjárframlögum til tækjakaupa
og eiga því ríkan þátt í því að íslenska heil-
brigðiskerfið er jafn gott og árangursmælingar
benda til.
Guðmundur Bjarnason
formaður stjórnar Hjartaheilla
Ásgeir Þór Árnason framkvæmdastjóri
Handbók um
mataræði aldraðra
Ráðleggingar um
hreyfingu
Ráðleggingar um
heilsueflingu á
vinnustöðum