Fréttablaðið - 07.04.2017, Blaðsíða 26

Mikill viðsnúningur hefur orðið á Suðurnesjum á síðustu árum. Eftir brott-
för bandaríska hersins árið 2006
og efnahagshrunið tveimur árum
síðar gekk samfélagið gegnum
nokkur ár mikils atvinnuleysis og
erfiðleika í atvinnulífinu. Undan-
farin ár hefur þó margt breyst til
betri vegar. Aukinn ferðamanna-
straumur hefur þar vissulega leikið
stórt hlutverk en samhliða honum
hefur gríðarleg uppbygging orðið
á svæðinu í öðrum geirum, þar á
meðal í nýsköpun og ótal margir
frumkvöðlar eru að festa sig í sessi
á svæðinu að sögn Berglindar
Kristinsdóttur, framkvæmdastjóra
Sambands sveitarfélaga á Suður-
nesjum. „Kraftur og þrautseigja
einkenna bæði fólkið og samfélag-
ið almennt hér á Suðurnesjum
sem sýnir sig kannski best í því
hvernig við höfum rétt úr kútnum
eftir þessi tvö áföll. Atvinnuleysið
á þessum árum fór í nálægt fimm-
tán prósent, nú vantar fólk til
starfa á svæðinu og það á aðeins
örfáum árum. Þrautseigjan og
krafturinn hefur svo sannarlega
sýnt sig.“
Hún segir afar gott að búa á
Suðurnesjum. Íbúðaverð sé mun
lægra en á höfuðborgarsvæðinu,
næga atvinnu sé að fá og fyrir ungt
fjölskyldufólk sé frábært að búa
þar enda er stutt í alla þjónustu,
fjölbreytt íþróttastarf, stórkost-
lega tónlistarmenningu, frábæra
leikskóla og grunnskóla. „Hér er
gott að búa og þeir sem hafa flutt
hingað á síðustu árum eru svekkt-
astir yfir því að hafa ekki flutt
hingað fyrr. Fólk áttar sig nefnilega
ekki alltaf á því hvað lífið er blóm-
legt hér og um leið hversu stutt
í raun og veru er á milli Reykja-
nessins og höfuðborgarinnar. Það
tekur í raun engan tíma að keyra á
milli og Reykjanesbrautin er alltaf
opin.“
Ferðaþjónustan mikilvæg
Aðspurð um helstu vaxtarmögu-
leika í atvinnulífinu á Suður-
nesjum næsta áratuginn segir
hún ljóst að ferðaþjónustan muni
setja svip sinn á svæðið áfram.
Hins vegar séu líka aðrar greinar
sem muni væntanlega springa
út á næstu árum. „Uppbygging
ISAVIA á Keflavíkurflugvelli
hefur ekki farið fram hjá neinum.
ISAVIA gerir ráð fyrir, miðað við
farþegaspá sína til ársins 2040, að
415 ný störf skapist að meðaltali
á hverju ári og verði þau orðin
alls 15.000 í lok árs 2040. Þann 1.
janúar 2017 voru 12.997 manns
á vinnumarkaði á Suðurnesjum.
Það er því ljóst að ótal tækifæri
eru til vaxtar.“
Sem dæmi um uppbygginu
nefnir hún að Bláa lónið sé að
byggja hótel auk þess sem verið
sé að byggja fleiri hótel í Reykja-
nesbæ, Grindavík og sveitarfélag-
inu Garði. „Hér eru einnig tækifæri
í fiskeldi en nokkuð er af fiskeldi á
landi á Reykjanesskaganum. Icel-
andair er að stækka flugskýlið sitt
um helming og vonandi sjáum við
uppbyggingu á flugvélaviðhaldi
hjá öðrum fyrirtækjum á komandi
árum. Gagnaver hafa verið að setja
sig niður hjá okkur en aðstæður
fyrir þau eru frábærar. Hér eru auk
þess starfandi fyrirtæki sem munu
láta til sín taka á næstu árum,
fyrirtæki á borð við ORF-líftækni,
GeoSilica, Ísaga, Taramar og mörg
fleiri.“
Mikill viðsnúningur hefur einn-
ig orðið á menntunarstigi íbúa
svæðisins að hennar sögn, allt frá
grunnskóla og upp úr. „Grunn-
skólarnir á svæðinu hafa verið að
skora hátt á samræmdum prófum
og Pisa-prófum og háskólamennt-
uðum á svæðinu hefur fjölgað til
muna á síðustu árum.“
Vannýtt auðlind
Suðurnesin sem viðkomustaðar
ferðamanna, bæði innlendra og
erlendra, eru einnig vannýtt auð-
lind að mati Berglindar. „Íslend-
ingar virðast margir hverjir ekki
þekkja svæðið nema Reykjanes-
brautina og umhverfið þar í kring
upp á flugvöll. En svæðið hér er
einstakt, sagan alveg ótrúleg, hvert
sem litið er. Hér koma saman
jarðsagan, tónlistarsagan, íþrótta-
sagan, saga hersins, saga sjávar-
útvegsins, frumkvöðla, rithöfunda,
listamanna og svo mætti lengi
telja. Við höfum verið að vinna
markvisst að því að gera svæðið
sýnilegra og fýsilegri kost til að
heimsækja, bæði fyrir innlenda og
erlenda ferðamenn.“
Eitt af þeim verkefnum sem
sveitarfélögin fimm á svæðinu
hafa unnið í samstarfi við fræða-
samfélagið og einkafyrirtæki er
Reykjanes UNESCO Global Geo-
park. „Reykjanes UNESCO Global
Geopark er annar sinnar tegundar
á Íslandi en hann varð 66. garður
sinnar tegundar í Evrópu. Hlut-
verk okkar verður kannski aðal-
lega fólgið í því að upplýsa fólk
um hvað er hægt að sjá og gera á
svæðinu og koma Reykjanesinu
almennilega inn á kortið.“
Það er því mikil og vaxandi
bjartsýni meðal flestra Suður-
nesjamanna segir Berglind. „Á
næstu 10-20 árum sjáum við fyrir
okkur að Suðurnesin muni halda
áfram að blómstra eins og þau
hafa gert síðustu ár. Íbúum mun
fjölga hér umtalsvert á næstu
árum og það verður mikil áskorun
fyrir sveitarstjórnarmenn að halda
rétt á spilunum. Við erum með
aðra íbúasamsetningu en margir
aðrir landshlutar en hér er mikið
af ungu fólki. Það er framtíðin
okkar. Ef þróunin, sem verið hefur
hér síðustu ár, heldur áfram er
alveg hægt að halda því fram að
mesti vöxtur á landinu verði hér
á Suðurnesjum eða eins og Skúli
Mogensen, forstjóri WOW air,
sagði í viðtali við Víkurfréttir fyrir
rúmu ári: „Þið eruð sætasta stelpan
á ballinu þegar kemur að þessari
ferðamannasprengju sem hefur
orðið.“ Hér eru tækifærin.“
Berglind Kristinsdóttir
Garðskagaviti skartar sínu fegursta í kvöldsólinni. MYND/OZZO
Starri Freyr
Jónsson
starri@365.is
Fólk áttar sig ekki
alltaf á því hvað
lífið er blómlegt hér.
Háskólabrú Keilis
- Nýtt tækifæri til náms
Háskólabrú Keilis býður upp á nám fyrir einstaklinga
sem hafa ekki lokið stúdentsprófi og uppfylla
nemendur að loknu náminu inntökuskilyrði í háskóla
hérlendis og erlendis.
Keilir er eini skólinn sem býður upp á aðfararnám
í samstarfi við Háskóla Íslands og gildir námið til
inntöku í allar deildir HÍ. Keilir • Grænásbraut 910 • 235 Reykjanesbær • Sími 578 4000 • keilir@keilir.net
Útgefandi: 365 miðlar Veffang: Visir.isÁbyrgðarmaður: Svanur Valgeirsson Sölumaður auglýsinga: Jóhann Waage, johannwaage@365.is, s. 512 5439
2 KYNNINGARBLAÐ 7 . a p r í l 2 0 1 7 F Ö S T U DAG U R
0
7
-0
4
-2
0
1
7

0
4
:4
1
F
B
0
5
6
s
_
P
0
3
8
K
.p
1
.p
d
f
F
B
0
5
6
s
_
P
0
3
1
K
.p
1
.p
d
f
F
B
0
5
6
s
_
P
0
1
9
K
_
N
Y
.p
1
.p
d
f
F
B
0
5
6
s
_
P
0
2
6
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
C
A
0
-4
B
D
C
1
C
A
0
-4
A
A
0
1
C
A
0
-4
9
6
4
1
C
A
0
-4
8
2
8
2
7
5
X
4
0
0
.0
0
1
6
A

F
B
0
5
6
s
_
6
_
4
_
2
0
1
7
C
M
Y
K