Ráðunautafundur - 11.02.1984, Síða 105

97
osmótískan þrýsting lausnarinnar. Því er þessi aðferð oft
kölluð öfug osmósa (reverse osmosis). Vatnið sem síast frá
inniheldur skv. mælingum á titranlegri mjólkursýru, um 1.5%
sýru.
Efnagreiningar á mysu og mysuþykkni eru í töflu 1. Það er
hagkvæmast að mysan sé sem nýjust, þegar hún er þykkt. Eftir
þykkingu getur sýring haldið áfram og þá án þess að mjólkursýran
tapist við síunina.
Blöndun
I fóðrunar-tilraunum í Gunnarsholti, sem fjallað verður um
hér á eftir (Runólfsson o.fl. 1984), var meltunni, mysuþykkninu
og grasmjölinum blandað saman í steypuhrærivélum. Ef notað var
grasmjöl, þá var hægt að koma um 65% af meltu og mysu í mjölið
áður en það varð rakt og límdist saman. I fóðurtilraunina var
notað "salli ", það er mjöl og kögglar, sem hafa fallið frá við
kögglaframleiðsluna. Þetta efni drakk rakann ekki eins vel í
sig og þess vegna var ekki hægt að nota nema 50-55% af meltu og
mysu í fóðurblöndurnar. Þessar tilraunir sýndu að blöndun í
hrærivél er hugsanleg aðferð við fóðurblöndun.
í framhaldi af þessu voru kannaðar aðferðir við að köggla
blöndu úr meltuþykkni og grasmjöli. Fyrst var gerð tilraun í
lítilli pillunarvél (" extruder"). Notuð voru mismunandi hlut-
föll af meltuþykkni í blöndunina, á bilinu 30-55%. Hægt var að
koma um 45% af meltuþykkni í grasmjölið með þessu móti.
Að lokum var gerð tilraun með blöndun á meltuþykkni í gras-
mjöl í graskögglaverksmiðjunni í Gunnarsholti. Kögglunarbúnaður-
inn var notaður óbreyttur. Meltuþykkninu var dælt inn á flutnings-
snigil fyrir grasmjöl á sama stað og feiti hafði verið blandað
í mjölið við venjulega graskögglaframleiðslu. Stjórnunin fór
þannig fram að fylgst var með raka í kögglunum eftir blöndunina
og var hægt að blanda um 15% af þykkni í grasmjölið í þessum
búnaði, en með örlitlum breyttum búnaði má sennilega reikna með
meira magni. Það sýndi sig að meltuþykknið létti alla kögglun
og virtist líma betur en fita hafði gert.