Ráðunautafundur - 11.02.1984, Síða 215

207
einstökum búgreinum og samtökum þeirra verulegan íhlutunar-
rétt í stjórn sinna mála. I framhaldi af þessari skipulags-
breytingu virðist síðan eðlilegt að endurmeta fyrirkomulag
leiðbeiningarþjánustunnar. Nú er ég ekki svo bjartsýnn að
ætla að bændur beri gæfu til að koma þessari skipulagsbreyt-
ingu á í bráð. Því ætla ég að lokum að drepa á örfá atriði
sem hafa verður í huga við menntun leiðbeinenda og skipulag
þjónustunnar við lítt breyttar aðstæður:
Persónuleg leiðbeiningarþjónusta fyrir einstaka bændur
landsins verður ekki rekin frá Reykjavík.
Mun meiri líkur eru á að leiðbeinandi komist í virkt
samband við bóndann ef þeir þekkjast eitthvað.
Leiðbeinandinn þarf helst að hafa sjálfur unnið við þau
störf sem hann leiðbeinir um.
Núverandi undirstöðumenntun ráðunauta er vafalaust góð
en starfsreynslu skortir. Því má raunar ekki ætla nýjum
ráðunautum að hefja beinar persónulegar leiðbeiningar án
þess að hafa unnið í viðkomandi fagi. Þetta hefur þvx miður
allt of oft verið gert hér á landi með þeim afleiðingum að
góðir menn hafa misst tiltrú bænda og eða starfsáhuga áður
en þeir náðu nægri reynslu í viðkomandi fagi. Þetta hygg ég
að sé ein af ástæðunum fyrir því hve margir ráðunautar hafa
verið fá ár í starfi.
I Bretlandi hef ég heyrt að ráðunautum sé ekki leyft að
stunda sjálfstæðar leiðbeiningar nema hafa áður unnið 1 ár
með vönum leiðbeinanda. Einhverju slíku þyrfti að koma á hér.
Nú horfir leiðbeiningarþjónustan fram á vaxandi notkun
tölva við úrvinnslu ýmissa viðfangsefna. Þessi þróun gerir
kröfur um aðgang ráðunauta að tölvubúnaði og því einnig víða
auknar kröfur um skrifstofuaðstöðu með tölvubúnaði eða tengda
slíkum búnaði. Vegna símkostnaðar verður þessi þjónusta
tæpast fengin frá Reykjavík
Þetta ásamt þeirri staðreynd að öflugustu búnaðarsam-
böndin virðast reka öflugustu leiðbeiningarþjónustuna sýnir
okkur raunar fram á að búnaðarsamböndin og þeirra leiðbein-
ingarþjónustu þarf að efla öðru fremur, enda eru leiðbein-
endur þá í daglegum tengslum við vinnuveitendur sína og hafa