Ráðunautafundur - 11.02.1984, Page 250

242
orðna bandorminum í hundum og refum. Saursýni hafa verið skoðuð úr hundum
og eldisrefum af þessum svæðum og einnig hafa hundar og eldisrefir verið
krufnir. Bandormurinn hefur þó enn ekki fundist.
1 lönbum sem rannsöku.ð voru haustið 1983,skiptu sullirnir ugglaust
hundruðum. Þrátt fyrir þennar. fjölda virtust þeir ekki 'standa lömbunum
fyrir þrifum. Sullirnir drepast líklega við frystingu í um hálfan sólar-
hring við -20‘C. Kjöt með mörgum sullum, smáblæðingum eða hroða eftir
sulli er heldur ólystugt, þótt ekk.i sé af því sjúkdcmahætta fyrir fólk.
Tjónið af völdum sullsins er fyrst og fremst fólgið í því að sollið kjöt
er ekki talið mannamatur.
Bandormur þessi er ugglaust fremur nýlega kominn hingað til lands,
því hann gæti tæplega hafa farið lengi framhjá mönnum. Hversu útbreiddir
sullirnir voru orðnir þegar þeir fundust, bendir þó til að hann hafi verið
hér í a.m.k. fáein ár. Bandormur þessi er ýmist ekki til eða fremur sjald-
gæfur í nágrannalöndum okkar.
Erfitt er að fullyrða neitt með vissu um hvemig bandormurinn hefur
borist hingað. Það eru þó ekki nema þrjár leiðir sem koma til greina.
Fyrsta leiðin er með innfluttu éfrystu og ósoðnu kindakjöti, og kemur hún
síst til greina. Önnur leiðin er með hundum, en nokkuð mun vera um að
hundar séu fluttir hingað til lands, löglega og ólöglega. Þriðja leiðin
er með refum, en refir hafa veriö fluttir hingað til lands á undanförnum
árum frá nágrannalöndum okkar. Á það skal bent, að enda þótt refir eða
hundar eigi að heita ormahreinsaðir með bandormalyfi, þá eru þau lyf
sjaldnast meira en 90% virk.
Hvað er helst til ráða i baráttunni við bandorminn? Þær aðgerðir
sem þegar eru lögboðnar i baráttunni við sullaveikina, koma einnig að
góðu gagni i baráttunni við kjötsullinn. Má þar einkum nefna árlega
bandormahreinsun hunda og eyðingu sollinna liffæra og sláturúrgangs i
sláturhúsum. Einnig ber að gera ráðstafanir til að bandormarnir fari ekki
i eldisrefi og dreifist frá þeim. Með slikum aðgerðum ættú að vera
talsverðar likur á að það takist að útrýma bandorminum héðan af landi.
ÞÓ gæti það orðið erfitt ef hann er kominn i villirefi.