Ráðunautafundur - 15.02.1990, Qupperneq 52

-42-
nágrannalöndin kemur í ljós að framleiðslan 1988 var lakari en árin næst á undan. Þetta
gildir bæði fyrir ref og mink. Skýringar á því að íslenskir loðdýrabændur ná ekki
skinnaverðum samkeppnisaðilanna eru m. a. að margir minkabænda eru nýbyrjaðir á
þeirri ræktun og að lífdýrastofn hefur vaxið ört á undanfömum árum. Aðrar skýringar
sem hafa verið nefndar eru að skinnaverkun hafi í sumum tilvikum verið lakari en hjá
nágrannaþjóðunum. Ef íslensk skinnaframleiðsla nær ekki sambærilegum gæðum og
framleiðsla helstu samkeppnisaðila í náinni framtíð, er engin von til þess að
lodýraræktin geti orðið arðbær framleiðslugrein.
IV. Umfang loðdýraræktarinnar á íslandi
Loðdýrabændur hér á landi hafa flestir orðið um 250 talsins. í árslok 1988 voru starfandi
206 loðdýrabú en hefur fækkað á þessu ári. Stærð búanna er mjög mismunandi en flest
eru minni en sem svarar grundvallarbúi í hefðbundnum búskap. Meðal dýrafjöldi á
loðdýrabúum þeirra bænda sem sóttu um aðstoð til Framleiðnisjóðs síðastliðið vor, voru
78 refalæður og 462 minkalæður. Flest loðdýrabúanna eru íjölskyldubú. Eftirfarandi tafla
sýnir umfang loðdýraræktar eftir svæðum á landinu:
Tafla 5: Fjöldi loðdýrabúa eftir kjördæmum.
Svæði fjöldi loðdýra- hlutfall af
bújarða bú. býlum
Vesturland 681 17 2,5 %
Vestfirðir 339 13 4,8 %
Norðurl. vestra 648 46 7,1 %
Norðurl. eystra 759 51 6,7 %
Austfirðir 538 35 6,6 %
Suðurland 1.088 41 3,8 %
Reykjanes 115 3 2,6 %
Samtals 4.168 206 5,0 %
í ársbyrjun 1989 voru minkar á 160 búum en refir á 98 búum, en flest búanna eru
blönduð minka- og refabú. Um helmingur loðdýrabænda stundar jafnframt annan
búrekstur. Loðdýraræktinni var í upphafi m. a. ætlað að koma í stað hefðbundinnar
búvöruframleiðslu á viðkomandi jörðum og auðvelda kynslóðaskipti og viðhald byggðar.
Við athugun kemur í ljós að all margir loðdýrabændur hafa leigt eða selt búmark í kjölfar
ákvörðunar um loðdýrabúskap eða 50 loðdýrabændur. Þá hafa loðdýrabændur selt eða
leigt 6.300 ærgilda fullvirðisrétt.
Þegar uppbygging loðdýraræktar hófst í lok síðasta áratugar voru í landinu um 7.000
minkalæður á fjórum búum og fjölgaði þeim ekki að ráði fyrr en á árunum 1987 og 1988
og eru nú rúmlega 70.000 minkalæður í landinu. Refir voru fluttir inn árið 1979 og