Kiwanisfréttir - 01.08.1988, Blaðsíða 5
Starfsárið
1988-1989
Einkunnarorð Gene R. Overholt
heimsforseta Kiwanishreyfingarinnar eru
Achieve By Believing. Eða á okkar máli
„Trúum á árangur". Með trú á Kiwanis-
hreyfinguna, hugsjónir hennar og þjón-
ustu við aðra með starfi innan vébanda
hennar. Með trú og samstarfi náum við
árangri. Við getum enn gert betur.
Markmið heimsforseta eru. Að fá alla
Kiwanismenn til þess að sýna að þeir trúa
á sjálfa sig og á Kiwanis með því að
styrkja verkefni klúbbanna til þess að,
tryggja þroska ungs fólks með hvatningu
til betri sjálfsímyndar, grundvallar gildis-
mats og tilfinningu fyrir framtíð þeirra.
Tryggja að við uppfyllum félagslegar
þarfir Kiwanis með ræktun varanlegrar
vináttu, anda samvinnu og neista Kiwan-
isfjölskyldunnar í hverjum félaga.
Tryggja að allir Kiwanisklúbbar vaxi og
öll byggðarlög eigi þess kost að njóta
reynslunnar af þjónustu Kiwanisklúbbs.
Áfram er unnið, sem langtíma verk-
efni, undir kjörorðunum “Underprivi-
leged children. Á okkar máli „Þjónum
æskunni“. Undir þessum kjörorðum og
að þessum markmiðum verður unnið um
allan Kiwanisheiminn á þessu starfsári.
Ég hefi valið mér kjörorð til að vinna
eftir á þessu starfsári. Þau eru „Byggjum
fyrir framtíðina“. Byggjum fyrir framtíð-
ina með fjölgun félaga í öllum kúbbum
umdæmisins, með yngra fólki í klúbb-
ana, með fræðslu heim í hvern klúbb,
með betra og meira samstarfi og meiri
þekkingu á störfum hvers annars.
Aðal markmið umdæmisstjórnar á
starfsárinu er, fjölgun félaga í klúbbun-
um, sérstaklega þó þeim sem eru undir
tuttugu og fimm félaga tölunni.
Breyting verður á skipulagningu á
fræðslunefndinni, en hún er nú skipuð
mönnum úr öllum svæðunum. Er það
gert til að auðvelda að koma nefndar-
fræðslu inn í hvern klúbb. Fulltrúar úr
umdæmisstjórn og úr fræðslunefnd munu
heimsækja alla klúbba í umdæminu.
Undirbúningur undir komandi starfsár
er langt kominn. Fræðslu embættis-
manna umdæmisins er löngu lokið.
Embættismenn klúbbanna verða í
fræðslu föstudaginn fyrir umdæmisþing-
ið. Forsetafræðsla verður fimmtudaginn
25. ágúst í Hótel Holiday Inn. Mikil
vinna hefur verið lögð í undirbúning fyrir
fræðslu í sambandi við komandi um-
dæmisþing. Einnig eru margir búnir að
eyða miklum tíma í ljósritun og frágang á
embættismannamöppum fyrir klúbbana
og umdæmið.
Þetta starfsár er á margan hátt
sérstakt. í fyrsta lagi er Þorbjörn Karls-
son fyrrverandi umdæmisstjóri, forseti
Evrópusambands Kiwanismanna. í öðru
lagi er Eyjólfur Sigurðsson fyrrverandi
Evrópuforseti, fulltrúi Evrópu í heims-
stjórninni. Og í þriðja lagi mun undir-
búningur undir næsta K-dag fara fram á
þessu starfsári, undir stjórn Jóns K.
Ólafssonar fyrrverandi umdæmisstjóra.
Ég vil hvetja alla Kiwanisbræður til að
vinna að markmiðum okkar með já-
kvæðu hugarfari og trú á getu okkar allra
til að gera enn betur. Með trú á okkur
sjálf náum við árangri.
Byggjum fyrir framtíðina.
Bragi Stefánsson,
Kjörumdælmisstjóri 1988-1989.
KIWANISFRÉTTIR
5