Dagblaðið Vísir - DV - 13.01.2017, Blaðsíða 25

Helgarblað 13.–16. janúar 2017 Kynningarblað - Netverslanir 3
Myndlist
snillingsins Jóns
Engilberts lifir
áfram í fallegum
hönnunarvörum
Engilberts hönnun
E
ngilberts hönnun er
hönnunarfyrirtæki í eigu
Grétu Engilberts og Hjartar
Sólrúnarsonar. Bæði eru þau
hugmyndaríkir listamenn en
í vörum fyrirtækisins öðlast mynd­
list Jóns Engilberts nýtt líf. Hann var
einn fremsti myndlistarmaður Ís­
lendinga á 20. öld en Gréta Engil­
berts er dótturdóttir Jóns og kynnt­
ist bæði manninum og list hans náið
á unga aldri.
„Jón skar sig úr og var stórmerki­
legur maður. Ég ólst upp hjá honum
og bjó hjá honum alla tíð. Í mínum
augum var hann ástarmálari þjóðar­
innar á síðustu öld. Þetta voru afar
rómantískar myndir. Hann var af­
skaplega hrifinn af konum og þá
meina ég ekki á óviðeigandi hátt,
hann var afar góður við sína eigin­
konu en var hugfanginn af kven­
legri fegurð og ástinni. Hann bar líka
mikla virðingu fyrir konum og kom
þannig fram við þær. Hann var mjög
ljúfur og góður maður en þurfti að
berjast hart fyrir sínu á tímum þegar
ekki ríkti kannski mikill skilning­
ur á myndlist hér á landi. Þetta voru
erfiðir tímar. Hann lærði í Danmörku
og var þá hluti af frægum hópi mynd­
listarmanna sem kölluðu sig Kamm­
eraderne. Hann var búinn að öðlast
ákveðinn sess í Danmörku og hefði
getað náð enn lengra en flúði heims­
styrjöldina síðari til Íslands.“
Umræddur hópur var mikið í
grafík og segir Gréta að Jón hafi
verið í hópi fárra listamanna sem
voru brautryðjendur í grafíklist
hér á landi. Hann málaði jafnframt
fígúratívar myndir af fólki sem og
abstraktmyndir og myndir sem voru
mitt á milli þess að vera fígúratívar
og abstrakt.
Í ýmsum hönnunargripum
Grétu lifir myndlist Jóns Engilberts
áfram og skilar sér til almennings.
Þar má nefna boli, slæður, klúta og
skjólur (buff). Þetta eru ákaflega fal­
leg klæði og fegurð myndlistar Jóns
rennur þar saman við smekklega
og listræna hönnun Grétu. Ónefnd­
ir eru fiber­klútar til afþurrkunar á
gleraugum, og púðar sem eru mikil
heimilisprýði.
Til hliðar við þetta hannar Gréta
líka fallega skartgripi, meðal annars
úr leðri og nikkelfríum efnum sem
eru ekki ofnæmisvaldandi.
Athygli vekur hvað verðlagt er
lágt hjá Engilberts hönnun þegar
haft er í huga að hér er um að ræða
vandaða íslenska hönnun. Sem
dæmi má nefna að bolir – en þeir
eru fyrir bæði kynin – eru á aðeins
6.900 krónur, slæður eru á 12.900
krónur og skjólurnar (buffin) á 4.500
krónur.
„Það er einfaldlega stefna hjá
mér að bjóða íslenska hönnun á
þannig verði að allir geti haft efni á
henni,“ segir Gréta. Vefverslunin er
á vefslóðinni engilberts­honnun.is
en margir hafa gaman af að koma í
verslun Grétu, skoða úrvalið og gera
góð kaup. Verslunin er til húsa að
Rofabæ 9, opið er virka daga frá kl.
14 til 18 og laugardaga frá 11 til 16. n