Dagblaðið Vísir - DV - 06.10.2017, Blaðsíða 20

20 umræða
Útgáfufélag: Frjáls fjölmiðlun ehf. Stjórnarformaður: Sigurður G. Guðjónsson Framkvæmdastjóri: Karl
Garðarsson ritstjórar: Kolbrún Bergþórsdóttir og Sigurvin Ólafsson ritstjóri dv.is: Kristjón Kormákur
Guðjónsson aðstoðarritstjóri dv.is: Einar Þór Sigurðsson Prentun: Landsprent Dreifing: Árvakur
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds. Öll viðtöl blaðsins eru
hljóðrituð. Notkun á efni blaðsins er óheimil án samþykkis.
aðalnúmer: 512 7000
auglýsingar: 512 7050
ritstjórn: 512 7010
fréttaskot
512 70 70
Heimilisfang
Kringlan 4-12, 4. hæð
103 Reykjavík
Sandkorn
Helgarblað 6. október 2017
Í
dag birtir DV ítarlega umfjöllun
sem sýnir á sláandi hátt varnar-
leysi ungmenna andspænis níð-
ingum í netheimum. Hún opin-
berar einnig að engin bönd virðast
halda þeim níðingum sem vilja
brjóta kynferðislega á börnum og
unglingum.
Til að kanna níðingsskap á
netinu bjuggu blaðamenn DV,
Kristjón Kormákur Guðjónsson
og Guðrún Ósk Guðjónsdóttir,
til Facebook-síðu fyrir unglings-
stúlku, Sigrúnu Ósk. Ungur ald-
ur Sigrúnar fór sannarlega ekki
á milli mála en margir karl-
menn létu það ekki aftra sér frá því
að hafa samband við hana gegn-
um Facebook-síðuna. Það virtist
einmitt vera hinn ungi aldur sem
heillaði þá sérstaklega. Þetta eru
níðingar sem svífast einskis. Það að
svipta unglingsstúlku sakleysi sínu
er nokkuð sem þeir setja ekki fyrir
sig.
Það er nöturlegur veruleiki að
unglingsstúlkur geta búist við því
að fá viðbjóðsleg skilaboð og til-
boð um kynlíf verði þeim á að
samþykkja vinabeiðni frá
ókunnugum karlmönnum
á Facebook. Í umfjöllun DV
koma við sögu nokkrir slíkir
menn sem fóru meðal annars
fram á það að unglingsstúlk-
an sendi þeim nektarmynd-
ir af sér og hitti þá til að eiga við þá
kynmök. Einn þessara einstaklinga
er skólabílstjóri sem er í samskipt-
um við börn svo að segja á hverjum
degi. Búast má við að hann horfi
þar girndaraugum á einhver þeirra.
Annar maður, sem opinberaði
löngun sína til að hafa kynmök við
Sigrúnu, er með nauðg unardóm á
bakinu. Hann ætlaði að ná mark-
miði sínu og hótaði að skaða sig léti
hún ekki að vilja hans.
Hinir fullorðnu geta vissulega
ekki vaktað börn sín öllum stund-
um en það er mikilvægt að þau ræði
við þau um hinar miklu hættur sem
geta fylgt því að samþykkja vina-
beiðni á Facebook frá ókunnugum.
Sigrún Ósk er persóna sem blaða-
menn DV bjuggu til. Hún var á Face-
book, rétt eins og flestir unglingar,
og svaraði ókunn-
ugum karlmönnum
sem höfðu samband
við hana. Hin venju-
lega íslenska tán-
ingsstúlka getur auð-
veldlega lent í sömu
stöðu, svarað ókunn-
ugum og fengið yfir sig
sóðalegar spurningar
og viðbjóðsleg tilboð.
Enginn á að efast um
hvaða afleiðingar slíkt
hefur fyrir sálarlíf við-
komandi unglings-
stúlku.
Blaðamaður DV,
Kristjón Kormákur, sat
fyrir rútubílstjóranum
sem hafði verið í miklu
sambandi við Sigrúnu
Ósk og spurði hann
hvort hann hefði ekki
velt því fyrir sér hvort
hann væri að gera eitthvað rangt.
Svarið var ekki afdráttarlaust, hann
sagði: „Jú,jú, ég hef alveg hugsað
það.“ Hann sagðist ekki búast við
því að endurtaka leikinn. Svar sem
bendir til að hann útiloki það samt
ekki. Frá honum kom ekki ákveðið:
„Aldrei aftur!“ Það hlýtur að fara
hrollur um okkur. n
Níðingarnir á netinu
Vill fella niður gjald
formannsins
Áslaug Arna Sigurbjörnsdóttir,
varaformaður Sjálfstæðisflokks-
ins, hefur lýst því yfir að hún
vilji fella niður stimpilgjöld
á íbúðarkaupum. Segir hún
gjöldin ósanngjarnan skatt og
vera dæmi um lög sem sett séu
af stjórnmálamönnum sem gæti
hagsmuna ríkisins en ekki al-
mennings. Gjaldið sem vara-
formaðurinn vill fella niður er
hluti af lögum sem Bjarni Bene-
diktsson, formaður Sjálfstæðis-
flokksins, lagði fram árið 2013 í
tíð sinni sem fjármálaráðherra.
Voru þá stimpilgjöldin hækkuð
hjá einstaklingum úr 0,4% í 0,8%
á meðan önnur gjöld voru felld
niður. Spyrja má hvort varafor-
maðurinn sé að segja að hennar
eigin formaður og þingmenn hafi
verið að gæta hagsmuna ríkisins
en ekki almennings.
Valkvíði Miðflokksins
Ekki liggur fyrir
hvernig Mið-
flokkurinn rað-
ar á lista, en
það getur skipt
miklu máli á
kjördegi. Þannig
er spurt hvort
Sigmundur Davíð
Gunnlaugsson muni halda sig við
Norðausturkjördæmi, eða hvort
hann muni taka slaginn í sínum
heimahögum, Suðvesturkjör-
dæmi. Þá beinist athyglin ekki
síður að Gunnari Braga Sveins-
syni. Bergþór Ólason mun leiða
lista Miðflokksins í Norðvestur-
kjördæmi fyrir Miðflokkinn, sem
hefur verið heimavöllur Gunnars
Braga hingað til. Það gerir málið
snúnara fyrir Gunnar Braga sem
þarf þá að leita á önnur mið. Ekki
liggja fyrir sundurliðaðar kann-
anir á fylgi Miðflokksins og því
ekki vitað hvar á landinu það er
mest. Sá á kvölina sem á völina.
Sóðaleg
kosningabarátta
Kosningabaráttan fer heldur frið-
samlega af stað að minnsta kosti
á yfirborðinu. Enginn stjórn-
málamaður hefur stigið fram
með óvenju stór gífuryrði í garð
annarra flokka fyrir utan Jimmie
Savile ummæli Smára McCarthy
og samlíkingar Brynjars Níelsson-
ar á Samfylkingunni
og Hugo Chavez. Þó
ber á sóðaskap,
margir notend-
ur Fésbók-
ar hafa
tekið eftir
kostuð-
um færslum
nafnleysingja
þar sem búið er
að eiga við mynd-
ir af frambjóðendum á
ósmekklegan hátt, YouTube-not-
endur sömuleiðis, auk ómálefna-
legra límmiða á strætisvagna-
skýlum. Vonandi verður slíkur
skæruhernaður ekki framtíð ís-
lenskrar kosningabaráttu. For-
ystumenn flokkanna ættu að
senda skýr skilaboð til síns fólks
um að slíkt megi ekki gerast.
Fólk er þremur launaseðlum
frá fjárhagslegu þroti
Þú ert landsins
mesti töffari!
Tími sterka leiðtogans
(kk.) er liðinn undir lok
Ragnar Þór Ingólfsson – DV Unnur Brá Konráðsdóttir um Brynjar Níelsson – eyjan.is Þorgerður Gunnarsdóttir – Fréttablaðið
„Hin venjulega
íslenska
táningsstúlka getur
auðveldlega lent í
sömu stöðu, svarað
ókunnugum og fengið
yfir sig sóðalegar
spurningar og
viðbjóðsleg tilboð.
Myndin Stari Starar una sér vel í nábýli við mannfólk og eiga til að flögra í feiknastórum hópum þegar kvölda tekur. MyND SIGtRyGGUR ARI
Leiðari
Kolbrún Bergþórsdóttir
kolbrun@dv.is