Fréttablaðið - 27.11.2017, Blaðsíða 2

Veður
Hæg norðlæg eða breytileg átt á
landinu. Víða léttskýjað, en dálítil él
með norður- og austurströndinni.
Kalt í veðri og gætu tveggja stafa
frosttölur sést í öllum landshlutum.
sjá síðu 22
®
Reykjavík Borgarráð Reykjavíkur
hefur samþykkt að opna á ný
almenningssalerni í skiptistöð
Strætó við Þönglabakka í Breið-
holtinu og stendur til að salernin
verði opnuð um mánaðamótin.
Gestum skiptistöðvarinnar mun
þá standa til boða að greiða 200
krónur fyrir aðgang að klósettinu,
með greiðslukorti.
Kjartan Magnússon, fulltrúi
Sjálfstæðisflokksins í borgarráði,
segir þetta skref í rétta átt en hann
hefur undanfarið lagt fram tillögur
er varða skiptistöðina. Hins vegar
sé enn þörf á að ráðast í ýmsar lag-
færingar.
„Ég held að það séu tvö ár síðan
ég lagði fram tillögu um að það yrði
farið í uppfærslu. Það var ýmislegt
sem þurfti að laga. Salernin voru
ekki í notkun, svo þurfti að endur-
nýja húsbúnað og koma fyrir fleiri
sætum vegna þess að notkunin á
skiptistöðinni hefur aukist mjög
mikið,“ segir Kjartan og bætir
við að jafnframt sé mikilvægt að
skiptistöðin verði opin farþegum
á kvöldin.
Kjartan setur hins vegar spurn-
ingarmerki við það að rukkað sé
inn á salernin og það eingöngu
með greiðslukortum. Vill hann að
borgarráð ræði saman um fram-
kvæmdina og komist að sameigin-
legri niðurstöðu um hana. „Ég vil
ræða prinsippið sem slíkt og upp-
hæðina. Og svo þetta að menn þurfi
að hafa greiðslukort til að komast
á salerni. Hvað með börn og ungl-
inga? Svo er líka til fullorðið fólk
sem hefur ekki greiðslukort,“ segir
Kjartan.
„Þannig að við óskum eftir því
að þetta verði rætt og það verði
komið til móts við þá sem hafa ekki
greiðslukort,“ bætir Kjartan við og
segir að ókeypis sé inn á næstum
því öll almenningssalerni á vegum
borgarinnar.
Kjartan lagði fram tillögu um
opnun þessara salerna og fjölgun
sæta í biðsal síðast í júní. Sú tillaga
var felld en fulltrúar Samfylkingar-
innar, Bjartrar framtíðar, Pírata og
Vinstri grænna greiddu þá atkvæði
gegn henni. Um fjórar milljónir
manna fara árlega um skipti-
stöðina og þar á meðal farþegar
sem fara með vögnum Strætó út
á land. Einkahlutafélagið Sannir
landvættir mun sjá um rekstur
salernisins. Það er í eigu verkfræði-
stofunnar Verkís og Bergrisa hug-
búnaðar ehf. thorgnyr@frettabladid.is
Einungis hægt að pissa
með greiðslukorti
Almenningssalerni í skiptistöð Strætó í Mjóddinni verða opnuð aftur á næstunni.
Mun kosta 200 krónur og eingöngu verður hægt að greiða með greiðslukortum.
Borgarfulltrúi segir að koma þurfi til móts við börn og aðra sem eiga ekki kort.
Ein stærsta skiptistöð Strætó er í Mjóddinni. Fréttablaðið/anton brink
Ég vil ræða prin-
sippið sem slíkt og
upphæðina. Og svo þetta að
menn þurfi að hafa greiðslu-
kort til að
komast á
salerni.
Kjartan Magnús-
son, borgarfulltrúi
Margt var um manninn á Jólamatarmarkaði Búrsins í Hörpu um helgina. Íslenskir bændur, sjómenn og fleiri smáframleiðendur buðu þar upp á
matarveislu sem meðal annars jólaglögg, flatköku-taco, hrútaberjasýróp og kaldreykt grálúða var á boðstólum. Fréttablaðið/anton brink
Smökkuðu jólaglögg og kaldreykta grálúðu
DaLvík Stefnt er að því að koma
upp hjólabrettabraut í Dalvíkur-
byggð. Áætlaður kostnaður við
verkefnið er tæpar sex milljónir
króna.
Á fundi sveitarstjórnar Dal-
víkurbyggðar í liðinni viku var
erindi þessa efnis tekið fyrir.
Fram kom að við fjárhagsáætl-
unargerð síðastliðið vor hafi
láðst að fjalla um þetta mál.
Íþrótta- og æskulýðsráð óskaði
eftir því við sveitarstjórn hvort
hægt væri að gera ráð fyrir einni
braut á fjárhagsáætlun ársins
2018.
Sveitarstjórn ákvað á fundi
sínum að leggja tillöguna fram
til kynningar en áður hafði
byggðarráð tekið vel í hugmynd-
ina og vísað henni til sveitar-
stjórnar. – jóe
Sex milljóna
hjólabrettabraut
byggð á Dalvík
sTjÓRNMáL Allir flokkarnir þrír, sem
nú ræða ríkisstjórnarsamstarf, vilja
fá ráðuneyti samgöngu- og sveitar-
stjórnarmála í sinn hlut. Einkum eru
það ráðherraefni úr landsbyggðar-
kjördæmunum sem hafa áhuga á
þeim ráðherrastól. Þetta herma
heimildir Fréttablaðsins.
Þingflokkar flokkanna þriggja
munu funda í dag og ræða næstu
daga. Stefnt er að því að flokks-
stofnanir hvers flokks um sig komi
saman í miðri viku til að ræða sam-
starfið. Áður en til þeirra funda
kemur munu þingmenn flokkanna
þó geta gefið athugasemdir við fyrir-
liggjandi samkomulag.
Fái samstarfið grænt ljós frá
flokksmönnum munu formenn
flokkanna gera tillögu við þing-
flokka sína um hvaða ráðherra-
embætti falli í hlut hvers flokks.
Ráðherraefnin munu því eigi liggja
fyrir fyrr en afstaða flokksmanna
liggur fyrir. Gangi allt eftir er stefnt
að því að fyrsti ríkisráðsfundur
nýrrar ríkisstjórnar verði föstudag-
inn 1. desember næstkomandi, á 99
ára fullveldisafmæli Íslands.
Allt frá því hugmyndir um skipt-
ingu fjármála- og efnahagsráðu-
neytisins í tvö ráðuneyti láku í
fjölmiðla hefur skipting ráðuneyta
ekki verið rædd með formlegum
hætti, fyrr en nú á lokametrum
viðræðnanna. Útlit er fyrir að Sjálf-
stæðisflokkurinn fái fimm ráðherra-
stóla en Vinstri græn og Framsókn
þrjá hvor. Heimildir Fréttablaðsins
herma að sótt sé að Bjarna Bene-
diktssyni að tryggja að Sjálfstæðis-
flokkurinn fái forseta þingsins fari
svo að flokkurinn fái aðeins fimm
ráðuneyti. – aá, jóe
Allir vilja fá
samgöngumálin
Stefnt er að fyrsta ríkis-
ráðsfundi nýrrar ríkisstjórn-
ar á föstudaginn, á 99 ára
fullveldisafmæli Íslands.
2 7 . N Ó v e M b e R 2 0 1 7 M á N u D a G u R2 f R é T T i R ∙ f R é T T a b L a ð i ð
2
7
-1
1
-2
0
1
7

0
4
:2
6
F
B
0
5
6
s
_
P
0
5
5
K
.p
1
.p
d
f
F
B
0
5
6
s
_
P
0
5
5
K
.p
1
.p
d
f
F
B
0
5
6
s
_
P
0
0
2
K
.p
1
.p
d
f
F
B
0
5
6
s
_
P
0
0
2
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
E
5
3
-E
C
B
4
1
E
5
3
-E
B
7
8
1
E
5
3
-E
A
3
C
1
E
5
3
-E
9
0
0
2
7
5
X
4
0
0
.0
0
1
1
B

F
B
0
5
6
s
_
2
6
_
1
1
_
2
0
1
C
M
Y
K