Morgunblaðið - 24.06.2017, Qupperneq 44

44 MENNING
MORGUNBLAÐIÐ LAUGARDAGUR 24. JÚNÍ 2017
Tvær stuttmyndir eftir íslenska
leikstjóra eru á dagskrá alþjóðlegu
stuttmyndahátíðarinnar í Palm
Springs í Kaliforníu sem hófst 20.
júní og lýkur á mánudaginn. Ann-
ars vegar er það stuttmynd Brúsa
Ólasonar, Sjáumst eða See ya á
ensku, og hins vegar stuttmynd
Uglu Hauksdóttur, How Far She
Went.
Brúsi stundar nám í leikstjórn og
handritsgerð við hinn virta Col-
umbia-háskóla í New York og tók
fyrrnefnda stuttmynd upp á Sel-
fossi í fyrrasumar. Myndin var
frumsýnd í apríl sl. á Aspen Film
Shortsfest sem er ein virtasta stutt-
myndahátíð Bandaríkjanna líkt og
sú í Palm Springs. Myndin fjallar
um fótboltakappa sem býðst tæki-
færi til að leika erlendis en hann
hefur efasemdir um að yfirgefa
sinn ástkæra heimabæ. Með aðal-
hlutverk fara Haraldur Stefánsson
og Ólafur Ásgeirsson og er myndin
fyrsta árs skólaverkefni Brúsa í
Columbia.
Ugla lauk meistaranámi í leik-
stjórn við sama skóla, Columbia, í
fyrra og hlaut í desember sl. verð-
laun Samtaka bandarískra leik-
stjóra, Directors Guild of America,
sem besti kvenleikstjóri fyrir út-
skriftarmynd sína sem nú er sýnd í
Palm Springs. Myndin er byggð á
smásögu eftir Mary Hood og segir
af sambandi eldri konu og barna-
barns hennar, táningsstúlku sem
hún annast. Spenna er á milli þeirra
og stúlkunni leiðist. Hún stingur af
og hittir fyrir unga menn sem reyn-
ast heldur vafasamir og amman
grípur inn í atburðarásina sem hef-
ur sínar afleiðingar. Myndin hlaut
bæði áhorfendaverðlaun og var
kosin besta myndin af nemendum
Columbia þegar hún var frumsýnd í
Lincoln Centre í fyrra. Með aðal-
hlutverk í myndinni fara Johanna
Day, Jordyn DiNatale, Will Pullen
og Carl Lundstedt.
Hátíðarstund Brúsi Ólason, leikstjóri
og handritshöfundur, með Katrínu Aage-
stad Gunnarsdóttur, aðstoðarleikstjóra og
grafískum hönnuði, í Kaliforníu í fyrradag.
Tveir Íslendingar sýna í Palm Springs
Þorgerður Anna Gunnarsdóttir
thorgerdur@mbl.is
„Ég ákvað að tækla þetta þannig að
ég gerði verk utan um verk ann-
arra,“ segir Arnar Ásgeirsson sem
þreytir frumraun sína sem sýning-
arstjóri í Nýlistasafninu með opnun
sýningarinnar HAPPY PEOPLE í
dag, laugardag. Arnar er
myndlistarmaður sem aðeins hefur
sýnt eigin verk áður en nú ætlar
hann að breyta Nýlistasafninu í
reykstofu.
„Ég hafði samband við fjölda lista-
manna sem hafa annaðhvort búið til
verk sérstaklega fyrir sýninguna
eða við höfum valið reykjanleg verk
úr þeirra safni,“ segir Arnar og út-
skýrir að hann sé búinn að smíða
stórar vatnspípur sem verk lista-
mannanna eru svo sett inn í.
Ný verk í pípurnar vikulega
Á opnuninni verður hægt að
reykja verk eftir Hrein Friðfinns-
son, Eggert Pétursson og Hrafnhildi
Helgadóttur auk tveggja erlendra
listamanna, Mehraneh Atashi frá Ír-
an og Loidys Carnero frá Kúbu.
Verkunum verður svo skipt út viku-
lega í sumar, á fimmtudögum, þar
sem ný verk eru sett í pípurnar og
þau reykt. Þá verða líka ýmsar
uppákomur eins og tónlist og gjörn-
ingar. Restina af vikunni standa
verkin eins og þau voru skilin eftir.
„Hugmyndin er að njóta listar á nýj-
an hátt,“ segir Arnar.
Hann segist vera á algjörlega nýj-
um slóðum þar sem hann sjálfur sé
hvorki sýningarstjóri né reykinga-
maður. „Ég lærði í Amsterdam og
þar er auðvitað mikil reykingamenn-
ing. Ég fékk innblásturinn þaðan og
langaði að vinna eitthvað með
þetta,“ segir hann og að þetta sé lík-
lega einmitt rétta mómentið til að
vera með sýningu af þessu tagi
vegna „vape“-menningarinnar.
„Kannski er listavettvangurinn ein-
mitt kjörinn þar sem það má aldrei
reykja neins staðar lengur.“
Aðspurður hvort ekki sé skrýtið
að vera að hvetja fólk til reykinga
játar Arnar því en segist hafa valið
ávaxtatóbak með mjög litlu nikótíni
í. „Þetta er líka þannig að fólk getur
komið á sýninguna en þarf ekki að
reykja. Það er líka bara hægt að
horfa á annað fólk reykja og njóta
listarinnar svoleiðis,“ segir hann og
að það myndist einskonar mystískt
andrúmsloft í kringum verkin inni í
pípunum.
Þola ekki raka og breytast
Arnar segir líka furðulega lítinn
reyk berast í andrúmsloftið. „Á opn-
uninni verður Darri Lorenzen
reyndar með eins konar gjörning
eða innsetningu þar sem hann
blandar saman vídeói, hljóði og reyk
sem er framleiddur með reykvél.“
Verkin segir Arnar vera mismun-
andi að gerð og stærð. Sum þoli raka
ekkert sérstaklega vel og muni því
breytast eitthvað þegar þau hafa
verið reykt á meðan önnur þoli rak-
ann algjörlega. „Þarna verða verk úr
keramík og bronsi sem þola rakann
en svo verða líka teikningar og mál-
verk á pappír sem líklega munu taka
breytingum,“ segir hann. Í rýminu
verða fimm vatnspípur í mismun-
andi stærðum og getur einn reykt
hverja pípu í einu.
Arnar býður alla velkomna til að
koma að reykja eða horfa á annað
fólk reykja.
Morgunblaðið/Ófeigur
Reykur Arnar breytir Nýlistasafninu í reykstofu þar sem öllum er velkomið að reykja verk eftir ýmsa listamenn.
Reykingar ný leið til
að njóta listarinnar
 Sýningin HAPPY PEOPLE opnuð í Nýlistasafninu
River únd bátur nefnist önnur
einkasýning Davíðs Arnar Halldórs-
sonar sem opnuð verður í Hverfis-
galleríi í dag kl. 16. Samkvæmt upp-
lýsingum frá galleríinu er þema
sýningarinnar forgengileiki lista-
mannsins sem þarf að svamla áfram
eða sökkva til botns.
„Verk Davíðs Arnar eru abstrakt
málverk og eru jafnan mjög litrík
og byggjast yfirleitt á atburðum úr
hversdagslífinu. Verkin eru per-
sónuleg úrvinnsla á umhverfi hans
sem hann varpar fram í myndmáli
sem vísar í teiknimyndir, graffíti,
pop list og vestræna listasögu. Bak-
grunnur Davíðs Arnar í grafík er
einnig áþreifanlegur í verkunum og
sá efnislegi grunnur sem hann
byggir list sína á. Davíð Örn vinnur
að mestu með lakk og sprey og
vinnur oft beint á nytjahluti úr við
sem undirlag, ýmist skápahurðir
eða borðplötur, og gefur þeim fram-
haldslíf og nýjan, fagurfræðilegan
tilgang.
Sýningin í Hverfisgalleríi saman-
stendur af innsetningu sem rambar
á barmi skynvillu. Í öllum verk-
unum verður til samofin heild lita
og forma sem segja sögur og eru
ævintýralega sérstæð og sveipuð
dulúð,“ segir í tilkynningu.
Davíð Örn býr og starfar í
Reykjavík og hefur mestmegnis
unnið við málverk síðan hann út-
skrifaðist úr myndlistardeild LHÍ
2002. Hann hefur haldið fjölda
einkasýninga og tekið þátt í sam-
sýningum hér á Íslandi og víða er-
lendis. Árið 2014 hlaut hann Carne-
gie Art Award-styrk í flokki ungra
listamanna.
Forgengileikinn skoðaður
Ljósmynd/Vigfús Birgisson
Litríkt Skrifborð (natúrtisch) frá árinu 2017, blönduð tækni á fundinn við.
Söfn • Setur • Sýningar
LISTASAFN ÍSLANDS
FJÁRSJÓÐUR ÞJÓÐAR 7.4.2017 - 31.12.2019
Valin verk úr safneign
HRAFNHILDUR ARNARDÓTTIR / SHOPLIFTER
Taugafold VII / Nervescape VII 26.5. - 22.10. 2017
STEINA - ELDRÚNIR (PYROGLYPHS) 4.3. - 20.8.2017
VASULKA-STOFA Miðstöð fyrir raf- og stafræna list á Íslandi
SAFNBÚÐ - Listrænar gjafavörur
KAFFISTOFA - Ljúffengar veitingar
Fríkirkjuvegi 7, 101 Reykjavík, sími 515 9600, www.listasafn.is.
Listasafn Íslands er opið alla daga kl. 10-17.
LISTASAFN SIGURJÓNS ÓLAFSSONAR
SAMSKEYTINGAR 3.9.2016 - 17.09.2017
Opið daglega kl. 14-17, lokað mánudaga. Laugarnestanga 70, sími 553 2906, www.lso.is
Kaffistofa – heimabakað meðlæti.
SAFN ÁSGRÍMS JÓNSSONAR
ÓGNVEKJANDI NÁTTÚRA 2.10.2016 - 14.9.2017
Safnið er lokað frá mánudeginum 26. júni. Opnar aftur þriðjudaginn 4. júlí.
Bergstaðastræti 74, sími 561 9616, www.listasafn.is
Þjóð verður til – Menning og samfélag í 1200 ár
grunnsýning Þjóðminjasafnsins
Fuglarnir, fjörðurinn og landið í Myndasal
Ísland í heiminum, heimurinn í Íslandi í Bogasal
Hugsað heim á Vegg
Safnbúð fjölbreytt úrval gjafavöru
Kaffitár ljúfar veitingar í fallegu umhverfi
Sýningin Sjónarhorn Ferðalag um íslenskan myndheim fyrr og nú
Jónsbók, kirkjulist, skjöl, samtímalist, alþýðulist, plötuumslög,
ljósmyndir, landakort, vaxmynd og margt fleira
Krossfestingarmynd á skinnblaði frá 14.öld
Spegill samfélagsins 1770
Almúgi og embættismenn skrifa Danakonungi
Fræðslurými og skemmtilegt fræðsluefni fyrir alla fjölskylduna.
Safnbúð Bækur og gjafavörur í úrvali
Julia&Julia ljúfar veitingar í fallegu umhverfi.
Safnahúsið er hluti af Þjóðminjasafni Íslands
Hverfisgata 15, 101 Reykjavík s: 530 2210
www.safnahusid.is - https://www.facebook.com/safnahusid/
Opið alla daga frá 10-17
SAFNAHÚSIÐ VIÐ HVERFISGÖTU
ÞJÓÐMINJASAFN ÍSLANDS
Þjóðminjasafn Íslands, Suðurgötu 41, s. 530 2200,
www.thodminjasafn.is • www.facebook.com/thjodminjasafn
Opið alla daga frá 10-17.