Morgunblaðið - 31.07.2017, Blaðsíða 25

DÆGRADVÖL 25
MORGUNBLAÐIÐ MÁNUDAGUR 31. JÚLÍ 2017
Stjörnuspá
21. mars - 19. apríl 
Hrútur Til að slá í gegn á einni nóttu þarf
margra ára undirbúning, ekki bara nokkrar
klukkustundir. Sættu þig bara við það.
20. apríl - 20. maí 
Naut Þú verður að finna upp á einhverju til
að fá útrás fyrir athafnaþörf þína. Vonir um
velgengni í framtíðinni auðvelda þér að tak-
ast á við skyldur dagsins í dag.
21. maí - 20. júní 
Tvíburar Þú átt auðvelt með að hafa áhrif á
annað fólk og telja það á þitt band. Mundu að
sannleikurinn er sagna bestur.
21. júní - 22. júlí 
Krabbi Til er japanskt máltæki sem líkir
heppni við það að hrísgrjónasoðkaka fljúgi
upp í munninn á manni. Þú skalt þó ekki
halda að þú fáir alla hluti upp í hendurnar án
þess að vinna fyrir þeim.
23. júlí - 22. ágúst 
Ljón Sumir velja að ríghalda í dramatíkina í
lífi sínu og halda að erfiðleikar þeirra geri þá
sérdeilis áhugaverða. Eitthvað úr fortíð þinni
mun líklega koma upp í huga þinn eða í sam-
ræðum.
23. ágúst - 22. sept. 
Meyja Lausn verkefnis þíns liggur nær þér en
þig grunar í fljótu bragði. Ræddu framtíðar-
drauma þína við aðra og vittu hvað þeir
segja. Notaðu daginn til þess að gera sjálfum
þér eitthvað til góða.
23. sept. - 22. okt. 
Vog Hafirðu ekki fulla stjórn á skapi þínu
skaltu halda þig til hlés svo það bitni ekki á
öðrum. Enginn hlutur er svo dýr að það setji
lífið á annan endann, þótt hann týnist.
23. okt. - 21. nóv.
Sporðdreki Daður annarra kemur þér á
óvart í dag hvort sem er á vinnustað eða við
bankaborð – og þú veist vart hvaðan á þig
stendur veðrið. Vertu bjartsýn/n og opnaðu
vasana.
22. nóv. - 21. des.

Bogmaður Þér finnast athugasemdir eða
kröfur annarra hefta þig. Gakktu úr skugga
um að þín nálgun sé áhrifaríkust.
22. des. - 19. janúar 
Steingeit Þú einbeitir þér að stóru myndinni
í stað þess að tapa þér í smáatriðunum –
svona eins og þroskað fólk gerir. Gerðu það
sem til þarf til að koma þér í samt lag.
20. jan. - 18. febr. 
Vatnsberi Stundum eiga menn það til að
misskilja góðsemi þína. Dirfska þín í verk-
efnavali vekur aðdáun annarra. Svo má reyna
möntruna: „Ég lækna sjálfan mig og aðra.“
19. feb. - 20. mars

Fiskar Þú getur raðað hlutunum saman til að
finna svo jákvæða lausn að hún breytir lífi
þínu. Búðu þig undir að berjast fyrir þínum
málstað og láttu ekki hugfallast þótt það taki
tímann sinn.
Ármann Þorgrímsson yrkir ísumarblíðunni fyrir norðan:
Ástin hefur ótal stig
oft er gott á milli vina
samt elska flestir sjálfan sig
og sína meira en alla hina.
Þetta kallaði á viðbrögð á Boðn-
armiði. Jón Gissurarson rifjaði upp
stöku eftir Stefán Sveinsson frá
Hóli í Svarfaðardal, síðar forn-
bóksala í Reykjavík, sem hann orti
fjörgamall maður. (Sumir segja að
hann hafi verið á banabeðinum):
Lífs þó fenni ljórann á
ligg ég enn og stari.
Í mér brennur óljós þrá
eftir kvennafari.
Kristjana Sigríður Vagnsdóttir
bætti við „Óútreiknanleg“:
Á mig rennur hálfgert hik
helst of strembin milli vina
Ástin hún er hverful hvik
kvelur stundum þessa og hina.
Ástin hún er fimmbul fljót
flaskar oft í starfi og glaumi.
Allt þar stefnir rót í rót
rennur á á móti straumi.
Erfðamál geta orðið flókin, –
Hjálmar Freysteinsson yrkir á
heimasíðu sinni:.
Á Spáni hún sprangar um sali,
spakleg í fasi og tali,
upp á við legg-
ur sitt yfirskegg
og svipar til Salvador Dali.
En nú að öðru. Það eru „róleg-
heit“ segir Helgi R. Einarsson:
Fram á lappirnar lá ’ann
að liggja þannig víst má ’ann,
því hann er hundur
og heilmikið undur.
Mann syfjar bara’ af að sjá ’ann.
Utan úr heimi berast við-
stöðulaust tíðindi af afreksmönnum
í hinum ýmsu íþróttagreinum.
Helgi víkur hér að „íþróttahetj-
unni“:
Að lokum víst Sigmundur sæti
sagðist það vilja og gæti.
Er ísinn loks braut
og braust um sem naut
brutust út fagnaðarlæti.
Hallmundur Guðmundsson segir
á Boðnarmiði að þegar ekki sé gos
né önnur óáran á suðurhelmingi
Klakans leiðist sér norðanáttin
óendanlega:
Norðangarrinn gerir mér
grikk og lundu fúla.
Bölvað er að basla hér,
blásinn út með túla
Halldór Blöndal
(halldorblondal@simnet.is)
Vísnahorn
Af ást, yfirskeggi
og rólegheitum
Í klípu
„ÉG SVINDLAÐI EKKI Á DAUÐANUM
– ÉG VANN ÞETTA Á HEIÐARLEGAN HÁTT.“
eftir Mike Baldwin eftir Jim Unger
„VEIT EINHVER HVAR
MINJAGRIPABÚÐIN ER?“
Hermann
Ferdinand
Hrólfur hræðilegi
Grettir
... þegar hægist á
ástríðunni en vin-
skapurinn hraðar sér!
SJÁÐU, GRETTIR… ÞETTA
ER HINN NÝI ÍHALDSSAMI
TÍSKULEGI ÉG!
STÍLL OG KLASSI. HVAÐ
ÞARF EINN GAUR MEIRA?
ÖMM…
BUXUR?
ÞÚ GETUR
KOMIÐ AFTUR
AÐ BORÐINU,
HRÓLFUR!
ÞJÓNNINN KOM
LOKSINS TIL
ÞESS AÐ NÁ NIÐUR
PÖNTUNINNI
OKKAR!
Grindavík er áhugaverður bær aðskoða. Sýnilega er mikil
gróska í öllu þar; mikil umsvif og
gaman að vera við höfnina þegar
bátarnir, litlir sem stórir, koma
drekkhlaðnir að landi. Að vel
veiðist er undirstaða góðrar af-
komu og Grindvíkingar virðast
komast vel af. Bærinn er vel hýst-
ur, bílar yfirleitt nýlegir og fínir og
úr utanlandsferðum þekkir Víkverji
að oft eru í hópnum Grindvíkingar;
harðduglegt fólk, kátt fólk og lífs-
glatt. Saltfiskbærinn, eins og
Grindavík er stundum nefnd, hefur
líka þróast mjög skemmtilega og er
öðrum þræði orðinn ferðamanna-
staður, með margvíslegri þjónustu
og afþreyingu. Mikilvægt er þó að
Grindjánar, eins og gárungarnir
segja, haldi í sérkenni bæjarins og
gleymi sér ekki í glysgirni ferða-
þjónustunnar. Fyrst og síðast er
Grindavík sjávarútvegstaður og
verstöð, og í þau sérkenni ber að
halda í kynningu á bænum.
x x x
Flúðir minna Víkverja stundum áútlönd. Veðursæld þar er við-
brugðið og þegar hnjúkaþeyrinn
berst ofan af hálendinu fer hitastig-
ið oft í tuttugu gráður og þaðan af
hærra. Það er gott fyrir gróður,
svo sem útiræktun garðyrkju-
bænda, en á Flúðum og þar í kring
er framleiddur góður hluti af því
grænmeti sem Íslendingar þurfa.
Það er fín verslun á Flúðum, sund-
laugar og tjaldsvæði sem er mikið
sótt. Margir koma þangað um
hverja helgi. Slíkt eru góð með-
mæli.
x x x
Nýlega var Víkverji á Raufar-höfn, þangað sem hann hafði
ekki komið í tæplega 20 ár. Margt
hafði breyst á þeim tíma; umsvifin í
atvinnulífinu eru minni og nokkuð
er um að hús eða íbúðir standi auð-
ar. Byggðin á greinilega í vök að
verjasts. En það kemur alltaf nýr
dagur og sagan snýst í hringi. Á
síldarárunum draup smjör af
hverju strái á Raufarhöfn sem
væntanlega gerist aftur þegar olíu-
boranir norður af landinu hefjast .
vikverji@mbl.is
Víkverji
Allra augu vona á þig, þú gefur þeim
fæðu þeirra á réttum tíma, lýkur upp
hendi þinni og seður allt sem lifir með
blessun.
(Sálm. 145:15-16)