Víkurfréttir - 23.01.2003, Blaðsíða 17

VÍKURFRÉTTIR I 3. TÖLUBLAÐ I FIMMTUDAGUR 23. JANÚAR 2003 I 17
Mótmæli ársins:
Lögreglustöðin tekin
með trukki!
Eigendur flutningabíla fengu sig
fullsadda á löggunni á árinu. Þeir
fjölmenntu á farkosti sínum að
lögreglustöðinni í Keflavík og
pökkuðu henni inn með flutn-
ingatækjum sínum eftir að lög-
reglan hafði skrifað sektarmiða á
trukkana í íbúðahverfum nokkrar
nætur þar á undan. Löggan lét
bílana í friði í nokkra daga þar á
eftir en hélt síðan áfram aðgerð-
um sínum gegn ólöglegri lagn-
ingu bílanna í íbúðahverfum. Í
dag er eigendum þessara tækja
gert að geyma þá á sérmerktum
bílastæðum.
Furðuflugvél ársins:
Eins og fljúgandi hvalur!
Airbus risaflugvél hafði viðkomu í Keflavík á árinu á leið sinni áleiðis
til Syðri Straumfjarðar á Grænlandi. Vélin var að flytja risastóran sjón-
auka fyrir bandarísku geimferðastofnunina, NASA. Vélin kom hingað
til lands frá Edinborg í Skotlandi. Það var fyrirtækið Vallarvinir á
Keflavíkurflugvelli sem sá um afgreiðsluvélarinnar.
Vélin heitir Airbus 36S Beluga. Hún er í eigu Airbus-verksmiðjanna
og og er aðallega notuð til að flytja flugvélaskrokka. Hún getur borið
47 tonn af varningi, en helsti kostur vélarinnar er að hún getur flutt
hluti sem eru miklir af ummáli, þó svo þeir séu léttir.
Morðhótun ársins:
Hótað lífláti fyrir að vekja athygli á dauðum laxi
„Mér var hótað lífláti og það í
tvígang af starfsmanni sjóeldis-
fyrirtækisins en ég vakti athygli á
umgengni í og við sjóeldiskví
þess í Helguvík“, segir Tómas
Knútsson en hann er stofnandi
Bláa hersins en það er umhverf-
isfélag og hefur vakið athygli fyr-
ir vasklega framgöngu í hreinsun
í hafinu við strandir Suðurnesja
og víðar. Tómas var meðal frum-
mælenda á ráðstefnu í Eldborg í
Grindavík um “Dag vatnsins“.
Þar vakti hann athygli á slæmri
umgengni víða í hafinu og sýndi
sláandi myndir af dauðum laxi í sjókví sem hann fann í Helguvík fyrir
nokkrum misserum.
Öryggi ársins:
Ýsubitinn fékk hervörð!
Joseph Wraltson yfirhershöfðingi hjá NATO snæddi ýsubita á Kaffi
DUUS á árinu. Með honum í för var mikill öryggisvörður til að trygg-
ja það að enginn ónáðaði manninn við ýsuátið. Löggan vaktaði svæðið
og öryggisverðir skoðuðu hvern krók á stóru svæði umhverfis DUUS.
Ljósálfur ársins:
Ási samdi ljósalagið
Ásmundur Valgeirsson, sonur Val-
geirs bakara í Njarðvíkunum, er höf-
undur Ljósalagsins 2002. Hann er nú
ekki mjög þekktur lagahöfundur en
eftir Ljósalagið er nokkuð ljóst að
hann verður tekinn alvarlega á því
sviði. Ásmundur komst að því fyrir
nokkrum árum að hann hefði mjög
gaman af því að syngja enda mikill
tónlistaráhugamaður en síðast lék
hann fyrir leikmenn og stuðnings-
menn UMFN á herrakvöldi félagsins
og hafði mjög gaman af.
4. tbl. 2003 - 24 LEIDRETT 22.1.2003 17:03 Page 17