Víkurfréttir - 09.01.2014, Blaðsíða 8

fimmtudagurinn 9. janúar 2014 • VÍKURFRÉTTIR8
-ritstjórnarbréf
vf.is
Útgefandi: Víkurfréttir ehf., kt. 710183-0319 P Afgreiðsla og ritstjórn: Krossmóa 4a, 4. hæð, 260 Reykjanesbæ, sími 421 0000 P Ritstjóri og ábm.: Páll Ketilsson, sími 421 0004, pket@vf.is
Fréttastjóri: Hilmar Bragi Bárðarson, sími 421 0002, hilmar@vf.is P Blaðamenn: Olga Björt Þórðardóttir, sími 421 0002, olgabjort@vf.is, Eyþór Sæmundsson, eythor@vf.is
Auglýsingastjóri: Sigfús Aðalsteinsson, sími 421 0001, fusi@vf.is P Hönnun og umbrot: Þorsteinn Kristinsson, sími 421 0006, steini@vf.is, Þórgunnur Sigurjónsdóttir, thorgunnur@vf.is
Afgreiðsla: Rut Ragnarsdóttir, sími 421 0000, rut@vf.is, Aldís Jónsdóttir, sími 421 0000, aldis@vf.is P Prentun: Landsprent hf. P Upplag: 9000 eintök P Dreifing: Íslandspóstur
Stafræn útgáfa: www.vf.is, www.kylfingur.is
Tekið er á móti auglýsingum á póstfangið fusi@vf.is. Auglýsingar berist fyrir kl. 17 á þriðjudegi fyrir útgáfudag sem er almennt á fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Ekki er tekið á móti smáauglýsingum í síma. Sé fimmtudagur frídagur þá kemur blaðið út á miðvikudögum og þá færist skilafrestur auglýsinga fram um einn
sólarhring. Efni til Víkurfrétta skal sendast á póstfangið vf@vf.is. Aðsendar greinar birtast á vef Víkurfrétta, vf.is. Það er mat ritstjórnar hvaða aðsendu greinar birtast í prentaðri útgáfu blaðsins.
Ekki er greitt fyrir aðsent efni, texta eða myndir, hvort sem það birtist í blaðinu eða á vefsíðum Víkurfrétta.
Páll Ketilsson skrifar
-mundi
Áramótaheitið mitt? Ég ætla
ekkert að hreyfa mig. Ætla að sitja
sem fastast á þessari síðu!
SÍMI 421 0000
Miði er möguleiki! Um 15.000 miðar skiluðu sér inn í Nettó og Kaskó.
Guðrún og Kristrún unnu
stærstu Jólalukku vinningana
„Þetta kemur mér á óvart en ánægjulegt auðvitað,“
sagði Guðrún Guðmundsdóttir, húsmóðir í Reykja-
nesbæ en hún hlaut stærsta vinninginn í Jólalukku
Víkurfrétta 2013, 100 þús. króna gjafabréf í Nettó.
Guðrún og Jónas Franzson maður hennar hafa verslað
mikið í Nettó í gegnum árin og líkar vel. „Mér finnst
mjög gott að gera innkaupin í Nettó og ekki skemmir
hvað það eru góð bílastæði við verslunina,“ sagði hún í
stuttu spjalli við VF.
Ung kona í Grindavík, Kristrún Ingadóttir, vann næst
stærsta vinninginn sem var Evrópufarmiði með Icel-
andair. Hún var líka hissa þegar við hringdum í hana
til að tilkynna henni vinninginn. „Ég vinn aldrei neitt.
Þetta er æði. Þegar ég var búinn að skafa af miðanum
mínum sendi ég manninn minn í Nettó hér í Grinda-
vík þar sem ég hafði verslað en auðvitað átti ég ekki
von á því að fá svona flottan vinning“ sagði Kristrún
sem vinnur á leikskólanum Króki í Grindavík en fjöl-
skyldan flutti til Grindavíkur frá Sauðárkróki sl. sumar
en maður hennar stundar nám í Fisktækniskólanum í
Grindavík.
Um 15 þúsund miðar bárust í Nettó og Kaskó sem
dregið var úr á aðfangadag. Yfir fimm þúsund miðar í
Jólalukkunni eru með vinningum en síðan er dregið úr
þeim miðum sem eru ekki með vinningi og fólk kemur
með í Nettó eða Kaskó.
Auk tveggja stóru vinningana voru dregnir út 20 aðrir
heppnir sem hljóta konfektkassa frá Nettó og eiga að
sækja hann þangað.

Jólalukka 2013 - 100 þús. kr. gjafabréf í Nettó:
Guðrún Guðmundsdóttir, Heiðarbraut 1 Reykjanesbæ,

Evrópumiði með Icelandair:
Kristrún Ingadóttir, Marargötu 2, Grindavík

Konfektkassi frá Nettó
Jóna Þórðardóttir Guðnýjarbraut 11 Reykjanesbæ
Rósa Jóhannesdóttir Faxabraut 38d Reykjanesbæ
Áslaug Unadóttir Skólavegi 23 Reykjanesbæ
Bergþór Hugi Bjarnason Mánagötu 11 Reykjanesbæ
Heiðar Agnarsson Sunnubraut 52 Reykjanesbæ
Sveindís Pétursdóttir Leirdal 8 Vogum á Vatnsleysuströnd
Axel Ingvarsson Heiðarholti 7 Reykjanesbæ
Olav Olsen Vesturgötu 17 Reykjanesbæ
Guðbjörg Ægisdóttir Kjarrmói 1 Reykjanesbæ
Ólöf Rún Guðsveinsdóttir Efsaleiti 40 Reykjanesbæ
Kristján Pálsson Kjarrmóa 3 Reykjanesbæ
Róbert Gísla Suðurgötu 52 Reykjanesbæ
Vilhjálmur K. Ingþórsson Ásabraut 2 Sandgerði
Guðmundur F. Sigurbjörnsson Hlíðargötu 22 Sandgerði
Guðjón Pétur Stefánsson Baugholti 23 Reykjanesbæ
Þórunn Friðriksdóttir Gónhóli 20 Reykjanesbæ
Guðný S. Magnúsdóttir Baldursgarði 11 Reykjnaesbæ
Kjartan Másson Brekkustíg 35b Reykjanesbæ
Salvör Pétursdóttir Híðarvegi 68 Reykjanesbæ
Úrdráttur 16. desember:
Gísla Vigfúsdóttir Urðarbraut 4 Garði, Icelandair ferðavinningur.
Aníta K. Carter Tjarnarbakka 6 Reykjanesbæ, 15 þús. kr. gjafabréf í Nettó.
Birna Níelsdóttir Vallarási 12 Reykjanesbæ, 15 þús. kr. gjafabréf í Nettó.

Úrdráttur 9. desember:
Thelma Rut Kristinsdóttir Norðurvellir 26 Reykjanesbæ, Icelandair ferðavinningur.
Tinna Torfadóttir Greniteig 35 Reykjanesbæ, 15 þús. kr. gjafabréf í Nettó.
Marlena Kuznicka Skógarbraut 110 Reykjanesbæ, 15 þús. kr. gjafabréf í Nettó.
Besta fíkn sem til er
Margir strengja áramótaheit þegar nýtt
ár gengur í garð. Einn af þeim stórtækari
í þeim efnum er Keflvíkingurinn Eyþór
Árni Úlfarsson en hann er einn af þátttak-
endunum í sjónvarpsþáttaröð Skjás eins,
„Biggest Loser Ísland“. Verkefnið hefur
sjónvarpsstöðin unnið á Suðurnesjum en
mest á Ásbrú þar sem þátttakendur gistu
en þættirnir voru einnig teknir þar upp að
undanskildum lokaþættinum sem verður
sýndur í beinni útsendingu í vor.
Líkamsrækt er sennilega vinsælasta átaksverkefni fólks á nýju ári.
Margir hætta að nota tóbak eða reyna það. Það er ekkert mál að
hætta. Málið er að byrja ekki aftur. Heilsan er jú sennilega það
mikilvægasta í lífi hvers manns. Umræddur Eyþór notaði tæki-
færið þegar hann ákvað að reyna að komast að í sjónvarpsþátt-
unum sem sumir hafa fordæmt eða gagnrýnt. Hvað sem því líður
þá er Eyþór nú kominn á betri braut en hann var á, áður en hann
byrjaði í átakinu sem tengist „stærsta lúsernum“.
Í ítarlegu viðtali við Víkurfréttir lýsir Eyþór því á áhrifaríkan hátt
hvernig áhrif svona líkamsástand getur haft á fólk og hafði á hann.
„Ég minnist þess ekki að hafa verið eðlilegur. Ég var mjög ungur
þegar ég byrjaði að borða mér til huggunar. Mér var strítt mikið
sem krakka og ég var lítill í mér. Ég kunni ekki að standa upp fyrir
sjálfum mér eða mínum rétti. Ég komst hratt upp á það sem barn
að borða mér til huggunar og láta mér líða vel með að borða,“
segir Eyþór m.a. en hann var orðinn yfir 100 kíló þegar hann var
15 ára. Þegar hann hóf þátttöku í verkefninu var hann 249 kíló.
Núna er hann 35 ára og hann segist hafa haft áhyggjur af því að ná
ekki fertugsaldri með sama áframhaldi.
Eyþór segist gera sér grein fyrir pressunni sem þessu fylgir og
vonandi tekst honum ætlunarverkið, en hann stefnir á að létta sig
um 140 kíló. „Mér finnst ég einnig vera kominn á bragðið með
líkamsrækina og er farinn að þrá þetta adrenalín-boost sem fylgir
því að vera að æfa alveg eins og vitleysingur. Þetta er örugglega
besta fíkn sem til er,“ segir hann. Við óskum Eyþóri góðs gengis í
stærsta verkefni sem hann hefur tekið þátt í og líklega mikilvæg-
asta í lífi hans til þessa. Gangi honum vel verður hann örugglega
mörgum öðrum, sem eiga erfitt með að stíga svona skref, hvatning
til betra og skemmtilegra lífs.
Jólahátíðin er að baki og grár hversdagsleikinn tekinn við sem
mörgum finnst betri en hátíðardagar, þótt ótrúlegt sé. Það eru
ekki allir sem eiga góðar stundir af ýmsum ástæðum sem ekki
verða raktar hér. Langflestir njóta þó ljúfra stunda með sínum
nánustu. Einstaklingar og félagasamtök komu hjálparaðilum á
borð við Velferðarsjóð og Fjölskylduhjálp Íslands til aðstoðar með
margvíslegum framlögum, í formi peninga eða annars. Fyrir það
ber að þakka.
Um leið og við hjá Víkurfréttum þökkum ykkur kæru lesendur
fyrir samstarfið á liðnum árum óskum við öllum gleðilegs nýs árs
með von um að það færi okkur gæfu og gleði.