Víkurfréttir - 13.03.2014, Blaðsíða 30
fimmtudagurinn 13. mars 2014 • VÍKURFRÉTTIR30
-íþróttir pósturu eythor@vf.is
ALLSHERJAR
ATKVÆÐAGREIÐSLA
Allsherjaratkvæðagreiðsla verður viðhöfð við kjör
stjórnar og trúnaðarráðs Verslunarmannafélags
Suðurnesja fyrir starfsárið 2014 - 2015.
Kosið er um formann, 3 fulltrúa í stjórn og 3 til vara,
7 fulltrúa í trúnaðarráð og 7 til vara,
2 félagslega skoðunarmenn og 1 til vara.
Framboðslistum skal skila á skrifstofu Verslunarmanna-
félags Suðurnesja, Vatnsnesvegi 14, Reykjanesbæ,
eigi síðar en kl. 12:00, föstudaginn 22. mars 2014.
Öðrum listum en lista stjórnar skulu fylgja
meðmæli 50 fullgildra félagsmanna.
Kjörstjórn
Góugleði!
Félag eldri borgara á Suðurnesjum
heldur hina árlegu góugleði í Samkomuhúsinu
í Garði sunnudaginn 16. mars nk. kl. 15:00.
Margt til skemmtunar að ógleymdu kahlaðborði.
Fjölmennum!
Skemmtinefndin
ATVINNA
Go2 flutningar óska eftir að ráða bílstjóra
og ýmisstörf innan fyrirtækisins.
Skilyrði er að viðkomandi hafi meira próf.
Upplýsingar í síma 770 3571
Katrín Ösp Magnúsdóttir er 27 ára Vogamær og komin
tæpa 9 mánuði á leið með sitt
fjórða barn. Hún þjálfar 7 - 10 ára
stúlkur í júdó og ætlar að halda
því áfram eins lengi og hún getur.
Víkurfréttir kíktu á æfingu hjá
Katrínu í íþróttamiðstöðinni í
Vogum.
Armbeygjurnar pínu erfiðar
Katrín segir ekki erfitt að þjálfa þótt
hún sé komin þetta langt á leið.
„Maður finnur bara aðrar leiðir.
Ég fæ stelpurnar meira til að sýna
hver annarri. Sýni þeim hálfvegis
og svo klára þær bara. Reyndar var
ég að kenna þeim armbeygjur fyrir
tveimur vikum síðan og fattaði ekki
að ég væri með svona stóra bumbu
og komst bara nokkra sentimetra.
Þá benti ég bara á eina stúlknanna
og sagði: Gerið eins og hún.“ Katrín
hlær og bætir við að stelpurnar
séu mjög meðvitaðar um ástand
hennar og geri það sem þarf. „Þegar
ég var ólétt að öðrum drengnum
mínum þjálfaði ég stráka og stelpur
úr Grindavík. Sjálf á ég þrjá stráka
og einn stjúpson.“ Nóg er að gera
hjá Katrínu samhliða júdóþjálfun
og heimilishaldi, en hún er einnig
í grunnskólakennaranámi við Há-
skóla Íslands.
Stundum örlítið
þreytt á kvöldin
Spurð um styrk, orku og heilsu
á meðgöngunni segist Katrín
stundum verða örlítið þreytt á
kvöldin en þá fari hún bara þeim
mun fyrr að sofa. Ef konur eru í
hennar sporum og vilja nýta tím-
ann og orkuna sem best þegar
komið er svona langt á leið, segir
Katrín: „Bara með því að hreyfa
sig, huga að mataræðinu og hugsa
jákvætt. Taka viku fyrir viku.“ Eins
og áður hefur komið fram á Katrín
þrjú börn fyrir og einn stjúpson.
Hún segir það vera púsluspil:
„Maður er að allan daginn. Það
þarf bara skipulag.“
Með júdóáhugann í blóðinu
Katrín kemur úr mikilli júdófjöl-
skyldu. Faðir hennar er júdókapp-
inn Magnús Hersir Hauksson.
„Pabbi er búinn að vera í júdó síðan
hann var 5 eða 6 ára gamall og er
með júdóklúbb hérna í Vogunum.
Ég byrjaði að æfa hjá honum. Ég
ætlaði sko aldrei í júdó því ég var
í fimleikum. Hann fékk mig yfir í
júdó 15 ára gamla og ég hef ekki
hætt síðan,“ segir Katrín hlæjandi.
Hún kynntist einnig manni sín-
um, Grindvíkingnum Einar Jóni
Sveinssyni, á júdóæfingu. „Þar var
ég vör við hann og við höfum verið
saman í júdóinu síðan, ég, pabbi
og hann. Pabbi varð að sætta sig
við það þegar á leið,“ segir Katrín
hlæjandi.
Einar Jón þjá lfar aðal lega í
íhlaupum fyrir Katrínu og föður
hennar. „Hann er teknískari en ég
meira í grunninum. Svo þegar ég er
komin lengra fæ ég hann oft með
mér á æfingar til þess að kenna
svona auka.“ Spurð að lokum um
hvort sé nú betra í júdó, hún eða
maðurinn hennar, stendur ekki á
svari: „Ég er nú bara nokkuð góð
í standandi glímu. En pabbi minn
segir að ég sé frekar léleg í gólfglím-
unni. Ég virðist alltaf tapa því ég
er alltaf ólétt. Þannig að við erum
svona nokkuð jöfn,“ segir Katrín
skellihlæjandi að lokum.
Íþróttafélagið Nes ætlar að halda bingó
laugardaginn 15. mars í Holtaskóla, kl.13:00.
Fjöldi góðra vinninga.
Verð á bingóspjaldi er einungis 500 kr.
Allir velkomnir.
Nes-Bingó
n Þjálfar júdó á síðustu vikum meðgöngu:
„Stelpurnar sýna
bara hver annarri“
Einar Jón Sveinsson, Katrín Ösp Magnúsdóttir og Magnús Hersir Hauksson.
Katrín Ösp Magnúsdóttir gerir teygjuæfingar með
ungri júdókonu úr Vogum á Vatnsleysuströnd.
Katrín Ösp Magnúsdóttir er 27 ára
Vogamær og komin tæpa 9 mánuði
á leið með sitt fjórða barn. Hún
þjálfar 7 - 10 ára stúlkur í júdó og
ætlar að halda því áfram eins lengi
og hún getur.