Víkurfréttir - 27.02.2014, Blaðsíða 13
VÍKURFRÉTTIR • fimmtudagurinn 27. febrúar 2014 13
-mannlíf pósturu vf@vf.is
RÁÐUM FAGMANN Í
STÖÐU BÆJARSTJÓRA
M eð nýjum sveitarstjórnar-lögum og fjárhagsreglum sveitarfélaga eru fjármál
og skuldir þeirra í brennidepli. Við
verðum að horfast í augu við þá
alvarlegu staðreynd að skuldastaða
Reykjanesbæjar er enn vel yfir þeim
viðmiðunarmörkum sem yfirvöld
hafa sett. Þar er gert ráð fyrir 150%
skuldahlutfalli sem hámarki miðað
við tekjur. Skuldahlutfall Reykjanes-
bæjar er langt yfir þeim mörkum.
Á þessu kjörtímabili hefur náðst
allnokkur árangur í lækkun skulda
bæjarfélagsins, en það hefur fyrst
og fremst byggst á samningum um
lækkun skulda og sölu eigna. Til að ná
viðunandi árangri verðum við að sýna
meiri aga og aðhald.
Nú er nauðsynlegt að gera hvort
tveggja að lækka útgjöld og auka
tekjur, eigi einhver árangur að nást
í áframhaldandi lækkun skulda. Við
þurfum fleiri öflug, atvinnuskapandi
fyrirtæki sem greiða há laun til að
tekjur sveitarfélagsins aukist. Við
þurfum ekki síður að draga markvisst
úr rekstrarútgjöldum og stöðva ýmsar
fjárfestingar sem vel geta beðið. Við
það ástand sem ríkir í okkar bæjar-
félagi verðum við að hafa manndóm
í okkur til að greina á milli nauðsyn-
legra verkefna og æskilegra verkefna.
Til þess að ná árangri í lækkun skulda
er að mínu mati nauðsynlegt að
skipta um skipstjóra í brúnni. Þar er
ég ekki að halla á núverandi bæjar-
stjóra sem persónu enda er hann
hinn vænsti maður. En fái ég til þess
brautargengi í komandi prófkjöri
Sjálfstæðismanna 1. mars n.k., mun
ég beita mér fyrir því að ráðinn verði
bæjarstjóri sem kemur ekki úr röðum
bæjarfulltrúa.
Ráðinn verði karl eða kona sem er
fagmaður í rekstri og beintengist ekki
stjórnmálaöflum í bæjarfélaginu.
Þessi aðili getur þá tekið rekstur
bæjarins föstum tökum og einbeitt
sér að því að koma fjármálunum í lag.
Þannig náum við bestum árangri í
rekstri sveitarfélagsins okkar. Reykja-
nesbær á sér bjarta framtíð verði rétt
á málum haldið.
Gunnar Þórarinsson,
bæjarfulltrúiFöstudaginn 7. mars frum-sýnir Leikfélag Keflavíkur
söngleikinn Ávaxtakörfuna eftir
Kristlaugu Maríu Sigurðardóttur
eða Kikku eins og hún er oftast
kölluð. Kikka skrifaði Ávaxta-
körfuna fyrir 15 árum síðan og
því skemmtilegt að Leikfélag
Keflavíkur fái að setja verkið á
svið í Frumleikhúsinu á þessum
tímamótum.
Gunnar Helgason leikstjóri verks-
ins sagði í samtali við VF að leik-
arahópurinn væri frábær, valin
manneskja í hverju hlutverki og
lifandi hljómsveit á sviðinu sem
spilar undir. Þrotlausar æfingar
hafa staðið yfir frá því um miðjan
janúar og gríðarleg vinna liggur
að baki uppsetningu sem þessari.
Það er því einlæg ósk þeirra sem að
sýningunni standa að suðurnesja-
menn fjölmenni á þessa frábæru
sýningu sem fjallar um það hvernig
einelti getur átt sér stað, hvar og
hvenær sem er og hvernig hægt er
að vinna með vináttuna. Þetta er
sýning sem á erindi við alla fjöl-
skylduna. Eins og áður sagði verður
frumsýning föstudaginn 7. mars,
kl.20.00, 2. sýning sunnudaginn
9. mars kl.14.00, 3. Sýning laugar-
daginn 15.mars kl.14.00 og 4. sýn-
ing sunnudaginn 16. mars kl.14.00.
Miðapantanir eru í síma 4212540.
Almennt miðaverð er 2000 kr. en
börn á leikskólaaldri greiða aðeins
1500 kr. Sjá allar nánari upplýs-
ingar í næsta tölublaði VF og á vf.is.
Iðandi leikhúslíf í
Reykjanesbæ
- Leikfélag Keflavíkur frumsýnir Ávaxtakörfuna í Frumleikhúsinu