Víkurfréttir - 27.02.2014, Blaðsíða 22

fimmtudagurinn 27. febrúar 2014 • VÍKURFRÉTTIR22
-íþróttir pósturu eythor@vf.is
Jón Axel Guðmundsson vakti mikla athygli fyrir töffara-
lega innkomu í bikarúrslitaleik
karla um síðastliðna helgi, þar
sem Grindvíkingar fögnuðu sigri
gegn ÍR. Grindvíkingurinn ungi
var svellkaldur í fjórða leikhluta
og setti niður öll fjögur skot sín,
þar af tvær þriggja stiga körfur í
horninu.
Jón Axel hefur verið viðloðinn
meistaraflokk í að verða þrjú ár
þrátt fyrir að verða ekki 18 ára fyrr
en síðar á árinu. Körfuboltaspek-
ingar vita af honum enda er hann
gríðarlegt efni. Eftir að Jón Axel
steig á stóra sviðið á laugardaginn
og sýndi hæfileika sína, vita eflaust
fleiri hver þessi gutti er.
Hvað flaug í gegnum hausinn á
bakverðinum unga í fjórða leik-
hluta? „Ég hugsaði bara um að
gera mitt besta. Sverrir sagði að
ef ég fengi opin skot þá ætti ég að
taka þau. Ég fékk skotin og lét bara
vaða.“ Jón Axel segir að það hafi
verið draumi líkast að setja niður
þessi stóru skot fyrir framan fulla
stúku af glöðum Grindvíkingum.
„Maður ímyndar sér að svona skot
heppnist einn daginn þegar maður
er að fíflast með félögum sínum.
Svo gerðist þetta bara. Æsku-
draumur rætist.“ Jón Axel lék að-
eins í 16 mínútur í leiknum en lét
mikið að sér kveða, átti tvær stoð-
sendingar, stal tveimur boltum og
hirti eitt frákast, auk þess að skora
10 stig.

Jón Axel segir að hann hafi bætt sig
töluvert sem leikmaður á undan-
förnu ári. Hann sé umvafinn
reynsluboltum sem séu duglegir
að leiðbeina honum til betri vegar.
Hann er duglegur að æfa sig auka-
lega og stefnir hátt í boltanum.
Stefnan er tekin til Bandaríkjanna,
en ef allt gengur að óskum mun
bakvörðurinn leika í framhalds-
skóla í Philadelphiu næsta haust.
Það er þegar komið í ferli en fyrst
skal klára tímabilið með stæl á Ís-
landi. „Það væri ekki leiðinlegt að
taka tvöfalt í ár og vinna Íslands-
meistaratitilinn þriðja árið í röð
áður en ég fer til Bandaríkjanna,“
en Grindvíkingar hafa unnið titil-
inn undanfarin tvö ár. Einhver bið
hafði þó verið eftir bikartitlinum
sem síðast kom til Grindavíkur árið
2006.

Fékk gæsahúð þegar
flautan gall
„Þetta er langþráður titill. Þegar
um 30 sekúndur voru eftir af
leiknum áttaði maður sig á því að
þetta væri orðið að raunveruleika.
Ég fékk þvílíka gæsahúð þegar
fagnaðarlætin brutust úr, þetta var
alveg geðveikt,“ rifjar Jón Axel upp.
Faðir Jóns er goðsögn í Grinda-
vík, Guðmundur Bragason, sem af
mörgum er talinn besti miðherji
sem Ísland hefur alið. Sjónvarps-
myndavélarnar voru duglegar að
sína þann gamla í stúkunni sem
skiljanlega var að rifna úr stolti
yfir syninum. „Hann sagði mér að
hann væri ótrúlega stoltur af mér
eftir leikinn. Sagði mér að ég hafi
sýnt hvar í mér býr, að þetta væri
bara spurning um að þora.“
Samkeppni er hörð í sterku
Grindavíkurliði. Jón Axel leggur
hart að sér til þess að fá sem flest
tækifæri. Ef hann nýtir þau eins og
hann gerði í Laugardalshöll þá eru
honum allir vegir færir.
„Draumur minn er að komast
í byrjunarliðið. Það er erfitt en
maður verður að vinna sér inn
mínútur,“ segir bakvörðurinn ungi.
Draumurinn er á endanum að
komast í háskólaboltann vestan-
hafs en það verður tíminn að leiða
í ljós.
Hver er fyrirmynd
þín í körfubolta?
Pabbi hefur alltaf verið fyrir-
myndin mín en nú er hann
hættur, þannig að Lebron James
og Jón Arnór eru spilandi menn
sem ég lít upp til núna.
Hvernig myndir þú
lýsa þér sem leikmanni?
Mér finnst frekar gott að klappa
boltanum, en ef menn eru opnir þá
hika ég ekki við að gefa boltann. Ég
á það til að vera frekar villtur leik-
maður en annars er ég bara mjög
mikill alhliða leikmaður, get skotið,
gefið, drive-að, dripplað og póstað.
Eftirlætislið í NBA?
Miami og já, ég er einn
af þessum Lebron James gæjum.
Eins og staðan er í dag,
hvor vinnur í 1-á-1, þú eða
pabbi gamli?
Sko, pabbi er ekki lengur jafn
frár á fæti og hann var, þann-
ig að ég hef hann. Hann er
lúmskur í sókninni sá gamli en
vörnin drepur hann alltaf.
Hver er furðufuglinn
í Grindavíkurliðinu?
Það muna vera Ómar, en Óli Óla
er ekki langt á eftir honum.
Hvernig er framtíðin
hjá Grindavík?
Framtíðin í Grindavik er mjög
björt og unglingastarfið er virkilega
gott. Ég er sáttur með leikmenn
sem eru að leggja mikið aukalega
á sig með einstaklingsæfingum.
Áttu þér einhverjar hefðir
varðandi körfuboltann.
Hjátrú?
Ég er ekki með sérstakar hefðir
fyrir utan það að ég er með lagalista
sem heitir leikdagur sem ég hlusta
á fyrir alla leiki. Lög sem peppa
mig upp eru m.a. Ain't worried
'bout nothin' með French Montana
og Lebron James með Yo gotti.
Hver eru markmið þín
sem körfuboltamaður?
Það er helst að bæta mig með
hverjum deginum. Ef maður
gerir það mun maður ná langt!
Hvor er sætari, Bikarinn
eða Íslandsmeistaratitilinn?
Ég myndi segja Íslandsmeistara-
titillinn því maður er búinn að
vera heila úrslitakeppni að berjast
fyrir honum. Annars er svo lítill
munur á þessu, bæði geðveik til-
finning en sá stóri er aðeins betri.
Áttu þér viðurnefni?
Páll Axel var alltaf kallaður Paxel og
svo þegar ég mætti í meistaraflokk
þá byrjaði hann bara að kalla mig
Jaxel, þannig hefur það verið síðan.
ÆSKU-
DRAUMUR
AÐ RÆTAST
-Paxel hver? Bjóðið velkominn Jaxel!
Jón Axel á fullri ferð í bikarúrslitaleiknum. VF/myndir Páll Orri